မကွေးတိုင်း၊ စလင်းနှင့်ဆိပ်ဖြူမြို့နယ်တို့တွင် စစ်တပ်က တိုက်ပွဲဖြစ်ပွားခြင်းမရှိဘဲ ဒရုန်းနှင့် လေယာဉ်များဖြင့် ဗုံးကျဲမှု ပြည်သူများ ထိခိုက်ဒဏ်ရာရပြီး နေအိမ်များပျက်စီးသွားကြောင်း သိရှိရသည်။
ဇန်နဝါရီလ ၁၉ ရက်နေ့ မွန်းလွဲ ၂နာရီအချိန် စလင်းမြို့နယ် အနီး ဝမ်းပြည့်ကျေးရွာကို အကြမ်းဖက် စစ်တကပ် တိုက်ပွဲဖြစ်ပွာခြင်းမရှိဘဲ ဒရုန်းများဖြင့် ဗုံးများ ကျဲချတိုက်ခိုက်ရာ ပြည်သူ ၄ ဦးထိခိုက်ဒဏ်ရာရရှိခဲ့ကြောင်း ပြည်သူ့ ညီနောင်-စလင်း သတင်းတာဝန်ခံ ကိုပြည်သူက ရန်ကုန်ခေတ် သစ် သတင်းဌာနထံသို့ ပြောဆိုသည်။
“ဝမ်းပြည့်ကျေးရွာကို စစ်ခွေးတွေ တိုက်ပွဲဖြစ်ပွာခြင်းမရှိဘဲ ဒရုန်းနဲ့ တိုက်ခိုက်ခဲ့ပါ။ ထိခိုက်ဒဏ်ရာရတာက အမျိုးသား ၂ဦး အမျိုးသမီး ၂ ဦးပါ မိသားစုဝင် ၄ ဦးပါ။ ၂ ဦးက စိုးရိမ်ရတဲ့အခြေနေရှိတယ်။ နေအိမ်လည်း ပျက်စီးသွားတယ် “ဟု ပြည်သူ့ ညီနောင်-စလင်း သတင်းတာဝန်ခံ ကိုပြည်သူကပြောဆိုသည်။
အလားတူ မကွေးတိုင်း၊ ဆိပ်ဖြူမြို့နယ် ဆင်နီတောင်ကျေးရွာကို အကြမ်း ဖက် စစ်တပ် တိုက်ပွဲဖြစ်ပွာခြင်းမရှိဘဲ လေကြောင်းတိုက်ခိုက်ရာ အမျိုး သမီး ၁ ဦး ထိခိုက်ဒဏ်ရာရခဲ့ကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ပြောဆိုသည်။
ဇန်နဝါရီလ ၁၉ ရက်နေ့ ညနေ ၅နာရီ ၂၁ မိနစ်ခန့် အချိန် ဆိပ်ဖြူမြို့နယ် အခြေစိုက် ကပစ၂၂ မှ တက်လာသော စက်တပ်လေထီး ၁စီးဖြင့် ဆိပ်ဖြူမြို့နယ် ဆင်နီတောင်ကျေးရွာသို့ တိုက်ပွဲဖြစ်ပွားခြင်းမရှိဘဲ ဗုံးကျဲတိုက်ခိုက်ခဲ့ကြောင်း၊အဆိုပါလေကြောင်းတိုက်ခိုက်မှုအတွင်း ဆင်နီတောင်ကျေးရွာမှ အမျိုးသမီး ၁ ဦး လက်ပြတ်သွားကြောင်းသိရှိရသည်။
“ပါရာမော်တာက အကြောင်းမဲ့ လိုက်ကျဲနေတာ။ စစ်ကြောင်းထိုးတာလည်းမဟုတ်ဘူး။ ကပစ ၂၂ ကနေတက်လာပြီး ဗုံးကျဲသွားတာ။ စက်တပ်လေထီး ဆင်းတာက ဆိပ်ဖြူမှာ ဆင်းတယ်”ဟု ဒေသပြည်သူတစ်ဦးက ပြောဆိုသည်။
အကြမ်းဖက်စစ်တပ်က စလင်းမြို့နယ်နှင့် ဆိပ်ဖြူမြို့နယ်တို့တွင် လေ ကြောင်း တိုက်ခိုက်မှုများ ဆက်တိုက် လုပ်ဆောင်နေသဖြင့် ပြည်သူများမှာ စိုးရိမ်ထိတ်လန့်စွာဖြင့် နေထိုင်နေရကြောင်းသိရှိရသည်။
