စစ်ကိုင်းတိုင်း၊ မုံရွာမြို့နယ်၊ မင်းထောင့် ဆိပ်ကမ်းမှ ထွက်လာသော စစ်ရေယာဉ် အုပ်စုကို ၁၀၇ မမ ရှော့တိုက်ဒုံးများဖြင့် ပစ်ခတ် တိုက်ခိုက်ရာ သင်္ဘော ၁ စီးထိမှန်ပြီး စစ်သား ၂ ဦး သေဆုံးနိုင်ကြောင်း Royal Tiger Force ပြောက်ကျားတပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
ယမန်နေ့ သြဂုတ်လ ၂၂ ရက်နေ့ မုံရွာ မင်းထောင့် ဆိပ်ကမ်းမှ ထွက်ခွာလာသော စစ်သင်္ဘောများနှင့် မော်တော်များ ပါဝင်သော ရေယာဉ် အုပ်စုကို တော်လှန်ရေး တပ်ဖွဲ့များက ၁၀၇ မမ ရှော့ တိုက်ဒုံး ၂ လုံးဖြင့် ပစ်ခတ် တိုက်ခိုက်ခဲ့ကြောင်း သိရသည်။
ယင်း တိုက်ခိုက်မှု အတွင်း စစ်သင်္ဘော ၁ စီးကိုထိမှန်ခဲ့ပြီး အင်ဂျင် ၁ လုံး ပျက်စီးကာ သင်္ဘောပေါ်တွင် လိုက်ပါလာသော စစ်သား ၂ ဦးလည်း ပြင်းထန်ဒဏ်ရာရရှိကာ သေဆုံးနိုင်ကြောင်း သိရှိရသည်။
” သင်္ဘောပေါ်မှာ လိုက်ပါလာတဲ့ စစ်ခွေး ၂ ကောင်ကတော့ ပြင်းထန်ဒဏ်ရရတယ်။ သေဆုံးနိုင်တယ်လို့တော့ သိရတယ်။ ဒီကောင်တွေက ရေကြောင်းတက်တဲ့အချိန် ဆို ရက္ခာပို့တာတွေ ရေကြောင်းကနေ ကြေးနီးတို့ ကျောက် စိမ်းတို့ ထုတ်ယူနေတာတွေ ရှိတယ်။ ကျနော်တို့ကတော့ ရ ရင်ရသလိုကြုံရင်ကြုံသလို တိုက်ရမှာ ဒီကောင်တွေက လေကြောင်းကို တော်တော်အားကိုတယ်။ မနေ့ကလည်း ပါရာမော်တာက နမခ ခွေးခြံပေါ်မှာ ဝဲနေတာ တိုက်ပွဲဖြစ်ရင် အချိန်မှီ လာနိုင်အောင်ထင်တယ်” ဟု Royal Tiger Force ပြောက်ကျားတပ်ဖွဲ့မှ တာဝန်ရှိသူ တစ်ဦးက ပြောဆိုသည်။
အဆိုပါ တိုက်ခိုက်မှုကို Royal Tiger Force ပြောက်ကျားတပ်ဖွဲ့မှ ပြုလုပ်ခဲ့ခြင်းဖြစ်ပြီး တော်လှန်ရေး ရဲဘော်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
