ဒီကနေ့ ဩဂုတ် ၃ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
-အကြမ်းဖက် စစ်ခေါင်းဆောင် မင်းအောင်လှိုင်က စက်မှု ဝန်ကြီးဟောင်း အောင်သောင်းရဲ့သားဖြစ်သူ ဗိုလ်ချုပ်ကြီး မိုးအောင်ကို အစိုးရအဖွဲ့သစ်နှင့် စစ်ကော်မရှင် အသစ်မှာ မထည့်သွင်းတော့ဘဲ စစ်ဘက် နှင့်အရပ်ဘက် တာဝန်တွေကနေ အငြိမ်းစားပေးလိုက်တယ်လို့ နေပြည်တော်အသိုင်းအ၀ိုင်းဆီကနေ သိရပါတယ်။
နိုင်ငံသားတွေရဲ့ ပုဂ္ဂိုလ်ဆိုင်ရာ လွတ်လပ်မှုနဲ့ လုံခြုံမှုကို ကာကွယ်ပေးတဲ့ ဥပဒေ ပြဋ္ဌာန်းချက်တချို့ကို ရပ်ဆိုင်းမယ်လို့ စစ်ခေါင်းဆောင်မင်းအောင်လှိုင် ရဲ့ လက်မှတ်နဲ့ထုတ်ပြန်ကြေညာထားပါတယ်။
မွန်ပြည်နယ်ဘက်က သတင်းကိုတင်ဆက်ပေးပါမယ်။ မွန်ပြည်နယ်၊ မုဒုံမြို့နယ်မှာ Non CDM သားဖွား ဆရာမ သီတာဝင်းက ရက်လွန်အကြောဆေးတွေကို ထိုးပေးခဲ့တာကနေ ပြည်သူ ၂၉ ဦး ရှော့ဖြစ်ကာ ဆေးရုံတင်ရပြီး အသက် ၇၉ နှစ်အရွယ် ဒေါ်တင်သိန်း ကျောက်ကပ် ပျက်စီးပြီး သေဆုံးခဲ့တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။
