ရန်ကုန်၊ ဒီဇင်ဘာ ၃၀
တနင်္သာရီတိုင်း၊ ကော့သောင်းမြို့နယ်တွင် ရွေးကောက်ပွဲနေ့ လုံခြုံရေးယူထားသော စစ်သင်္ဘောနှင့် စက် လှေများကို တော်လှန်ရေးတပ်များက ပူးပေါင်း တိုက်ခိုက်ခဲ့ကြောင်း ကော့သောင်းမြို့နယ်၊ လိုကယ် ပျံလွှားပြောက်ကျားတပ်ဖွဲ့၏ တာဝန်ရှိသူ ရဲဘော်ဖီးလ်နစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။
ဒီဇင်ဘာလ ၂၈ ရက်နေ့ ရွေးကောက်ပွဲနေ့ နံနက် ၈ နာရီမှ နံနက် ၁၀ နာရီအချိန်အထိ စစ်တပ်၏ ရွေး ကောက်ပွဲ လုံခြုံရေးအတွက် ကော့သောင်းမြို့မှ အင်အား ၃၀ ကျော်လိုက်ပါသော စစ်သင်္ဘောငယ် ၁ စီးနှင့်စက်လှေ ၄ စီးဖြင့် ထွက်လာသော စစ်တပ်စစ်ကြောင်းကို ကော့သောင်းမြို့နယ် မလိ၀မ်း ကျေး ရွာ မလိ၀မ်းချောင်း၀ အနီးအရောက်တွင် တော်လှန်ရေးတပ်များက ပူးပေါင်းတိုက်ခိုက်ခဲ့ကြောင်း၊ တိုက်ပွဲမှာ ၃ နာရီကြာ ပြင်းထန်စွာ ဖြစ်ပွားခဲ့ပြီး စစ်သင်္ဘော ၁ စီး ပျက်စီးသွားကြောင်း၊ စစ်သား အများ အပြားဒဏ်ရာရရှိကာ အထိနာသောကြောင့် လက်နက်ကြီးပစ်ကူများ အဆက်မပြတ်ပေးခဲ့ကြောင်း၊ ယင်းနောက် ပျက်စီးသွားသော စစ်သင်္ဘောနှင့် ဒဏ်ရာရ စစ်သားများကို သယ်ဆောင်ကာ ကော့သောင်းမြို့ဘက်သို့ စစ်ကြောင်း ပြန်လည် ဆုတ်ခွာသွားကြောင်း သိရှိရသည်။
“စစ်တပ်ဘက်က သေဆုံးထိခိုက်မှု အတိအကျတော့ မသိရပါဘူး။ စစ်သင်္ဘော ၁ စီးတော့အပျက်အစီးများတယ်။ အဲဒီအပေါ်မှာပါတဲ့သူတွေ အထိခိုက်များမယ်။ အထိအခိုက်ဦးရေအတိကျတော့မသိရသေးဘူး။ စုံစမ်းနေတယ်။ သူတို့ကချက်ချင်းကော့သောင်းမြို့ထဲမောင်းပြေးသွားတယ်” ဟု ရဲဘော်ဖီးလ်နစ်က ပြောဆိုသည်။
လတ်တလော ကော့သောင်းမြို့နယ်တွင် စစ်ရေးအရှိန်မြင့်လာနိုင်သဖြင့် ပြည်သူများအနေဖြင့် စစ်ရေးအသိ စစ်ရေးသတိ အမြဲရှိကြပြီး စစ်ကော်မရှင်ပြုလုပ်သော အတုယောင်ရွေးကောက်ပွဲများတွင် မပူးပေါင်း မပါဝင်ဘဲ ၀ိုင်းဝန်းတိုက်ဖျက်ကြရန် ရဲဘော်ဖီးလ်နစ်က တိုက်တွန်းသည်။
ပျံလွှား(LPDF)ပျောက်ကြားတပ်ဖွဲ့အနေဖြင့် စစ်ကော်မရှင်၏ အတုယောင်ရွေးကောက်ပွဲကို ရှုံ့ချကန့်ကွက်ပြိး လုပ်ထုံးလုပ်နည်းအတိုင်း တိုက်ဖျက်သွားမည်ဖြစ်ပြီး စစ်ကော်မရှင်၏ အတုယောင်ရွေး ကောက်ပွဲတွင် ပူးပေါင်းပါဝင် အားပေးကူညီဆောင်ရွက်နေသော မည်သည့်အဖွဲ့အစည်းဖြစ်စေ မည်သူ့ကိုဖြစ်စေ ပျံလွှား(LPDF)ပျောက်ကျားတပ်ဖွဲ့ က ရေးယူဆောင်ရွက်သွားမည်ဟု သတိပေးထားသည်။
အဆိုပါ စစ်ဆင်ရေးကို ပျံလွှားပျောက်ကြားတပ်ဖွဲ့နှင့် ကော့သောင်းမြို့နယ်ပြည်သူ့ကာကွယ်ရေးအဖွဲ့ (ပကဖ)၊ကော့သောင်းမြို့နယ်မြို့ပြသမန်းကျားအဖွဲ့တို့ ပူးပေါင်းတိုက်ခိုက်ခဲ့ကြောင်း သိရှိရသည်။
