ဒီကနေ့ နိုဝင်ဘာ ၂၂ ရက် ညနေပိုင်း တင်ဆက်ပေးမယ့် သတင်းတွေကတော့
-မြန်မာနိုင်ငံရဲ့ ပြည်တွင်းအရေးမှာတင် တော်လှန်ရေးတပ်တွေကို မနိုင်ပဲ အလဲလဲအကွဲကွဲဖြစ်နေတဲ့ အကြမ်းဖက် မြန်မာ စစ်တပ်က ထိုင်ဝမ်နဲ့တရုတ် ၂ နိုင်ငံတင်းမာမှု အရေးကိစ္စကိုပါ ဝင်ရောက်စွက်ဖတ်ပြီး တရုတ်နိုင်ငံဘက်က ရပ်တည်တယ်ဆိုပြီးတော့ပါ ထုတ်ပြန်ပြောဆိုနေပြန်တဲ့ အပြင် တရုတ်နိုင်ငံက ထိုင်ဝမ်ကို တိုက်ခိုက်ရင် ထိုင်ဝမ် ဘက် ကနေ စစ်ရေးအရ ပါဝင်မယ်ဆိုတဲ့ ဂျပန်ဝန်ကြီးချုပ်ရဲ့ စကားအပေါ်ကိုလည်း မြန်မာစစ်တပ် ကဘက်က မထောက်ခံဘူးဆိုပြီးတော့ပါမြန်မာ စစ်တပ်ရဲ့ ပြောရေးဆိုခွင့်ရှိသူ အကြမ်းဖက် ဇော်မင်းထွန်းက သတင်းထုတ် ပြန် ပြောဆိုနေပြန်ပါတယ်။
ပဲခူးတိုင်း၊ ပြည်မြို့နယ်က ကွင်းကြီးကျေးရွာအုပ်စုမှာ စစ်တပ်ကလုပ်မယ့် ရွေးကောက်ပွဲ အတုကြီးအတွက် မဲပေးစနစ် သရုပ်ပြဖို့ လူမစုနိုင်တဲ့ အုပ်ချုပ်ရေးမှူး စန်းလွင် ဆိုသူကို အကြမ်းဖက် စစ်တပ်က သူ့လူအချင်းချင်း ပြန်လည် ဖမ်းဆီးဖို့ လုပ်ဆောင်နေတယ်လို့ ဒေသတွင်း သတင်းရင်းမြစ်က ရန်ကုန်ခေတ်သစ်ကို ပြောပါတယ်။
အကြမ်းဖက် မင်းအောင်လှိုင်ရဲ့ တက်သုတ်ရိုက်အမိန့်နဲ့ မအူပင်မြို့နယ်မှာ စိုက်ပျိုးရေးနှင့်မွေးမြူရေးဆိုင်ရာ တက္ကသိုလ် တည်ဆောက်မှု ပြီးစီးသွားလို့ဆိုပြီး မကြာမီ မင်းအောင်လှိုင်ကိုယ်တိုင်လာရောက်ဖွင့်လှစ်ဖို့ လုပ်နေပြန်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
