ဒီကနေ့ ဇူလိုင် ၅ ရက် မနက်ပိုင်း တင်ဆက်ပေးမယ့် သတင်းတွေကတော့
-မြန်မာနိုင်ငံတစ်ဝန်းမှာ လူငယ်တွေကို ပေါ်တာဆွဲ ဖမ်းဆီးမှုတွေ အကြီးအကျယ်ဖြစ်ပွားနေတဲ့ စစ်မှုထမ်း သင်တန်းတွေကို ပုံမှန်ဖွင့်လှစ်သွားရင် နိုင်ငံလုံခြုံရေးကောင်းမွန်လာမယ်လို့ စစ်ကောင်စီရဲ့ နံပါတ် ၃ ခေါင်း ဆောင် ဗိုလ်ချုပ်ကြီး ကျော်စွာလင်းက ပြောပါတယ်။
-အရှေ့တီမောနိုင်ငံကို အာဆီယံအဖွဲ့ဝင်နိုင်ငံအဖြစ် လက်မခံဖို့ မြန်မာစစ်ကောင်စီရဲ့ ကန့်ကွက်မှု တီမောသမ္မတ José Ramos-Horta က ပယ်ချလိုက်ပါတယ်။
-ကရင်ပြည်နယ်၊ ထိုင်း-မြန်မာနယ်စပ်ရှိ စစ်ကောင်စီရဲ့ ဝေါလေဗျူဟာကုန်းကို KNLA ပူးပေါင်းတပ်တွေက ပိတ်ဆို့တိုက်ခိုက်နေပြီး ဒေသပြည်သူတွေကလည်း ထိုင်းနိုင်ငံဘက်ကို စစ်ဘေးတိမ်းရှောင်လာကြတယ်လို့ ထိုင်းသတင်းဌာနတွေရဲ့ သတင်းဖော်ပြချက်နဲ့ ထိုင်း-မြန်မာနယ်စပ်သတင်းရင်းမြစ်တွေရဲ့ ပြောဆိုချက် အရသိရပါတယ်။
