ဒီကနေ့ ဒီဇင်ဘာ၂၀ ရက် ညနေပိုင်း တင်ဆက်ပေးမယ့် သတင်းတွေကတော့
ဧရာ၀တီမြစ်ဆုံစီမံကိန်းကို အကြမ်းဖက် စစ်တပ်က အတင်းအကျပ် ပြန်လည်စတင်ပြီးတဲ့နောက် အဲ့ဒီ့ စီမံကိန်းနဲ့ပက်သက်ပြီး ကန့်ကွက်ရင် ကန့်ကွက်တဲ့ ပုဂ္ဂိုလ်နဲ့အဖွဲ့အစည်းတွေကို အရေးယူမယ်ဆိုပြီး အကြမ်းဖက် စစ်တပ်က အမိန့်ထုတ်လာပြန်ပါတယ်။
မြန်မာအကြမ်းဖက် စစ်တပ်ရဲ့ လူသားမျိုးနွယ်အပေါ် ကျူးလွန်နေတဲ့ စစ်ရာဇဝတ်မှုတွေ အပါအဝင် လူ့အခွင့် အရေး ချိုးဖောက်မှုတွေကို စုံစမ်းနေတဲ့ ကုလသမဂ္ဂ IIMM အဖွဲ့ နဲ့ ပြင်သစ်အစိုးရတို့အကြား မြန်မာ အကြမ်းဖက် စစ်တပ်ကို တရားစီရင်ရေး ပူးပေါင်းဆောင်ရွက်မှု ဥပဒေကို ပြင်သစ် အောက်လွှတ်တော် ကနေ အတည် ပြု ပြဋ္ဌာန်းလိုက်တယ်လို့ သိရပါတယ်။
ပဲခူးတိုင်း ၊ ပေါင်းတည်မြို့နယ်မှာ အကြမ်းဖက် စစ်တပ်အတွက် လူငယ်တွေကို စစ်မှုထမ်းဖို့ လိုက်လံဖမ်းဆီးနေတဲ့ စစ်တပ်လက်အောက်ခံ ရာအိမ်မှုး ကိုထွေး ဆိုသူ ပစ်ခတ်ခံရပြီး ပွဲချင်းပြီးကို သေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
