ကချင်ပြည်နယ်၊ ဖားကန့်မြို့၊ မရှီကထောင်ရပ်ကွက်၊ ကျောက်စိမ်းတောင်တံတားထိပ်တွင် လူငယ် ၁၅ ဦးကို အကြမ်းဖက်စစ်တပ်က ဖမ်းဆီးသွားကြောင်း ဒေသပြည်သူတချို့က ရန်ကုန် ခေတ်သစ်သတင်းဌာနထံသို့ ပြောကြားသည်။
ယမန်နေ့ ဩဂုတ်လ ၂၉ ရက် ညပိုင်းက ဖားကန့်မြို့၊ မရှီကထောင်ဘက်ခြမ်း၊ ကျောက်စိမ်းတောင်တံ တားထိပ်တွင် လူငယ် ၁၅ ဦးကို အကြမ်းဖက်စစ်ကောင်စီတပ်က ကားဖြင့် ရုတ်တရက်ရောက်လာ ကာ ဖမ်းဆီးသွားခြင်းဖြစ်ပြီး မည်သည့်အတွက်ကြောင့် မည်သည့် နေရာသို့ ဖမ်းဆီးသွားသည်ကို သိရှိရခြင်းမရှိသေးကြောင်း သိရသည်။
“ညကဖမ်းသွားတဲ့ လူငယ်တွေရဲ့နောက်ဆက်တွဲ အခြေအနေတော့ မသိရသေးဘူး။ စကမ တပ်သား တွေက မထင်ရင်မထင်သလို စစ်တယ်။ ဖမ်းတယ်။ တိုက်ပွဲကြီးကြီးမားမားဖြစ်တာတော့ မရှိဘူး။ မနေ့ည ကတော့ တစ်ချက်နှစ်ချက်လောက်ပစ်ခတ်သံတွေကြားတယ်၊ ဒီနေ့မနက်တော့ မကြားမိ သေးဘူး။” ဟု ဒေသ သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောကြားသည်။
ဖားကန်မြို့ပေါ်တွင် အကြမ်းဖက်စစ်တပ်က အင်အား အပြည့်ချထားပြီး အမှိုက်ပုံဘက်မှ ဆင်းလာ သည့် လမ်းပေါ်တွင် မောင်းတံဂိတ်ချထားကာ စစ်ဆေးလျက်ရှိကြောင်း၊ အလားတူ ပန်းတင် တံတား နေရာ၌ လည်း စစ်ဆေးလျက်ရှိကြောင်း၊ ထိုသို့ စစ်ဆေးမှုများအတွင်း ဖမ်းဆီးခံရသူများလည်းရှိ ကြောင်း သိရသည်။
အကြမ်းဖက်စစ်ကောင်စီတပ်က ဖားကန့်မြို့ပေါ်ရပ်ကွက် ၅ ခုကို အခြေပြုကာ ရွေးကောက်ပြုလုပ် နိုင်ရန် စီစဉ်လျက်ရှိပြီး ပြည်သူများကိုလည်း ဖမ်းဆီး၊ သတ်ဖြတ်မှုများလည်းရှိနေသောကြောင့် မိဘပြည်သူများအနေဖြင့် အထူးဂရိုစိုက်သွားလာနေထိုင်ကြပါရန် တော်လှန်ရေးအဖွဲ့အစည်းများက တိုက်တွန်းထားသည်။
ဖားကန့်တွင် စစ်တပ်က မေလနှောင်းပိုင်းမှစတင်၍ စစ်ကြောင်းထိုးလာခဲ့ခြင်းဖြစ်ပြီး စစ်ကြောင်းထိုးစဉ်ကာလ တစ်လျှောက်လုံး ပြည်သူ ၇၀ ကျော် သတ်ဖြတ်ခဲ့ကြောင်း ဒေသပြည်သူများထံမှ သိရှိရသည်။
ဓာတ်ပုံ- ဖားကန့်သို့ စစ်ကြောင်းထိုးဝင်ရောက်လာပြီးနောက် မီးရှို့ဖျက်ဆီးမှုများ လုပ်ဆောင်နေသော အကြမ်းဖက်စစ်တပ်။
