ရှမ်းပြည်နယ်တောင်ပိုင်း၊ တောင်ကြီးမြို့ အခြေစိုက် ရှမ်း/တောင် ကြက်ခြေနီ ဥက္ကဌ ၊ လေတပ် ဗိုလ်မှူးပြုတ် ညီညီကို စစ်တပ်က WFP မှ ပေးအပ်သည့် အကူအညီများ အလွဲသုံးစားမှု၊ အာဏာအလွဲသုံးစားမှုများဖြင့် ဖမ်းဆီးစစ်ဆေးနေကြောင်း TGI Support Revolution မှ တာဝန်ရှိ သူတစ်ဦး က ရန်ကုန်ခေတ်သစ်သတင်းဌာနထံသို့ ပြောကြားသည်။
၂၀၂၁ ခုနှစ်၊ နှစ်ကုန်ပိုင်းက ရှမ်းပြည်နယ်တောင်ပိုင်း တောင်ကြီးမြို့အခြေစိုက်၊ ရှမ်း/တောင် ကြက် ခြေနီ အသင်း ဥက္ကဌ အဖြစ် ရောက်ရှိတာသော လေတပ် ဗိုလ်မှူးပြုတ် ညီညီ သည် နိုင်ငံတကာက ပေးအပ်ထားသည့် အကူအညီများ၊ ကမ္ဘာ့စားနပ်ရိက္ခာအစီအစဉ် – WFP မှ ပေးအပ်ထားသည့် အကူ အညီများ၊ ပြည်တွင်းပြည်ပ အလှူရှင်များက လှူဒါန်းထား သည့် ငွေကြေး၊ ပစ္စည်းများနှင့် ကြက်ခြေ နီ အသင်းပိုင်ပစ္စည်းများကို အလွဲသုံးစားမှုများဖြင့် ဖမ်းဆီးစစ်ဆေးနေခြင်းဖြစ်ကြောင်း သိရသည်။
“ကြက်ခြေနီ ဥက္ကဌ ညီညီကို စရဖကခေါ်စစ်တော့ စစ်တပ်က လှူဒါန်းထားတဲ့ ဆန်တွေပါ အလွဲသုံး စားလုပ်ထားတာပေါ်တယ်၊ ကျနော်တို့ သိထားတာက WFP နဲ့ ပြည်တွင်း၊ ပြည်ပအလှူရှင်တွေ လှူဒါန်းထားတာကိုပဲ သိထားတာ၊ ခေါ်စစ်တာက သတင်းတက်ပြီးတော့ ခေါ်စစ်ခံရတာ၊ အခုက တော့ ဥက္ကဌအဖြစ်ကနေပါ ဖြုတ်လိုက်ပြီ။” ဟု TGI Support Revolution မှ တာဝန်ရှိ သူတစ်ဦး က ရန်ကုန်ခေတ်သစ်သတင်းဌာနထံသို့ ပြောကြားသည်။
ထိုသို့ အလွဲသုံးစားမှုများဖြင့် အကြမ်းဖက်စစ်ကောင်စီလက်အောက်ခံ ဝန်ကြီးချုပ်၊ စရဖ၊ စအဖ၊ စစစ ၊ ကြက်ခြေနီဌာနချုပ် စသည့် ဌာနပေါင်းစုံက ခေါ်ယူစစ်ဆေးနေခြင်းဖြစ်ပြီး လေတပ်ပြုတ် ညီညီက လက်သီးဖြင့် ထိုးကြိတ်ခံရသူ လားရှိုးမြို့အခြေစိုက် ရှမ်း/မြောက်ကြက်ခြေနီ အသင်းမှ ကြက်ခြေနီတပ်သားကလည်း ထပ်မံတရားစွဲဆိုထားကြောင်း သိရသည်။
“သူ့ကို အဆင့်ဆင့်ခေါ်စစ်နေကြတာ၊ ဝန်ကြီးချုပ်ရုံး၊ စအဖ၊ စစစ ၊ ကြက်ခြေနီဌာနချုပ် ကုန်စစ် နေတာ၊ ပြီးမှ အရေးယူမှာ။ အခုကတော့ အလုပ်ကနေဖြုတ်လိုက်ပြီ၊ ဖြုတ်စာကို မနေ့က လက်မှတ် ထိုးလိုက်ပြီ၊ နောက်ပြီးတော့ သူထိုးလိုက်တဲ့ကောင်လေးကလည်း တောင်ကြီးတ ရားရုံးမှာ တရားစွဲ ထားတာ ဒီနေ့ စစ်ဆေးနေပြီ။” ဟု TGI Support Revolution မှ တာဝန်ရှိ သူတစ်ဦးက ရှင်းပြသည်။
ဖမ်းဆီးစစ်ဆေးခံနေရသော ညီညီသည် ရှမ်း/တောင်ကြက်ခြေနီအသင်း ဥက္ကဌအဖြစ် ရောက်ရှိလာ ပြီးနောက် အလွဲသုံးစားငွေများဖြင့် စတိုးဆိုင်များ ဖွင့်လှစ်ခြင်း၊ မြေကွက်များဝယ်ယူခြင်း၊ ကြက်ခြေ နီအသင်းပိုင်ကား၊ ပစ္စည်းများကို ကိုယ်ပိုင်ပြုလုပ်ကာ သုံးစွဲခြင်းတို့ ရှိကြောင်း၊ ၎င်းတာဝန်ယူသည့် အချိန်မှစ၍ တခြားတိုင်းနှင့် ပြည်နယ်များမှ ကြက်ခြေနီအသင်းများ၊ လူမှုကူညီရေးအသင်းများ၊ NGO အဖွဲ့အစည်းများကို ရှမ်း ပြည်နယ်တောင်ပိုင်းရှိ မြို့နယ်များအတွင်း ဝင်ရောက်ခွင့်မပြုပဲ ပိတ်ပင် တားဆီးခဲ့ကြောင်း သိရသည်။
ရှမ်းပြည်နယ်တောင်ပိုင်း၊ မိုးဗြဲမြို့၊ ဖယ်ခုံမြို့နယ်၊ ဆောင်းပြောင်းဒေသ၊ ဆီဆိုင်မြို့နယ်နှင့် ညောင် ရွှေမြို့နယ်အတွင်းမှ ထွက်ပြေးလာပြီး တောင်ကြီးမြို့၌ စစ်ဘေးရှောင်နေသော ပြည်သူများအတွက် ကမ္ဘာ့စားနပ် ရိက္ခာအစီအစဉ် – WFP မှ ပေးအပ်ထားသည့် ဆန်အိတ်များကိုလည်း ပြန်လည်ရောင်း ချကာ ကိုယ်ကျိုးအတွက် သုံးစွဲခဲ့ကြောင်း သိရသည်။
