By ရန်ကုန်ခေတ်သစ်
ဒီကနေ့ ဖေဖော်ဝါရီ ၁၅ ရက် ရက် ညနေပိုင်း တင်ဆက်ပေးမယ့် သတင်းတွေကတော့
-တရုတ်နိုင်ငံအနေနဲ့ မြန်မာနိုင်ငံကို အိန္ဒိယသမုဒ္ဒရာ ထွက်ပေါက်အဖြစ် ဖန်တီးအသုံးပြုနိုင်တယ်လို့ ဒုစစ်ခေါင်းဆောင် အကြမ်းဖက် စိုးဝင်းက ပြောဆိုလိုက်ပါတယ်။
ရန်ကုန်တိုင်းဒေသကြီး၊ ကမာရွတ်မြို့နယ် အတွင်းမှာရှိတဲ့ ရဲစခန်းက နယ်ထိန်းအဖွဲ့ဝင်အချို့နှင့် သူတို့မွေးမြူထားတဲ့ ဒလန်လူမိုက်တွေဟာ စစ်မှုထမ်းဥပဒေကို အသုံးချပြီး လမ်းသွားလမ်းလာ လူငယ်တွေကို မတရားဖမ်းဆီး ငွေညှစ်တာနှင့် အဂတိလိုက်စားမှုတွေကို ဗြောင်ကျကျ ကျူးလွန်နေတယ်လို့ ဒေသခံပြည်သူတွေက ရန်ကုန်ခေတ်သစ်ကိုပြောပါတယ်။
-ကချင်ပြည်နယ်၊ ဖားကန့်မြို့နယ် လုံးခင်းရဲစခန်းတိုက်ပွဲအတွင်း အကြမ်းဖက် စစ်တပ်က ရပ်ကွက်တွေနှင့် ဘုရားကျောင်းတို့ကို လေယာဉ်၊ လက်နက်ကြီးတွေနဲ့ တိုက်ခိုက်တာကြောင့် ပြည်သူ ၂ ဦးသေဆုံးခဲ့တယ်လို့ ဒေသခံပြည်သူတွေက ရန်ကုန်ခေတ်သစ်ကိုပြောပါတယ်။
အမေရိကန်နဲ့ တရုတ်ကြား စီးပွားရေးဖြတ်တောက်ဖို့ ကြိုးစားတာတွေက အန္တရာယ်ရှိတယ်လို့ တရုတ်နိုင်ငံခြားရေးဝန်ကြီး ဝမ်ယိက သတိပေးလိုက်တဲ့ သတင်းအပါအဝင် ညနေခင်းသတင်းတွေကို တင်ဆက်ပေးပါမယ်။
