ရန်ကုန်၊ မတ် ၁
အမေရိကန်နှင့် အစ္စရေးတို့၏ ပူးပေါင်းစစ်ဆင်ရေးအတွင်း အီရန်အမြင့်ဆုံးခေါင်းဆောင် အယာတိုလာ အလီ ခါမေနီ (Ayatollah Ali Khamenei) သေဆုံးသွားပြီးနောက် အီရန်နိုင်ငံတွင် အရေးပေါ် အုပ်ချုပ်ရေးကောင်စီ (Governing Council) တစ်ရပ်ကို ဖွဲ့စည်းလိုက်ပြီဖြစ်ကြောင်း သိရသည်။
အီရန်အခြေခံဥပဒေအရ အမြင့်ဆုံးခေါင်းဆောင်သစ် တစ်ဦးကို ပြန်လည်ရွေးချယ်ခြင်းမပြုမီအထိ နိုင်ငံကို ဦးဆောင်ရန် လူ ၃ ဦးပါဝင်သော အုပ်ချုပ်ရေးကောင်စီကို ဖွဲ့စည်းခဲ့ကြောင်း၊ ၎င်းကောင်စီတွင် လက်ရှိ အီရန်သမ္မတ Masoud Pezeshkian၊ တရားသူကြီးချုပ် Gholamhossein Mohseni Ejei၊ စောင့်ကြည့်ရေးကောင်စီ (Guardian Council) မှ အဖွဲ့ဝင်တစ်ဦး (Expediency Council မှ ရွေးချယ်သူ) ပါဝင်ကြောင်း ၊ အီရန်နိုင်ငံ၏ Assembly of Experts က အမြန်ဆုံး ခေါင်းဆောင်သစ်တစ်ဦးကို ရွေးချယ်တင်မြှောက်ရန် တာဝန်ရှိနေကြောင်း သိရှိရသည်။
အီရန်တော်လှန်ရေးအစောင့်တပ် (IRGC) က အစ္စရေးနိုင်ငံနှင့် အရှေ့အလယ်ပိုင်းရှိ အမေရိကန် “အကြမ်း ဖက်စခန်းများ” ကို ပစ်မှတ်ထား၍ “အီရန်စစ်တပ်သမိုင်းတွင် အပြင်းထန်ဆုံးဆုံးသော ထိုးစစ်ဆင်မှု” ကို မိနစ်ပိုင်းအတွင်း စတင်တော့မည်ဖြစ်ကြောင်း ကြေညာထားသည်။
အစ္စရေးနှင့် အမေရိကန်တို့၏ တိုက်ခိုက်မှုအတွင်း အလီခါမေနီသာမက တော်လှန်ရေးအစောင့်တပ် (IRGC) အကြီးအကဲ နှင့် ထိပ်တန်းလုံခြုံရေးအကြံပေးပုဂ္ဂိုလ် တို့ပါ သေဆုံးသွားကြောင်း အီရန်အစိုးရမီဒီယာများက အတည်ပြုထားသည်။
အီရန်ခါမေနီ သေဆုံးသည့် သတင်းများကြောင့် အီရန်နိုင်ငံအတွင်းရှိ လူအုပ်ကြီးမှာ လမ်းမပေါ်ထွက်၍ ဝမ်းသာအားရ အောင်ပွဲခံနေကြသည့် ဗီဒီယိုဖိုင်များလည်း လူမှုကွန်ရက်တွင် ပျံ့နှံ့နေသည်။
သို့သော်လည်း တစ်ဖက်တွင် စစ်ရေးတင်းမာမှုများကြောင့် ဒေသတွင်းစစ်ပွဲကြီး ဖြစ်ပွားလာမည်ကို စိုးရိမ်မှုများ မြင့်တက်နေသည်။
ဓာတ်ပုံ- လက်ရှိ အီရန်သမ္မတ Masoud Pezeshkian ။
