ဒီကနေ့ ဩဂုတ် ၁၉ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
စစ်တပ်-နှင့်နိုင်ငံရေးအရ လက်တွဲ မလုပ်ကိုင်ချင်တာကြောင့် NLD ပါတီက မသမာမှုလုပ်ဆောင်ခဲ့ပြီး စစ်တပ်ရဲ့ နိုင်ငံရေးမှာ အချက်အချာကျမှုကို ပယ်ဖျက်ဖို့အတွက် အမုန်းတရား လုပ်ဆောင်ခဲ့တယ်လို့ အကြမ်းဖက် မင်းအောင်လှိုင်က ပြောပါတယ်။
-မကွေးတိုင်း၊ ပွင့်ဖြူမြို့နယ်အတွင်းမှာ စစ်ကြောင်း ထိုးနေတဲ့ စစ်တပ်က ပြည်သူ ၁၀ ဦးကို ဖမ်းဆီးပြီး နေအိမ်တွေကို မီးရှို့ဖျက်ဆီးခဲ့တယ်လို့ မင်းဘူးခရိုင် အမှတ် -၇ တပ်ရင်း People Defence Force – Pwintbyu ရဲ့ တာဝန်ရှိသူတစ်ဦးက ရန်ကုန်ခေတ်သစ်ကိုပြော ပါတယ်။
-မကွေးတိုင်း၊ မင်းဘူးမြို့နယ်၊ အိုင်းမကျေးရွာနှင့် အိုးပြင်မဲ ကျေးရွာကြားမှာ အကြမ်းဖက်စစ်တပ် စစ် ကြောင်းကို တိုက်ခိုက်ခဲ့တာကြောင့် စစ်သား ၇ ဦးသေဆုံးခဲ့ တယ်လို့ ဒေသနေပြည်သူတစ်ဦးက ရန်ကုန် ခေတ်သစ်ကိုပြောပါတယ်။
-ရှမ်းပြည်နယ်၊ ကျောက်မဲမြို့နယ် နောင်ပိန်ရွာ ၅ ရပ်ကွက်ကို အကြမ်းဖက် စစ်တပ်က လက်နက်ကြီးနဲ့ ပစ်ခတ်တာကြောင့် ပြည်သူ ၁ ဦး သေဆုံးပြီး ရွာလုံးကျွတ် ထွက်ပြေး တိမ်း ရှောင်နေရတဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။
