ဒီကနေ့ ဇူလိုင် ၈ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
အမေရိကန်ကိုတင်ပို့မယ့် မြန်မာထုတ်ကုန်တွေကို အခွန် ၄၀ ရာခိုင်နှုန်းကောက်ခံမှာဖြစ်ပြီး အခွန်ရှောင်ရင် အခွန်ရာခိုင်နှုန်းထပ်တိုးမှာဖြစ်တယ်လို့ အမေရိကန် သမ္မတထရမ့်က အကြမ်းဖက်မင်းအောင်လှိုင်ဆီကို စာရေးသားပေးပို့ပြီး ပြောလိုက်ပါတယ်။
စစ်ကိုင်းတိုင်း၊ ကလေးမြို့နယ်၊ နှောညောင်ပင် ကျေးရွာ ပျူစောထီးနှင့်စစ်တပ်အထိုင်စခန်းကို တော်လှန်ရေးတပ်တွေက တိုက်ခိုက်သိမ်းပိုက်ခဲ့တာမှာ စစ်ကောင်စီတပ်ဖွဲ့ဝင် ၆ ဦးသေဆုံးပြီး ၁ ဦးအရှင်ဖမ်းမိကာ လက်နက်ခဲယမ်းတွေ သိမ်းဆည်းရရှိခဲ့တယ်လို့ ပကဖ အသံက သတင်းထုတ်ပြန်ထားပါတယ်။
စစ်ကိုင်းတိုင်း၊ မုံရွာမြို့ပေါ်မှာ ဆက်ကြေးကောက်နေတဲ့ အကြမ်းဖက် စစ်ကောင်စီ တပ်သားတွေကို လက်ပစ်ဗုံး၊ လက်နက်ငယ်တွေနဲ့ တိုက်ခိုက်ခဲ့တာမှာ စစ်သား ၄ ဦးအပြင်းအထန် ဒဏ်ရာရရှိခဲ့တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။
