ချင်းပြည်နယ်တွင် အကြမ်းဖက် စစ်ကောင်စီ၏ အတုအယောင်ရွေးကောက်ပွဲကို လုံးဝဆန့်ကျင်ပြီး ရွေးကောက်တွင် ပါဝင်ပတ်သက်သူများကို ပြည်သူ့သစ္စာဖောက်အဖြစ်သတ်မှတ်ကာ ပြင်းထန်စွာ အရေးယူသွားမည်ဖြစ်ကြောင်း ချင်းပြည်ကောင်စီက အသိပေးထုတ်ပြန်သည်။
ဩဂုတ်လ ၂၇ ရက်နေ့မှ ၂၉ ရက်နေ့အထိ ချင်းလုံမြို့၌ ကျင်းပခဲ့သော ချင်းပြည် (Chinland) ကောင် စီ ပထမသက်တမ်း၊ ပဉ္စမအကြိမ် ကောင်စီအစည်းအဝေးတွင် အတည်ပြုဆုံးဖြတ်ခဲ့ခြင်းဖြစ်ကြောင်း သိရသည်။
အကြမ်းဖက် အာဏာသိမ်း စစ်ကော်မရှင်မှ စစ်အာဏာရှင်စနစ် သက်ဆိုးရှည်ရေးအတွက် ကျင်းပ ပြုလုပ်မည့် အတုအယောင်ရွေးကောက်ပွဲကို လုံးဝဆန့်ကျင်ပြီး ရွေးကောက်ပွဲတွင် ပါဝင်ပတ်သက် သူများအား ပြည်သူ့သစ္စာဖောက်အဖြစ် သတ်မှတ်ကာ ပြင်းထန်စွာ အရေးယူမှုပြုလုပ်သွားမည်ဖြစ် ကြောင်း အသိပေးထားသည်။
ထို့အပြင် ချင်းပြည် (Chinland) အတွင်း မူးယစ်ဆေးဝါးရောင်းဝယ်ခြင်း၊ ထုတ်လုပ်ခြင်း၊ သယ် ဆောင်ခြင်း၊ လက်ဝယ် ထားရှိခြင်း၊ သုံးစွဲခြင်း၊ စိုက်ပျိုးခြင်းများသည် အမျိုးသား ခြိမ်းခြောက်မှု အန္တရာယ် အ ဖြစ် မှတ်ယူကြောင်း၊ သို့ပါ၍ ချင်းပြည်(Chinland)ကောင်စီ၏ မူးယစ်ဆေးပါးနှင့် စိတ်ကိုပြောင်း လဲ စေသာ ဆေးဝါးများ အန္တရာယ် တားဆီးကာကွယ်တိုက်ဖျက်ရေးမူဝါဒနှင့်အညီ တားဆီးကာကွယ် တိုက်ဖျက်သွားမည်ဖြစ်ကြောင်း ဆက်လက်ပြောဆိုထားသည်။
အလားတူ ချင်းပြည် (Chinland) ကောင်စီသည် ချင်းပြည်အတွင်း လတ်တလောဖြစ်ပွားနေသော အစုအဖွဲ့ အချင်းချင်းကြား အမုန်းတရားများ ၊ စိတ်ဝမ်းကွဲပြားမှုများ ၊ တိုက်ခိုက်မှုများ အဆုံးသတ် စေ ရေးနှင့် အမြန်ဆုံးပြန်လည် သင့်မြတ်ပေါင်းစည်းနိုင်ရေးအတွက် ချင်းအမျိုးသား ဖြစ်တည်မှု စံ တန် ဖိုးများကို အလေးထားစွဲကိုင်လျှက် ဘာသာရေးခေါင်းဆောင်များနှင့် ဩဇာတိက္ကမရှိ ပုဂ္ဂိုလ်များ ပါ ဝင် စေလျက် ကြိုးပမ်းဆောင်ရွက်သွားမည်ကြောင်း ထုတ်ပြန်ထားသည်။
၂၀၂၅ ခုနှစ်၊ ဩဂုတ်လ ၁၁ ရက်နေ့တွင် ULA/AA မှ ပလက်ဝမြို့နယ်ကို ULA/AA ၏ ခရိုင် တစ်ခု အဖြစ် ထည့်သွင်းကြောင်း ဖေါ်ပြခြင်းအပေါ် ကန့် ကွက်ရှုတ်ချပါကြောင်းနှင့် ချင်းပြည် (Chinland) ကောင်စီသည် ချင်းပြည်သူများ၏ မွေးရာပါအခွင့်အရေးဖြစ်သော ပညာသင်ကြားခွင့် ၊ ကျန်းမာရေး စောင့်ရှောက်မှု ခံယူခွင့် ၊ လူသားချင်းစာနာမှုများကို မဆုံးရှုံးစေရန် ကြိုးပမ်း ဆောင်ရွက်သွားမည် ဖြစ်ကြောင်း ထုတ်ပြန်ချက်တွင် ဖော်ပြထားသည်။
ယင်းအစည်းအဝေးကို၂၀၂၀ ရွေးကောက်ခံလွှတ်တော်ကိုယ် စား လှယ်များအစုအဖွဲ့၊ ချင်းအမျိုးသား တပ်ဦး အစုအဖွဲ့ ၊ မြို့နယ်/ဒေသ အစုအဖွဲ့အသီးသီးမှ ကိုယ်စားလှယ် နှင့် လေ့လာသူများ အပါအဝင် စုစုပေါင်း ၈၁ ဦး တက်ရောက်ခဲ့ကြောင်း သိရသည်။
