အမေရိကန်ပြည်ထောင်စု နယူးယောက်စီးတီးရှိ အစည်ကားဆုံးနေရာဖြစ်သော Time Square ရင်ပြင်တွင် နိုင်ငံတော် အတိုင်ပင်ခံ လူထုခေါင်းဆောင် ဒေါ်အောင်ဆန်းစုကြည်၏ အသက်၈၀ ပြည့် မွေးနေ့ဆုတောင်းပွဲနှင့် အဖမ်းဆီးခံနိုင်ငံရေးအကျဉ်းသားအားလုံးလွတ်မြောက်ရေး ဆုတောင်းပွဲကို ဒေသစံတော်ချိန် ဇွန်လ ၂၁ ရက်ညနေပိုင်းက စည်ကားသိုက်မြိုက်စွာ ကျင်းပခဲ့ကြောင်း သိရှိရသည်။
အဆိုပါဆုတောင်းပွဲတွင် ဘာသာကြီးလေးခုမှ ကိုယ်စားလှယ်များက ဆုတောင်းစကားများရွတ်ဆို ဆုတောင်းခဲ့ကြပြီး ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းကလည်း လူထုခေါင်းဆောင် ဒေါ်အောင်ဆန်းစုကြည်အတွက် မွေးနေ့အမှတ်တရဂုဏ်ပြုစကားပြောကြားဂုဏ်ပြုပေးခဲ့ကြောင်း၊ တော်လှန်အဆိုတော်များဖြစ်သော ကျော်သီဟ၊ ဝင်းနိုင်စိုး၊ Leo နှင့် အခြားအဆိုရှင်များမှလည်း မွေးနေ့အမှတ်တရ သီချင်းများသီဆိုဖျော်ဖြေပေးခဲ့ကြောင်း သိရှိရသည်။
Photo by KyawSoe Latt
