မကွေးတိုင်း၊ ပခုက္ကူမြို့နယ်၊ မြစ်ခြေ-ကျွန်းချောင်းဒေသသို့ ဝင်ရောက်လာသော အကြမ်းဖက်စစ်တပ် စစ်ကြောင်းက အထက်တန်းပြ ကျောင်းဆရာ ကိုထူးကို ဖမ်းဆီးသတ်ဖြတ်ပြီး နေအိမ် ၁၅ လုံးထက်မ နည်းကို မီးရှို့ ဖျက်ဆီးခဲ့ကြောင်း ဒေါင်းရင်သွေးပြောက်ကျားတပ်ဖွဲ့မှ တော်လှန်ရေး သတင်းရင်းမြစ်က ရန်ကုန် ခေတ်သစ်သတင်း ဌာနထံသို့ ပြောကြားသည်။
အောက်တိုဘာလ ၃၀ ရက်နေ့က ပုဂံ-ညောင်ဦးဘက်မှ ဧရာဝတီမြစ်အနောက်ဘက်ကမ်း၊ ပခုက္ကူမြို့ နယ်၊ မြစ်ခြေ-ကျွန်းချောင်းဒေသ၊ ဆိက္ခဝကျေးရွာကို စက်လှေများဖြင့် ကူးလာသော အကြမ်းဖက်စစ် သားများသည် အင်အား ၃၀၀ ခန့်ဖြင့် ပြည်သူလူထု နေထိုင်ရာကျေးရွာများအတွင်းသို့ စစ်ကြောင်း ထိုးဝင် ရောက်ခဲ့ကြောင်း သိရသည်။
နိုဝင်ဘာလ ၂ ရက်နေ့တွင် မြစ်ခြေမြို့ အနောက်ဘက် ၂ မိုင်ခန့်အကွာရှိညောင်လှကျေးရွာကိုရောက် ရှိလာပြီး အသက် ၆၆ နှစ် အရွယ် ကျောင်းဆရာ ကိုထူးကို ဖမ်းဆီးနှိပ်စက်ကာ ဦးခေါင်းကို သေနတ် ဖြင့် ၃ ချက်ပစ်ခတ်သတ် ဖြတ်ပြီး ရုပ်အလောင်းကို မီးရှို့ဖျက်ဆီးကာ ဖျောက်ဖျက်ပစ်ခဲ့ကြောင်း သိ ရသည်။
“CDM လုပ်မလုပ်တော့ မသိဘူး။ ဆရာ့အသက်အရွယ်နဲ့ဆိုရင် ပင်စင်စားဖြစ်ရမှာ။ ခေတ်ကာလနဲ့ ပင်စင်မကျတာလား မသိဘူး။ စကစကျောင်းတွေဘက်မှာတော့ ပါဝင်ပတ်သက်မှုမရှိဘူး။ အရှင်မိပြီး ပစ်သတ်ပြီးမှ မီးရှို့ထားခဲ့တာပါ။ မီးရှို့ထားတဲ့ ရုပ်အလောင်းကို စစ်ဆေးရာမှာ ဦးခေါင်းခွံထဲမှာ သေ နတ် ဒဏ်ရာ ၃ ချက်တွေ့တယ်။” ဟု ဒေါင်းရင်သွေးပြောက်ကျားတပ်ဖွဲ့မှ ရဲဘော် တစ်ဦးက ရန်ကုန် ခေတ်သစ်သတင်း ဌာနထံသို့ ပြောကြားသည်။
ယင်းအကြမ်းဖက်စစ်တပ်စစ်ကြောင်းသည် တပ်မ ၉၉ လက်အောက်ခံ တပ်ရင်းများဖြစ်ပြီး ညောင်လှ ကျေးရွာအနီးရှိ မြို့စိုးရွာမှ နေအိမ် ၁၅ လုံးကို မီးရှို့ဖျက်ဆီးခဲ့သည့်အပြင် ပေါက်တောကျေးရွာ၊ ကျွန်း ချောင်းလေးကျေးရွာတို့ကို ထပ်မံမီးရှို့ဖျက်ဆီးခဲ့ပြီး နေအိမ်မည်မျှ ဆုံးရှုံးခဲ့သည်ကို မရှိ ရသေးပေ။
“မီးရှို့ပစ္စည်းခိုး လူသတ်တဲ့ စစ်ကြောင်းပါ။ ကျွန်းချောင်းလေးကျေးရွာကိုလည်း ၄ ရက်နေ့က မီးထပ် ရှို့တယ်။ နေအိမ်ဘယ်လောက် ဆုံးရှုံးသွားလဲတော့ မသိရဘူး။ စက်ရုံတောင်ဘက်ဆိုတော့ သွား ကြည့်လို့မရဘူး။ ကျွန်းချောင်းလေးနဲ့ ကျွန်းချောင်းကြား ဓာတ်မြေဩဇာစက်ရုံဟောင်းထဲမှာ ရှိနေ သေးတယ်။ လက်ရှိ အဲဒီဓာတ်မြေဩဇာစက်ရုံထဲမှာ တပ်စွဲပြီး ကင်းပုန်းတွေချထားတယ်။ ဆိက္ခဝ ဘက်မှာလည်း နောက်ချန်တွေရှိသေးတယ်” ဟု ဒေါင်းရင်သွေးပြောက်ကျားတပ်ဖွဲ့မှ ရဲဘော် တစ်ဦး က ပြောဆိုသည်။
