ဒီကနေ့ ဩဂုတ် ၃၁ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
-မြန်မာနိုင်ငံမြောက်ပိုင်းဒေသ တည်ငြိမ်ရေးအတွက် နယ်စပ်ဒေသက လက်နက်ကိုင်အဖွဲ့တွေကို တရုတ်က ဖိအားပေး ပေးနေလို့ မင်းအောင်လှိုင်က တရုတ်ကို ကျေးဇူးတင်တယ်လို့ ထုတ်ဖော်ပြောလာပါတယ်။
ကချင်ပြည်နယ်၊ ၀ိုင်းမော်မြို့နယ်၊ လမြန်ကျေးရွာ အနီးက စစ်တပ်တပ်စွဲထားတဲ့ ယာယီစခန်းနှင့် နေရာတချို့ကို KIA ပူးပေါင်းတပ်တွေက တိုက်ခိုက်သိမ်း ပိုက်လိုက်တယ်လို့ ကချင်စစ်ရေးသတင်းရင်းမြစ်က ပြောပါတယ်။
ကရင်နီပြည်နယ်၊ ဒီးမော့ဆိုမြို့နယ်၊ ငွေတောင် ရွာသစ်မှာ တပ်စွဲထားတဲ့ အကြမ်းဖက် စစ်တပ်ကို ဝင်ရောက် တိုက်ခိုက်ခဲ့တာကြောင့် စစ်တပ်ဘက်က ၁၅ ယောက်သေဆုံးပြီး လက်နက် ၆ လက် သိမ်းဆည်းရရှိခဲ့တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။
