အကြမ်းဖက် မင်းအောင်လှိုင်ရဲ့ မိန်းမ ကြူကြူလှဟာ အချစ်တော် သားတွေ များစွာ ထားရှိလာပါတယ်။ မင်းအောင်လှိုင်နဲ့ ကြူကြူလှမှာ အောင်ပြည့်စုံလို့ ခေါ်တဲ့ သားအရင်း တစ်ဦးရှိပေမယ့် ကြူကြူလှက အချစ်တော် သားတွေ များစွာ ထားရှိလာတာပါ။
ကြူကြူလှဟာ သူ့ကို အမေလို့ ခေါ်တဲ့ ငယ်ရွယ်တဲ့ စစ်ဘက်၊ အရပ်ဘက် လူငယ်တွေကို သားလို့ ပြန်ခေါ်ရင်း အချစ်တော် သားတွေ များစွာ ပေါ်ထွန်းလာပါတယ်။ စစ်ဘက်မှာဆိုရင် ဗိုလ်မှူးကျော်ဇောရဲ ဆိုသူက ကြူကြူလှရဲ့ အချစ်ဆုံး သား တစ်ဦးလည်းဖြစ်ပါတယ်။
ကြူကြူလှက သူရဲ့ သားတွေများစွာကို သူတို့ နေထိုင်ရာ အိမ်တော်ထဲ တံခါးမရှိ၊ ဓားမရှိ အမြဲလိုလို ဝင်ထွက်ခွင့်ပြုထားပြီး ကြူကြူလှရဲ့ ဝမ်းမနာ သားတွေအားလုံးက အင်မတန် လုံခြုံရေး ထူထပ်တဲ့ မင်းအောင်လှိုင် အိမ်တော်ဆီကို “အမေက ခေါ်လို့” ဆိုတဲ့ စကားတစ်ခွန်းတည်းနဲ့ ဖြတ်ကျော် ဝင်ရောက်ကြပါတယ်။
ကြူကြူလှနဲ့ သားအရင်းမဟုတ်တဲ့ အချစ်တော် သားတွေအကြား ဆက်ဆံရေးကလည်း နေ့စဉ် ဖုန်းပြောကြပြီး သာကြောင်း မာကြောင်းကစလို့ ဗေဒင်ယတြာအဆုံး၊ လူမှုပတ်ဝန်းကျင်က အဖြစ်အပျက်တွေကအစ ပြောဆိုကြတာပါ။ ကြူကြူလှရဲ့ သားဖြစ်ခွင့်ရတဲ့ အချစ်တော်သား တွေအနေနဲ့ ဝန်ကြီးဌာနတွေရဲ့ လုပ်ငန်းတင်ဒါ ပါမစ်တွေ၊ စီးပွားရေးနဲ့ သတ္တုတူးဖော်ရေး လုပ်ပိုင်ခွင့်တွေ၊ စစ်ခေါင်းဆောင်တွေရဲ့ နိုင်ငံခြားခရီးစဉ်တွေမှာ လိုက်ပါခွင့်တွေ အပါ အဝင် အထူးအခွင့်အရေးအဖြစ် ရရှိကြတဲ့အပြင် ကြူကြူလှဆီကို တိုက်ရိုက် နေ့စဉ် ဖုန်းခေါ်ခွင့်လည်း ရှိကြပါတယ်။
ရုပ်ရှင်နယ်ပယ်အသိုင်းအ၀ိုင်းမှာ ကြူကြူလှရဲ့ အချစ်တော် သားတစ်ဦးဖြစ်လာသူကတော့ သရုပ်ဆောင် ခန့်စည်သူ ဖြစ်ပါတယ်။ ရခိုင်လူမျိုး အချင်း ချင်းဖြစ်တာ၊ ခန့်စည်သူက ကြူကြူလှ အနားရောက်အောင် နည်းလမ်းမျိုးစုံနဲ့ ချည်းကပ်လာတာတွေကြောင့် ခန့်စည်သူဟာ ကြူကြူလှရဲ့ ရုပ်ရှင်နယ်ပယ်က အချစ်တော် သားတစ်ဦးဖြစ်လာပါတယ်။
ခန့်စည်သူ နဲ့ ကြူကြူလှ အကြားမှာ အမေ၊ သား အခေါ်အပြောတွေနဲ့ လူပုဂ္ဂိုလ် ချင်း ခိုင်မာတဲ့ ရင်းနှီးမှူရှိလာတဲ့အပြင် ရခိုင်အချင်းချင်း ဖြစ်တာရော၊ ခန့်စည်သူရဲ့ မြှောက်ပင့်ပြောဆိုတတ်တဲ့ ဘောမကောင်းလွန်တာကြောင့်ရောကြောင့် ခန့်စည်သူဟာ ကြူကြူလှရဲ့ အသည်းစွဲ အချစ်တော်သား ဖြစ်လာတာပါ။
ကြူကြလှက တန်ဖိုးကြီး အမှတ်တံဆိပ် လက်ကိုင်အိတ်လှလှလေးတွေကို အလွန်နှစ်သက်တတ်ပြီး ခန့်စည်သူကလည်း အဲဒီ အချက်ကို သိရှိထားတာကြောင့် ဒေါ်လာထောင်သောင်းချီတန်တဲ့ တန်ဖိုးကြီး လက်ကိုင်အိတ်တွေကို ကြူကြူလှဆီကို အမေ့အတွက်ဆိုပြီး ပေးပို့ပါတယ်။
ဒီလို ပေးပို့လို့လည်း ခန့်စည်သူအတွက် အရင်းမရှုံးဘဲ ဝန်ကြီးဌာနရဲ့ လုပ်ငန်းလုပ်ပိုင်ခွင့် တင်ဒါနဲ့ သံချောင်း တင်သွင်းခွင့် သွင်းကုန်ပါမစ်လို အထူးအခွင့် အရေး ပြန်လည်ရရှိတာမို့ သူရင်းလိုက်တဲ့ အိတ်ဖိုးထက်တောင် အဆများစွာ အမြတ်ရနေတာလည်းဖြစ်ပါတယ်။
ဒါ့အပြင် ကြူကြူလှရဲ့ အချစ်တော် ဖြစ်လာမှုကြောင့် စစ်တပ်ရဲ့ ဝါဒဖြန့် ဇတ်လမ်းတွေမှာ ခန့်စည်သူက ပင်တိုင် သရုပ်ဆောင်၊ ဒါရိုက်တာဖြစ်လာတဲ့အပြင် ခန့်စည်သူ ရိုက်ကူးချင်တဲ့ ဇတ်လမ်းနဲ့ ရုပ်ရှင်တွေအတွက်လည်း ကြူကြူလှနဲ့ သမီး ခင်သီရိသက်မွန်က နောက်ကွယ်ကနေ ငွေကျပ် သိန်းထောင်ချီထုတ်ပေးပါတယ်။
ကြူကြူလှကလည်း ပြည်ပခရီးစဉ်က ပြန်လာတဲ့အခါ သားခန့်စည်သူအတွက် ဆိုပြီး လက်ဆောင်တွေဝယ်လာတတ်ပါတယ်။ ၂၀၂၂ ခုနှစ် မတ်လအတွင်းမှာ ကြူကြူလှရဲ့ တိုက်တွန်းမှုနဲ့ မင်းအောင်လှိုင်က ခန့်စည်သူကို လူမှုထူးချွန်ဆု ပေးအပ်ခဲ့ပါသေးတယ်။
ခန့်စည်သူကလည်း သူရဲ့ အလှူတွေမှာ အမေ ဒေါ်ကြူကြူလှကို ဦးထိပ်ထား၍ ဆိုတာမျိုးတွေနဲ့ အလှူတွေ လုပ်ပြပြီး ဓာတ်ပုံတွေ အပြန်အလှန် ပို့ကြ၊ ဓာတ်ပုံတွေမှာ အသည်းတွေ ပေးကြတာတွေလည်းရှိနေပါတယ်။
ဒီနှစ် မေလ ၁၉ ရက်နေ့ မှာလည်း ခန့်စည်သူက ငလျင်ဒဏ်သင့် ရွေးကောက်ပွဲကော်မရှင် ဝန်ထမ်းတွေကို ငွေကျပ် သိန်း ၂၀၀ လှူဒါန်းပြခဲ့ပြီး လှူဒါန်းမှုတွေကို အမေ သာဓုခေါ်ပါဆိုပြီး ကြူကြူလှဆီကို အမျှဝေ သာဓု ခေါ်ခိုင်းခဲ့ပါသေးတယ်။
ကြူကြူလှဟာ ခန့်စည်သူရဲ့ တကယ်အမေအရင်းမဟုတ်သလို ခန့်စည်သူကလည်း ကြူကြူလှရဲ့ တကယ့်သားအရင်းမဟုတ်ပေမယ့် သူတို့နှစ်ဦးအကြားက အမေနဲ့သား အခေါ်ပြပြီး အပြန်အလှန် နေ့စဉ် အဆက်အသွယ်မပြတ် ချိတ် ဆက်နေကြတဲ့ ဆက်ဆံရေးဟာ သာမန်ထက်တော့ ပိုကဲနေတာကို ငြင်းမရဘူးလို့ နေပြည်တော်စစ်ဘက်သတင်းရင်းမြစ်က ဆိုပါတယ်။
