မကွေးတိုင်း၊ စလင်းမြို့နယ်၊ တညောင်တိုက်နယ်အတွင်း၌ စစ်တပ်စစ်ကြောင်းကို တိုက်ခိုက်ခဲ့ရာ စစ်သားများ ထိခိုက်သေဆုံးမှုရှိနိုင်ကြောင်း သခင်ဖိုးလှကြီးတပ်ဖွဲ (ချောက်)မှ တာဝန်ရှိသူ တစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။
ဇူလိုင်လ ၃၀ ရက်နေ့ စလင်းမြို့နယ်၊ တညောင်ကျေးရွာဘက်မှ အင်အား ၁၅၀ ခန့်ဖြင့် စစ်ကြောင်းထိုး လာသည့် စစ်တပ် စစ်ကြောင်းကို တညောင်ကျေးရွာနှင့် တောင်ဖီလာကျေးရွာအရောက် ပြည်သူ့ကာ ကွယ်ရေး ပူးပေါင်းတပ်ဖွဲ့က လက်နက်ကြီး၊ ဒရုန်းများဖြင့် တိုက်ခိုက်ခဲ့ရာ စစ်သားများ အထိနာပြီး တညောင်ဓာတ်ပေးခွဲရုံသို့ ပြန်လည် ဆုတ်ခွာသွားကြောင်း သိရသည်။
“ထိခိုက်သေဆုံးမှုကတော့ ရှိပါတယ်။ အတိအကျတော့ မသိရသေးပါဘူး၊ လူနာတင်ကား ၂ စီးနဲ့ ဆိပ် ဖြူ ဘက်ကို သယ်သွားတယ်လို့တော့ သတင်းရထားတယ်။ သူတို့ဘက်က လက်နက်ကြီးနဲ့ စပစ် တယ်၊ ပြီးတော့ လက်နက်ငယ်တွေနဲ့ ပစ်ပြီးဝင်လာတာပါ။ ကျနော်တို့မဟာမိတ်ပူးပေါင်းအဖွဲ့က ၈၁ မမ လက်နက်ကြီး၊ ၆၀ မမ လက်နက်ကြီးတွေနဲ့ ပြန်ပစ်တဲ့အချိန်မှာ တညောင်ဘက်ကို ပြန်ဆုတ် သွား တာပါ။” ဟု သခင်ဖိုးလှကြီးတပ်ဖွဲ (ချောက်)မှ တာဝန်ရှိသူက ရန်ကုန်ခေတ်သစ် သတင်း ဌာနထံသို့ ပြောကြားသည်။
အဆိုပါ တိုက်ခိုက်မှုကို သခင်ဖိုးလှကြီးတပ်ဖွဲ့(ချောက်) ၊ ပခုက္ကူခရိုင် အမှတ် ၄ တပ်ရင်း ၊ တပ်ခွဲ ၁/၂ ၊ သိန်းငှက်နက် ဒရုန်လက်ရုံးတပ်ဖွဲ့ ၊ စလင်း ပကဖ ဇုန် ၃ နှင့် မဟာမိတ်တပ်များ ပူးပေါင်းကာ တိုက် ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိခဲ့ကြောင်း သိရသည်။
လာမည့်ကာလအတွင်း တိုက်ပွဲအရှိန်မြင့်တက်လာနိုင်သောကြောင့် လိုအပ်သည့် လက်နက်ခဲယမ်းများဝယ်ယူရန် အတွက် ပြည်သူများက ဝိုင်းဝန်းကူညီထောက်ပံ့ပေးကြပါရန် မေတ္တာရပ်ခံထားသည်။
