ဒီကနေ့ နိုဝင်ဘာ ၁၆ ရက် ညနေပိုင်း တင်ဆက်ပေးမယ့် သတင်းတွေကတော့
ရခိုင်ပြည် ကျောက်ဖြူမြို့နယ်မှာ AA က ယာယီ ဆုတ်ခွာပေးလိုက်တဲ့ ကျောက်ဖြူ မင်းပြင်ရွာ ရေဒါစခန်းမှာ ဝါဒဖြန့်ဓာတ်ပုံရိုက်ကူးဖို့ကို စစ်တပ်က ပြင်ဆင်နေချိန်မှာဘဲ AA ပစ်ခတ်တဲ့ လက်နက်ကြီး ကျည် ကျရောက်ပေါက်ကွဲပြီး စစ်သားအများ အပြား သေဆုံးသွားတယ်လို့ AA စစ်ရေး သတင်းရင်းမြစ် က ရန်ကုန်ခေတ်သစ်ကိုပြောပါတယ်။
-ကရင်ပြည်နယ်၊ ဘားအံမြို့မှာ ရောက်ရှိနေတဲ့ အကြမ်းဖက် မင်းအောင်လှိုင်မှာ ခရီးစဉ် သတင်းပေါက် ကြားမှုနှင့် လုံခြုံရေး စိုးရိမ်ရတဲ့ အခြေအနေတွေ ကြောင့် ဘားအံမှာ ညမအိပ်တော့ဘဲ မော်လမြိုင်ကို ရဟတ်ယာဉ်နဲ့ ထွက်ခွာပြီး အရှေ့တောင်တိုင်းစစ်ဌာနချုပ်မှာ ညအိပ်ခဲ့တယ်လို့ စစ်တပ်သတင်းရင်း မြစ်တချို့ ဆီကနေ သိရပါတယ်။
မင်္ဂလာတောင်ညွှန့်မြို့နယ်က ပြည်သူ့ရှေ့ဆောင်ပါတီ အမတ်လောင်း ဆိုသူက မဲဆွယ်စည်းရုံးရာမှာ ဘေးဘရာကင်းဝေးဖို့ ဆိုပြီး ဘယာကြော်ကျွေး မဲဆွဲနေတဲ့ သတင်းအပါအဝင် ညနေခင်းသတင်းတွေကို တင်ဆက်ပေးပါမယ်။
