ထားဝယ်ခရိုင်၊ လောင်းလုံးမြို့နယ်အတွင်း ထားဝယ်ခရိုင် ဒီမိုကရေစီအရေး လှုပ်ရှားမှုသပိတ်ကော်မတီက ဦးဆောင်ကာ ယနေ့ ဇူလိုင် ၁၉ ရက်၊ နံနက်ပိုင်းက အာဇာနည်နေ့အခမ်းအနားနှင့် စစ်အာဏာရှင်စနစ်ဆန့်ကျင်ရေး လူထုသပိတ်လှုပ်ရှားမှုပြုလုပ်ခဲ့ကြသည်။
“အာဇာနည်တို့ မျှော်ရည်ချက် လူထုအားနဲ့ ဆက်ချီတက်” ခေါင်းစဥ်နှင့် အခမ်းအနားပြုလုပ်ခဲ့ခြင်း ဖြစ်ပြီး သမဂ္ဂခွပ်ဒေါင်းအလံတော်ကို အလေးပြုခြင်း၊ ဗိုလ်ချုပ်အောင်ဆန်းနှင့်တကွ အာဇာနည်သူရဲကောင်းများကို အလေးပြုခြင်း၊ လွမ်းသူပန်းခွေချ ဂါရဝပြုခြင်း၊ အမှတ်တရစကားပြောကြားခြင် အစီအစဥ်များ ပြုလုပ်ခဲ့ကြောင်း သိရှိရသည်။
