ယောဒေသ ပြည်သူ့ကာကွယ်ရေးတပ်ဖွဲ့ အခြေခံစစ်ပညာသင်တန်း အပတ်စဉ် ၈ သင်တန်းဆင်းပွဲ၊ဂုဏ်ပြုပွဲနှင့် ရာထူးပေးအပ်ပွဲ ပြုလုပ်
ရန်ကုန်၊ဇူလိုင် ၉
ယောဒေသ ပြည်သူ့ကာကွယ်ရေးတပ်ဖွဲ့ (YPDF) ၏ အခြေခံစစ်ပညာသင်တန်း အပတ်စဉ် ၈ သင်တန်း ဆင်းပွဲ၊ ရှေ့တန်းပြန်ရဲဘော်များ ဂုဏ်ပြုပွဲ၊ ရာထူးပေးအပ်ပွဲအခမ်းအနားကို ဇူလိုင် ၇ရက်နေ့ တွင်တပ်ဖွဲ့ ဌာနချုပ်တွင် ကျင်းပခဲ့ကြကြောင်းသိရှိရသည်။
အဆိုပါအခမ်းအနားကို တပ်ဖွဲ့ ဗဟိုဦးဆောင်ကော်မတီ ဥက္ကဌနှင့် အဖွဲ့ဝင်များ၊ အရပ်ဖက်အကြံ ပေးအဖွဲ့ ဝင်များ၊ ဒေသခံပြည်သူများ၊ သင်တန်းဆင်းရဲဘော်များ၊ တပ်ဖွဲ့ဝင်ရဲဘော်များ၊ အထူးဖိတ်ကြားထားသော ချင်းအမျိုးသားတပ်မတော် (CNA) မှ ဒုတိယဗိုလ်မှုးကြီးနှင့် ရဲဘော်များ၊ CDF KKG မှ ဒုဥက္ကဌနှင့် အဖွဲ့ ဝင်များ၊ ဒေသခံ လက်နက်ကိုင်အဖွဲ့များ တက်ရောက်ခဲ့ကြကြောင်းသိရှိရသည်။
