ရန်ကုန်၊ မတ် ၄
ဖေဖော်ဝါရီလ ၂၈ ရက်နေ့ စတင်ခဲ့သော အမေရိကန်-အစ္စရေးနှင့် အီရန်တို့၏ တိုက်ပွဲမှာ ယနေ့ မတ်လ ၄ ရက်နေ့အထိ ၅ ရက်တိုင်ရှိလာပြီး နောက်ဆုံးရ အခြေအနေများကို သတင်းတိုများအဖြစ် တင်ဆက်လိုက်ပါသည်။
အစ္စရေးတပ်မတော်က အီရန်၏ ဒုံးကျည်ပစ်စင် အခုရေ ဒါဇင်ပေါင်းများစွာကို ဖျက်ဆီးနိုင်ခဲ့သော်လည်း အီရန်တွင် ဒုံးကျည်ပစ်ခတ်နိုင်စွမ်း သိသိသာသာ ကျန်ရှိနေသေးကြောင်း ပြောကြားလိုက်သည်။
အစ္စရေးစစ်တပ်သည် လက်ဘနွန်နိုင်ငံတောင်ပိုင်းရှိ ခီယမ် (Khiam) မြို့သို့ ကျူးကျော်ဝင်ရောက်လာပြီး နယ်စပ်မှ ၆ ကီလိုမီတာခန့်အကွာအထိ ရှေ့တိုးလာနေသည်။
ဟစ်ဇ်ဘိုလာအဖွဲ့က အစ္စရေးမြောက်ပိုင်း ဆာဖတ် (Safed) မြို့အနီးရှိ စစ်အခြေစိုက်စခန်းတစ်ခုကို တိုက်ခိုက်ခဲ့ကြောင်း ထုတ်ဖော်ပြောကြားလိုက်သည်။
ဆော်ဒီအာရမ်ကို (Saudi Aramco) ကုမ္ပဏီ၏ အကြီးဆုံး ပြည်တွင်းရေနံချက်စက်ရုံဖြစ်သော ရပ်စ်တနူရာ (Ras Tanura) စက်ရုံတွင် ပေါက်ကွဲစေတတ်သောပစ္စည်းတစ်ခု ကျရောက်ထိမှန်ခဲ့သည်။
အစ္စရေးနှင့် အမေရိကန် ခေါင်းဆောင်များက အီရန်နှင့်ဖြစ်ပွားနေသော ပဋိပက္ခသည် ရက်သတ္တပတ်ပေါင်းများစွာ ကြာရှည်နိုင်ကြောင်း အရိပ်အမြွက် ပြောကြားထားသည်။
အီရန်နိုင်ငံသည် ကွယ်လွန်သူ ခါမေနီ (Khamenei) ၏ အရိုက်အရာကို ဆက်ခံမည့် နောက်ထပ် အထွတ်အထိပ် ခေါင်းဆောင်သစ်ကို ရွေးချယ်ရန် နီးစပ်နေပြီဖြစ်သည်။
အမေရိကန်သည် အီရန်အစိုးရကို ဖြုတ်ချရန်အတွက် အီရန်ထံမှ ခြိမ်းခြောက်မှုများကို အကြောင်းပြချက်အဖြစ် လုပ်ကြံဖန်တီးနေခြင်းဖြစ်သည်ဟု ရုရှားက စွပ်စွဲလိုက်သည်။
အာဆီယံ (ASEAN) အဖွဲ့ဝင်နိုင်ငံများက အရှေ့အလယ်ပိုင်းတွင် ပြန့်နှံ့လာနေသော ပဋိပက္ခများအပေါ် “အပြင်းအထန် စိုးရိမ်ကြောင်း” ထုတ်ပြန်လိုက်သည်။
အီရန်၏ အထွတ်အထိပ် ခေါင်းဆောင်သစ် ဖြစ်လာနိုင်ဖွယ်ရှိသူ မိုဂျတာဘာ ခါမေနီ (Mojtaba Khamenei) သည် အမေရိကန်နှင့် အစ္စရေးတို့၏ တိုက်ခိုက်မှုများမှ အသက်ဘေးလွတ်မြောက်ခဲ့သည်။
