ရန်ကုန်တိုင်း မှော်ဘီ ရဲတပ်ရင်း ၅ မှ ပေါ်တာဆွဲ ဖမ်းဆီးခံရသော စစ်မှုထမ်း တပ်သားသစ် မောင်ငြိမ်းမင်း လက်ပစ်ဗုံးနှင့် ကျည်ဆန်များ ယူဆောင်လာပြီး အလင်းဝင်ရောက်ခဲ့ကြောင်း တောင်သာမြို့နယ် ပကဖ မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ဇူလိုင်လ ၁၉ ရက်နေ့တွင် ရန်ကုန်မြို့ မှော်ဘီ ရဲတပ်ရင်း ၅ မှ အတင်း အဓမ္မ ပေါ်တာဆွဲ ဖမ်းဆီးခံရသော စစ်မှုထမ်း တပ်သားသစ် မောင်ငြိမ်းမင်းသည် တောင်သာမြို့နယ် ပြည်သူ့ကာကွယ်ရေးအဖွဲ့ထံ အလင်းဝင်ရောက်ခဲ့ကြောင်း သိရသည်။
စစ်မှုထမ်း တပ်သားသစ် မောင်ငြိမ်းမင်းသည် လက်ပစ်ဗုံး ၂ လုံး နှင့် ကျည် ၂၅၀ တောင့်တို့ ယူဆောင်လာခဲ့ကြောင်း သိရှိရသည်။
ဆက်လက်၍လည်း စစ်ကောင်စီ တပ်မှ အလင်းဝင်ရောက်လိုသော စစ်ကောင်စီ တပ်သားများကိုလည်း ဆက်လက် ကြိုဆိုနေကြောင်း တောင်သာမြို့နယ် ပြည်သူ့ကာကွယ်ရေးအဖွဲ့က အသိပေးနှိုးဆော်ထားသည်။
