ပဲခူးတိုင်း၊ အုတ်ဖိုမြို့နယ်တွင် လူငယ်များကို စစ်တပ်ထံ ရောင်းစားပြီး “ဘယ်တော်လှန်ရေးအဖွဲ့ လာလာ ဂရုမစိုက်ဘူး” ဟု စိန်ခေါ်ထားသော စစ်တပ် ဒေါက်တိုင် မြင့်ရွှေကို ပစ်ခတ်တိုက်ခိုက်ရာ ပွဲချင်းပြီး သေဆုံးခဲ့ကြောင်း သာယာဝတီခရိုင် တပ်ရင်း ၃၈၀၂ တပ်ခွဲ ၆ Black Dragon (GBK-PDF) မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။
စက်တင်ဘာလ ၅ ရက်နေ့ ညနေ ၆ နာရီ ၃၀ မိနစ်ခန့်တွင် အုတ်ဖိုမြို့နယ်၊ ဖလန်ပင်ရွာတွင်နေထိုသော အကြမ်းဖက် စစ်တပ် ဒေါက်တိုင် မြင့်ရွှေကို သာယာဝတီခရိုင် တပ်ရင်း ၃၈၀၂ တပ်ခွဲ ၆ Black Dragon (GBK-PDF) မှ ရဲဘော်များက ပစ်ခတ် တိုက်ခိုက်ရာ ပွဲချင်းပြီး သေဆုံးခဲ့ကြောင်း သိရသည်။
သေဆုံးသွားသော မြင့်ရွှေ သည် တော်လှန်ရေးရဲဘော်များ၏ သွားလာ လှုပ်ရှားမှုများကို အကြမ်းဖက် စစ်တပ်ထံ သတင်းပေးခြင်း၊ “ဘယ်တော်လှန်ရေးအဖွဲ့ လာလာ ဂရုမစိုက်ဘူး” ဟု ဆိုကာ စိန်ခေါ်ခြင်း၊ လူငယ်များကို စစ်တပ်ထဲသို့ လိမ်လည်ထည့်ကာ ရောင်းစားခြင်းများ လုပ်ဆောင်နေကြောင်း ပစ်ခတ်တိုက်ခိုက်ခဲ့ခြင်းဖြစ်ကြောင်း သိရှိရသည်။
“ဒီကောင်က တော်လှန်ရေး အဖွဲ့တွေကိုလည်း စိန်ခေါ်ထားတယ်။ နောက်ပြီး လူငယ်တွေကို စစ်တပ်ထဲထည့်ပြီး ရောင်းစားနေတဲ့အတွက် ကျနော်တို့ ပစ်ခတ် တိုက်ခိုက်ခဲ့တာပါ” ဟု သာယာဝတီခရိုင် တပ်ရင်း ၃၈၀၂ တပ်ခွဲ ၆ Black Dragon (GBK-PDF) မှ တာဝန်ရှိသူက ပြောဆိုသည်။
သာယာဝတီခရိုင် တပ်ရင်း ၃၈၀၂ တပ်ခွဲ ၆ Black Dragon (GBK-PDF) အနေဖြင့် ပြည်သူများနှင့် တော်လှန်ရေးတပ်ဖွဲ့များကို ဒုက္ခပေးနေသည့် အကြမ်းဖက် စစ်တပ် အပြင် ၎င်းတို့၏ ဒေါက်တိုင်များကိုလည်း အရှိန်မြှင့် တိုက်ခိုက်သွားမည်ဖြစ်၍ ပြည်သူများ ၄င်းတို့အနီး သွားလာနေထိုင်ခြင်းများ လုံးဝ (လုံးဝ) မပြုလုပ်ကြရန် အသိပေးပြောဆိုထားသည်။
