တောင်ကိုရီးယားနိုင်ငံ ဒယ်ဂူးမြို့တွင် တောင်ကိုရီးယားနိုင်ငံရောက် မြန်မာပြည်သူများက စစ်အုပ်စု၏ ရွေးကောက်ပွဲကို ဆန့်ကျင်ကန့်ကွက်သည့် “နိုင်ငံလုံးဆိုင်ရာ ဆန္ဒပြပွဲ” ကို ကျင်းပခဲ့ကြောင်း သိရှိရသည်။
အဆိုပါ ဆန္ဒပြပွဲကို ကိုရီးယားနိုင်ငံရှိ မြန်မာ့ဖက်ဒရယ်ဒီမိုကရေစီ အောင်နိုင်ရေးအဖွဲ့ပေါင်းချုပ် (MFDMC) က တာဝန်ယူ၍ အမျိုးသား ညီညွတ်ရေး အစိုးရ (NUG) တောင်ကိုရီးယားနိုင်ငံဆိုင်ရာ ကိုယ်စားလှယ်ရုံး၊ စစ်အာဏာသိမ်းမှုဆန့်ကျင်ရေးကော်မတီတို့အပါအဝင် တော်လှန်ရေးအဖွဲ့ ၃၉ ခု ပါဝင်သည့် “စစ်အုပ်စု ရွေးကောက်ပွဲ ဆန့်ကျင်ရေး ပူးပေါင်းလှုပ်ရှားမှုကော်မတီ” တို့ ပူးပေါင်းပါဝင်ခဲ့ကြကြောင်း သိရှိရသည်။
