အနိမ့်ပိုင်း မြစ်ကမ်းပါး​ဘေးနား​နေ ပြည်သူများကို ရေကြီးမှု သတိပေး လက်ကမ်းစာစောင်များ ပြည်သူ့ကာကွယ်ရေးတပ်ဖွဲ့ဝင်များ ဖြန့်ဝေ

ရန်ကုန်၊ ဇူလိုင် ၂၂

တိုင်ဖွန်းမုန်တိုင်းအဆင့်မှ ​လျော့ကျလာသည့် အား​ကောင်း​​သော အပူပိုင်းမုန်တိုင်း ဝီဖာ​ (WIPHA ​) ​ကြောင့် မြန်မာနိုင်ငံတွင်း ရုတ်တရက်​ရေကြီးခြင်း ( FLASH FLOOD ) ​ဘေးအန္တရာယ်များ ကြုံ​တွေ့လာရနိုင်သည့် အနိမ့်ပိုင်း မြစ်ကမ်းပါး​ဘေးနား​နေ ပြည်သူများကို ​ရေကြီးခြင်း၊ မြစ်​ရေကြီးခြင်း​ဘေးအန္တရာယ်များအတွက် ကြိုတင်ပြင်ဆင်သင့်သည်များ၊ သိရှိလိုက်နာသင့်သည်များကို အသိပညာ​ပေး​ဟော​ပြောခြင်း ၊ လက်ကမ်းစာ​စောင်များ ဖြန့်​ဝေခြင်းကို ပြည်သူ့ကာကွယ်​ရေးတပ်ဖွဲ့ဝင်များ လုပ်ဆောင်ခဲ့ကြကြောင်း သိရှိရသည်။

အဆိုပါ ပြည်သူများကို ရေကြီးမှု သတိပေး လက်ကမ်းစာစောင်များဖြန့်ဝေမှုကို အမျိုးသားညီညွတ်​ရေးအစိုးရ ကာကွယ်​ရေးဝန်ကြီးဌာန ပြည်သူ့ကာကွယ်​ရေးတပ်မ​တော် ​နေပြည်​တော်တိုင်းစစ်ဌာန ပြည်သူလူထုလုံခြုံ​ရေးဌာန နှင့် ​ဒေသဆိုင်ရာ ပြည်သူ့ကာကွယ်​ရေးတပ်ဖွဲ့ဝင်များ ပူး​ပေါင်းလုပ်ဆောင်ခဲ့ခြင်း ဖြစ်ကြောင်း သိရှိရသည်။