ကလေးမြို့တွင် ကလေးမြို့လူထုတိုက်ပွဲဦးဆောင်ကော်မတီက ကလေးမြို့ဒေသပြည်သူတရပ်လုံးနှင့်ပူးပေါင်းကာ တရားမဝင်အတုအယောင်ရွေးကောက်ပွဲကို လူထုအားဖြင့် ဆန့်ကျင်ကြရန်လူထုဟောပြောပွဲ လှုပ်ရှားမှုပြုလုပ်ခဲ့ကြသည်။
အဆိုပါလှုပ်ရှားမှုတွင် ခေတ်အဆက်ဆက်တော်လှန်ရေးတွင် ပေးဆပ်ခဲ့သော ရဟန်းရှင်လူကျောင်းသားပြည်သူများအား အလေးပြုခြင်း၊ ဌာနစုံမှ CDMပြည်သူ့ဝန်ထမ်းများအား လက်ခုပ်တီးဂုဏ်ပြုခြင်း၊ ကျဆုံးလေပြီးသော အာဇာနည်များအား တစ်မိနစ် အောက်မေ့သတိရ ငြိမ်သက်ဂုဏ်ပြုခြင်းနှင့်အတူ ရွေးကောက်ပွဲဆန့်ကျင်ရေး ကြက်ခြေခတ် (cross sign) နှင့် ကြွေးကြော်သံများကိုင်ဆောင်ခဲ့ကြကြောင်း သိရှိရသည်။
