တမူးခရိုင်တွင် စစ်ကော်မရှင်၏ အတုအယောင်ရွေးကောက်ပွဲသို့ ဝင်ရောက်ယှဉ်ပြိုင်သည့် လူ ပုဂ္ဂိုလ်များနှင့်ပါတီများ၏ ပိုင်ဆိုင်မှုများအားလုံးကို ပြည်သူပိုင်အဖြစ် သိမ်းဆည်းမည်ဟု သတိပေးကြေညာ

ရန်ကုန်၊ ဒီဇင်ဘာ ၂၇

စစ်ကိုင်းတိုင်း၊ တမူးခရိုင်အတွင်း အကြမ်းဖက်စစ်ကော်မရှင်က ပြုလုပ်သည့် အတုအယောင် ရွေး ကောက်ပွဲသို့ ဝင်ရောက်ယှဉ်ပြိုင်သည့် လူပုဂ္ဂိုလ်၊ ပါတီများ၏ ပိုင်ဆိုင်မှုများအားလုံးကို ပြည်သူပိုင် အဖြစ်ချိတ်ပိတ်သိမ်းဆည်းမည်ဖြစ် ကြောင်း တမူးမြို့နယ် အရေးပေါ်အုပ်ချုပ်ရေး (ဗဟို) အဖွဲ့က ထုတ်ပြန်သည်။

ဒီဇင်ဘာလ ၂၈ ရက်နေ့မှစတင်၍ အပိုင်းလိုက် ၃ ကြိမ်ကျင်းပမည့် အကြမ်းဖက်စစ်ကော်မရှင်၏ အ တု အယောင်ရွေးကောက်ပွဲသို့ ဝင်ရောက်ယှဉ်ပြိုင်မည့် တမူးမြို့နယ်အတွင်းရှိ လူပုဂ္ဂိုလ်၊ ပါတီများ၊ ရွေးကောက်ပွဲဖြစ်မြောက်ရေး ပါဝင်ကူညီဆောင်ရွက်သူများ၏ ပိုင်ဆိုင်မှုများ အားလုံးကို ပြည် သူပိုင်အဖြစ် ချိတ်ပိတ်သိမ်းဆည်းသွားမည်ဖြစ်ကြောင်း ထုတ်ပြန် ချက်တွင်ဖော်ပြထားသည်။

အကြမ်းဖက်စစ်ကောင်စီက ဖွဲ့စည်းထားသော ပြည်ထောင်စုရွေး ကောက်ပွဲ ကော်မရှင်နှင့် ၎င်း၏ လက်အောက်ခံအဖွဲ့အစည်း အဆင့်ဆင့်ကို အကြမ်းဖက်အုပ်စုဖြင့် အမျိုးသားညီညွတ်ရေးအစိုးရ- NUG က ကြေညာထားပြီးဖြစ်ကြောင်း သိရသည်။

သို့ဖြစ်ပါ၍ ပြည်သူများအနေဖြင့် အကြမ်းဖက်စစ်ကော်မရှင်နှင့်ပူးပေါင်းဆောင်ရွက်နေသည့် လူ ပုဂ္ဂိုလ်၊ ပါတီများ၏ ပိုင်ဆိုင်မှုများအား လွှဲပြောင်းခြင်း၊ ဝယ်ယူ ခြင်းများလုံးဝ (လုံးဝ) မပြုလုပ်ကြရန် အသိပေးထားသည်။

ထို့အပြင် တမူးမြို့နယ်အတွင်းရှိ ခရိုင်/မြို့နယ် ရွေးကောက်ပွဲကော်မရှင်အဖွဲ့ခွဲများတွင် မည်သူမဆို ပါ ဝင် ဆောင်ရွက်ခြင်း၊ အတုအယောင်ရွေးကောက်ပွဲ ဖြစ်မြောက်ရေးအတွက် ကူညီပံ့ပိုးခြင်းများ လုံးဝ (လုံးဝ) မပြုလုပ်ကြရန် အသိပေးနှိုးဆော်ထားသည်။

အဆိုပါ အတုအယောင်ရွေးကောက်ပွဲ ကိစ္စရပ်များတွင် ပါဝင်ပတ်သက်နေသူများကို လိုအပ်သလို စုံ စမ်းဖော်ထုတ်၍ ထိရောက်စွာ အရေးယူဆောင်ရွက်သွားမည်ဖြစ်ကြောင်း တမူးမြို့နယ် အရေးပေါ် အုပ်ချုပ်ရေး (ဗဟို) အဖွဲ့က အသိပေးထုတ် ပြန်ထားသည်။