ဒီကနေ့ အောက်တိုဘာ ၄ ရက် ညနေပိုင်း တင်ဆက်ပေးမယ့် သတင်းတွေကတော့
အကြမ်းဖက် မင်းအောင်လှိုင် မန္တလေးတက္ကသိုလ် နှစ် ၁၀၀ ပြည့်ပွဲ လာတက်တဲ့အချိန် အလယ်ပိုင်းတိုင်း စစ်ဌာနချုပ်ရှိရာ မန္တလေး နန်းတွင်းထဲကို တော်လှန်ရေးတပ်တွေက ရှော့တိုက်ဒုံးနဲ့ ပစ်ခတ်တိုက်ခိုက်ခဲ့တယ်လို့ BWM တပ်ဖွဲ့ရဲ့ တာဝန်ရှိသူက ရန်ကုန်ခေတ်သစ်ကို ပြောပါတယ်။
တနင်္သာရီတိုင်း ရေဖြူမြို့နယ်၊ ထားဝယ်အထူးစီးပွားရေးဇုန် ဧရိယာအတွင်းမှာရှိတဲ့ ဧကနိ ကျေးရွာက နေအိမ်တွေကို အကြမ်းဖက် စစ်တပ်ကမီးရှို့ဖျက်ဆီးတဲ့အချိန် ကြံ့ဖွတ်ပါတီ လွှတ်တော်ကိုယ်စားလှယ်လောင်းနဲ့ ပါတီဝင်တွေရဲ့ အိမ်တွေပါ မီးရှို့ခံလိုက်ရတယ်လို့ ဒေသခံပြည်သူတွေက ပြောပါတယ်။
အကြမ်းဖက် စစ်တပ်က သူတို့လုပ်မယ့် အတုအယောင် ရွေးကောက်ပွဲကို နှောင့်ယှက်ဟန့်တားတယ်ဆိုပြီး ပြည်သူ ၆၄ ဦးကို ဖမ်းဆီးအရေးယူထားသလို နောက်ထပ် ဖော်ထုတ်အရေးယူမှုတွေ ဆက်လုပ်မယ်ဆိုပြီးတော့ပါ ခြိမ်းခြောက်ပြောဆိုလာပြန်တဲ့ သတင်းအပါအဝင် ညနေခင်းသတင်းတွေကို တင်ဆက်ပေးပါမယ်။
