Khit Thit သတင်းဌာန၏ ဩဂုတ် ၇ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဩဂုတ် ၇ ရက် ညနေပိုင်းတင်ဆက်ပေးမယ့်သတင်းတွေကတော့
– ကချင်ပြည်နယ်၊ ဖားကန့်မြို့နယ်မှာ ဒီကနေ့ ဩဂုတ်လ ၇ ရက်နေ့ မနက်ပိုင်းက အကြမ်းဖက် စစ်ကောင်စီ တပ်စခန်း ၃ ခုကို KIA PDF ပူးပေါင်းတပ်တွေကနေ တိုက်ခိုက်သိမ်းပိုက်လိုက်ပြီး ၊ အကြမ်းဖက် စစ်တပ် ဘက်က အသေများထားသလို ၊ လက်နက်ခဲယမ်း အများအပြားလည်း သိမ်းဆည်းရမိတယ်လို့ ရှေ့တန်း သတင်းရင်းမြစ်တွေဆီကနေ ကနဦး သိထားရပါတယ်။
– ကရင်ပြည်နယ်၊ မြ၀တီမြို့နယ်က အာရှလမ်းမကြီးဖြစ်တဲ့ ကော့ကရိတ် နဲ့ မြ၀တီ လမ်းပိုင်း ရင်ခွဲတောင်၊ တောနော် ရေတံခွန်အနီးမှာ မိုးတွေ အဆက် မပြတ် ရွာသွန်းမှုကြောင့် လမ်းပိုင်း ပြိုကျပျက်စီးသွားပြီး လမ်းပန်းဆက်သွယ်ရေးပြတ်တောက်သွားပြီဖြစ်တယ်လို့ ဒေသခံ ပြည်သူတွေက ပြောပါတယ်။
– တနင်္သာရီတိုင်း၊ လောင်းလုံးမြို့နယ်မှာ အကြမ်းဖက် စစ်ကောင်စီတပ်ရဲ့ ရိက္ခာတင်ကား ၁ စီးကို PDF တပ်ဖွဲ့တွေကနေ လိုက်လံ ပစ်ခတ် ဖမ်းဆီးတဲ့အချိန် ပြည်သူ ၁ ဦး ကျည်ထိမှန် သေဆုံးခဲ့တဲ့ သတင်းအပါ အဝင် နောက်ဆုံးရသတင်းတွေကို တင်ဆက်ပေးပါမယ်။
