ရန်ကုန်မြို့တွင် သရုပ်ဆောင်နှင့် Food ဘလော်ဂါ ကျော်၀ဏ္ဏ သေနတ်ဖြင့် ပစ်ခတ်ခံရပြီး သေဆုံးသွားကြောင်း မိတ်ဆွေများက ရန်ကုန်ခေတ် သစ်သတင်းဌာနထံသို့ ပြောဆိုသည်။
နိုဝင်ဘာလ ၂၂ ရက်နေ့ ည ၈ နာရီခွဲ အချိန် မင်္ဂလာဒုံမြို့နယ်၊ ခရေပင်လမ်းခွဲတွင် ကားမောင်းနေသော သရုပ်ဆောင်နှင့် Food ဘလော်ဂါ ကျော် ၀ဏ္ဏ သေနတ်ဖြင့် ၂ ချက် ပစ်ခတ်ခဲ့ကြောင်း၊ သရုပ်ဆောင် နှင့် Food ဘလော်ဂါ ကျော်၀ဏ္ဏ၏ လည်မျိုသို့ သေနတ်ကျည်ဆန် ဖောက်ထွက်ပြီး ပွဲချင်းပြီး သေဆုံးခဲ့ကြောင်း သိရှိရသည်။
“သူက အနီလည်း မဟုတ်ဘူး။ အစိမ်းလည်းမဟုတ်ဘူး။ နိုင်ငံရေးလည်းမလုပ်ဘူး။ သူ့ဟာသူ သရုပ်ဆောင်လုပ်တယ်။ စားသောက်ဆိုင်နဲ့ အစားအသောက် Vlog လေးတွေရိုက်တယ်။ ပြီးတော့ တက္ကစီမောင်းတယ်။ အဲဒါကို ပစ်သတ်သွားတာ။ ပစ်သတ်သွားတဲ့လူလည်း မမိသေးဘူး” ဟု မိတ်ဆွေဖြစ်သူက ပြောဆိုသည်။
လတ်တလော သရုပ်ဆောင်နှင့် Food ဘလော်ဂါ ကျော်၀ဏ္ဏ ပစ်သတ်ခံရမှုအတွက် သက်ဆိုင်ရာ ရဲစခန်းတွင် အမှုဖွင့်ထားသော်လည်း လက်ရှိအချိန်အထိ အမှုကို စုံစမ်းစစ်ဆေးနေဆဲဖြစ်ကြောင်း သိရှိရသည်။
