ဒီကနေ့ ဩဂုတ် ၂၄ ရက် ညနေပိုင်း တင်ဆက်ပေးမယ့် သတင်းတွေကတော့
-အာရက္ခတပ်တော် AA စစ်ဦးစီးချုပ် ဗိုလ်ချုပ်ထွန်းမြတ်နိုင်ဟာ ရခိုင်မြေပေါ်မှာ ရခိုင်ပြည်သူလူထုတချို့နှင့် တွေ့ဆုံတဲ့ ဓာတ်ပုံတွေ ထွက်ပေါ်လာပါတယ်။
ရခိုင်ပြည်၊ ဘူးသီးတောင်မြို့နယ်၊ ထန်းရှောက်ခံကျေးရွာက မွတ်ဆလင် ၆၀၀ ကျော်ကို အာရက္ခတပ်တော် AA က မသတ်ဖြတ်ခဲ့ကြပါဘူးလို့ မောင်တောခရိုင် အစ္စလာမ်ဘာသာဝင် အကြီးအကဲတွေက မနေ့က ဩဂုတ်လ ၂၃ ရက်နေ့မှာ ထုတ်ပြန်ပြောထားပါတယ်။
မန္တလေးတိုင်း၊ မြင်းခြံခရိုင်၊ မြင်းခြံမြို့နယ်၊ ဆုံရွာစခန်းကနေ ငါန်းမြာကြီးရဲကင်းစခန်းဘက်ကို ထွက်လာတဲ့ အကြမ်းဖက်စစ်သား၊ ရဲ နဲ့ ပျူစောထီးတွေကို တိုက်ခိုက်ခဲ့ တာကြောင့် ၁၄ ယောက်သေဆုံးပြီး လက်နက် ၄ လက်သိမ်းဆည်းရရှိခဲ့တဲ့ သတင်းအပါအဝင် ညနေခင်းသတင်းတွေကို တင်ဆက်ပေးပါမယ်။
