မကွေးတိုင်း၊ မြိုင်မြို့နယ်၊ လယ်တီရွာကို အကြမ်းဖက် စစ်တပ်က တိုက်ပွဲဖြစ်ပွားခြင်းမရှိဘဲ စက်တပ်လေထီးဖြင့် ဗုံးကျဲ တိုက်ခိုက်ရာ ပြည်သူ ၁ ဦး ဒဏ်ရာရရှိခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။
ယနေ့ ဩဂုတ်လ ၃၀ ရက်နေ့ နံနက် ၉ နာရီ ၄၀ မိနစ်ခန့်အချိန် အကြမ်းဖက် စစ်တပ်က တိုက်ပွဲဖြစ်ပွားခြင်းမရှိဘဲ ပခုက္ကူ တပ်မ ၁၀၁ မှ တက်လာသော စက်တပ်လေထီး ၁ စီးက မြိုင်မြို့နယ်၊ လယ်တီရွာတောင်ဘက်ကို ဗုံး ၃ လုံးကျဲချ တိုက်ခိုက်ခဲ့ကြောင်း သိရသည်။
အကြမ်းဖက် စစ်တပ်၏ ဗုံးကျဲ တိုက်ခိုက်မှု အတွင်း ပြည်သူ ၁ ဦး ထိခိုက်ဒဏ်ရာရရှိကာ ဒဏ်ရာအခြေအနေ မစိုးရကြောင်း၊ ထို့ပြင် ပြည်သူများ မွေးမြူထားသော ဝက် ၁ ကောင်းနှင့် ကြက် ၁ ကောင်သေဆုံးခဲ့ကြောင်း သိရှိရသည်။
“ဒီနေ့ နံနက် ၉ နာရီကျော်လောက်မှာ ပခုက္ကူ တပ်မ ၁၀၁ က တက်လာသော စက်တပ်လေထီး ၁ စီးက မြိုင်မြို့နယ်၊ လယ်တီရွာတောင်ဘက်ကို ဗုံး ၃ လုံး ကျဲချ တိုက်ခိုက်သွားတာ ပြည်သူ ၁ ဦး ထိခိုက်ဒဏ်ရာရတယ်။ ဒဏ်ရာအခြေအနေကတော့ မစိုးရိမ်ရပါဘူး” ဟု ဒေသပြည်သူတစ်ဦးကပြောဆိုသည်။
အကြမ်းဖက် စစ်တပ်က လေကြောင်း တိုက်ခိုက်မှုများ အချိန်မရွေးပြုလုပ်နိုင်သည့် အတွက် ပြည်သူများ သတိပြုနေထိုင်ကြရန် ဒေသတွင်း တော်လှန်ရေး အဖွဲ့များ အသိပေးပြောဆိုထားသည်။
