ဒီကနေ့ အောက်တိုဘာ ၅ ရက် ညနေပိုင်း တင်ဆက်ပေးမယ့် သတင်းတွေကတော့
တရုတ်ရဲ့ ပံ့ပိုးမှုမရှိဘဲ စစ်ရာဇဝတ်ကောင် မင်းအောင်လှိုင် အာဏာ ဆက်မထိန်းထားနိုင်တော့တာကြောင့် အကြမ်းဖက်မြန်မာစစ်အုပ်စုကို ထောက်ခံနေမှုအပေါ် ပြန်လည် စဉ်းစားဖို့အတွက် နယူးဇီလန် လွှတ်တော် အမတ် Phil Twyford က တရုတ်ကို တိုက်တွန်း လိုက်ပါတယ်။
အာဏာသိမ်းစစ်ကောင်စီဟာ အရပ်သားပြည်သူတွေကို ကျူးလွန်တဲ့ လူ့အခွင့်အရေးချိုးဖောက်မှုတွေ ပိုမိုလုပ်ဆောင်လာတယ်လို့ အမျိုးသားညီညွတ်ရေးအစိုးရ (NUG)၊ လူ့အခွင့်အရေးဆိုင်ရာဝန်ကြီးဌာနက အောက်တိုဘာ ၄ရက်ညပိုင်းမှာ သတင်းထုတ်ပြန်ပါတယ်။
-ပဲခူးတိုင်း၊ နတ်တလင်းမြို့၊ ဇီးကုန်းကလေးရပ်ကွက်မှာ စိတ်ဝေဒနာရှင် မောင်စောရန်နိုင်ကို အုပ်ချုပ်ရေးမှူး တင်ဌေးနှင့် ရာအိမ်မှူး တင်လှတို့က ဖမ်းဆီးပြီး သိန်း ၅၀ နဲ့ စစ်မှုထမ်းတပ်သားအဖြစ် ရောင်းစားလိုက်တဲ့ သတင်းအပါအဝင် ညနေခင်းသတင်းတွေကို တင်ဆက်ပေးပါမယ်။
