“ဒီသူခိုးတွေ (မင်းအောင်လှိုင်စစ်တပ်) နဲ့လက်တွဲအလုပ်လုပ်ရင် ဘယ်လိုမှ အဆင်မပြေနိုင်ဘူး။ပြဿနာရဲ့အရင်းခံက အာဏာရှင်အဆက်ဆက် ဆီကနေပေါက်ဖွားလာတဲ့ကိစ္စ အဲဒါကြောင့် စစ်အာဏာရှင်စနစ်ကို အပြီးတိုင်တိုက်ဖျက်နိုင်မှ ဒီမူးယစ်ဆေးဝါးရော ကျားဖြန့်ရော ချုပ်ငြိမ်းနိုင်မှာ”
By ရန်ကုန်ခေတ်သစ်
KNU ဗဟိုအလုပ်အမှုဆောင် ပဒို စောတောနီးနှင့်တွေ့ဆုံမေးမြန်းချက်
ဇန်နဝါရီ ၁၄ ရက်နေ့က တရုတ်နိုင်ငံရဲ့ သတင်းပေးမှုနဲ့ ရှမ်းပြည်ဘက်မှာ မူးယစ်ဆေးဝါး ထုတ်လုပ်တဲ့နေရာ အမြောက်အများ ဖမ်းဆီးရမိတယ်ဆိုပြီး အကြမ်းဖက် စစ်တပ်ပြောခွင့်ရ ဇော်မင်းထွန်းက အဲဒီမူးယစ်ဆေးထုတ်လုပ်တဲ့နေရာတွေကို သံတမန်တွေ သတင်းထောက်တွေကို ခေါ်သွားပြီး ပြသခဲ့ပါတယ်။
မြေပြင်ကွင်းဆင်းချိန်မှာပဲ စစ်တပ်က သတင်းစာရှင်းပွဲကို ပြုလုပ်ပြီး မူးယစ်ဆေးဝါး ထုတ်လုပ်တာတွေကို SSPP အပါအဝင် တိုင်းရင်းသားလက်နက်ကိုင်တွေ ကို အပြစ်ဖို့ပါတယ်။ ဒါ့အပြင် KNU/KNLA ကိုလည်း မူးယစ်ဆေးဝါး ရောင်းဝယ်တယ်ဆိုပြီး အပြစ်ပုံချပြောဆိုခဲ့ပါတယ်။ အကြမ်းဖက်စစ်တပ်ရဲ့ ဝါဒဖြန့်ချိရေးခေါင်းဆောင် ဇော်မင်းထွန်းရဲ့ ပြောဆိုချက်တွေနဲ့ပတ်သက်ပြီး KNU ပြောခွင့်ရ ပဒိုစောတောနီးကို တွေ့ဆုံမေးမြန်းထားပါတယ်။
