ကချင်ပြည်နယ်၊ ဗန်းမော်တိုက်ပွဲတွင် အမှတ် ၃၃ ခြေမြန်တပ်မ ဌာနချုပ်မှ သူနာ ပြု စစ်ဗိုလ် ဗိုလ်ကြီး အေးမျိုးထွန်းမှာ KIA က ပစ်ခတ်သော စနိုက်ပါကျည်ထိမှန် သေဆုံးပြီး အလောင်းကို မြစ်ကြီးနားသို့ ပြန်လည် သယ်ယူ သဂြိုလ်ကြောင်း သိရှိရသည်။
ဩဂုတ်လ ၁၃ ရက်နေ့ ဗန်းမော်တွင် စနိုက်ပါ ထိ၍ ဗိုလ်ကြီး အေးမျိုးထွန်းသေဆုံးခဲ့ခြင်းဖြစ်ပြီး ၎င်း၏ အလောင်း ကို မြစ်ကြီးနားမြို့သို့ ပြန်လည် သယ် ယူကာ စစ်အခမ်းအနားဖြင့် သဂြိုလ်ခဲ့ကြောင်း သိရှိရသည်။
ဗိုလ်ကြီး အေးမျိုးထွန်းသည် တပ်မတော်သူနာပြုနှင့်ဆေးဘက်ပညာသည်တက္က သိုလ် အပတ်စဉ် ၂ ကျောင်းဆင်းဖြစ်ပြီး သေဆုံးချိန်တွင် အသက် ၄၄ နှစ်ရှိနေပြီဖြစ်ကြောင်း၊ အမှတ် ၃၃ ခြေမြန်တပ်မ ဌာနချုပ်တွင် တာဝန်ထမ်း ဆောင်ရင်း ဗန်းမော်စစ်မြေပြင်သို့ စေလွှတ်ခံရပြီး စနိုက်ပါ ထိမှန်သေဆုံးခဲ့ခြင်းဖြစ်ကြောင်း သိရှိရသည်။
ကချင်ပြည်နယ်၊ ဗန်းမော်မြို့ကို KIA ဦးဆောင်သော ပူးပေါင်းတပ်များက ၂၀၂၄ ခုနှစ် ဒီဇင်ဘာလကတည်းက စတင် တိုက်ခိုက်ခဲ့ပြီး လက်ရှိ မြို့သိမ်းတိုက်ပွဲကာလ ၉ လကြာမြင့်လာသည်အထိ နှစ်ဖက် စစ်ရေးတင်းမာကာ တိုက်ပွဲများ အပြင်းအထန် ဆက်လက်ဖြစ်ပွားနေဆဲဖြစ်ကြောင်း KIA စစ်ရေး သတင်းရင်းမြစ်များထံမှ သိရှိရသည်။
