ရန်ကုန်၊ အောက်တိုဘာ ၂
စစ်ကိုင်းတိုင်း၊ စစ်ကိုင်း-မုံရွာလမ်းတွင် ယနေ့ နံနက်ပိုင်း စစ်ကား ၆ စီးပါ ကားတန်း မိုင်းဆွဲခံရပြီး စစ်သား ၁၅ ဦးသေဆုံးခဲ့ကြောင်း မြောင်မြို့နယ် ပြည်သူ့ကာ ကွယ်ရေးတပ် T.G.R မှ ဗိုလ်တိုက်ဂါးက ရန်ကုန်ခေတ်သစ်သတင်းဌာနထံသို့ ပြေဆိုသည်။
အောက်တိုဘာလ ၂ ရက်နေ့ နံနက် ၁၁ နာရီအချိန်တွင် စစ်ကိုင်းမှ မုံရွာသို့ထွက် လာသော စစ်ကား ၆ စီးပါ ယာဉ်တန်းကို ဂွေးပင်တော ကျေးရွာနှင့် နတ်ရေကန် ကျေး ရွာ ကြားတွင် မိုင်း၆ လုံးတွဲဖြင့် တိုက်ခိုက်ရာ စစ်ကား ၂ စီး စုတ် ပြတ်သတ် ပျက်စီးသွား ပြီး လူနာတင်ကား ၂ စီးဖြင့် ချောင်းဦး ဆေးရုံသို့ ခေါ်ဆောင်သွားကြောင်း၊ အပြင်းထန် ဒဏ်ရာရရှိမှုများ ရှိနေပြီး လတ်တလောသတင်း ရရှိမှုအရ စစ်သား ၁၅ ဦးသေဆုံးကြောင်း သိရှိရသည်။
အဆိုပါ တိုက်ခိုက်မှုတွင် မြောင်မြို့နယ် T.G.R ပြည်သူ့ကာကွယ်ရေးတပ် ၊Saw Bwar Gyi (MPDF). ပူပေါင်းလုပ်ဆောင်ခဲ့ကြောင်း သိရှိရသည်။
အလားတူ အောက်တိုဘာလ ၁ ရက်နေ့ ည ၇နာရီအချိန်မန္တလေတိုင်း တောင်သာမြို့ ၊ မြို့ အဝင်၊အထွက် စစ်ဆေးရေးဂိတ်ကို ပစ်ခတ်တိုက်ခိုက်ရာ စစ်သား ၆ ဦးသေဆုံးကြောင်း ဒေသကာကွယ်ရေးတပ်က ပြောသည်။
တောင်သာမြို့အဝင်ဂိတ်သည် စစ်တပ်နှင့် ရဲ စုစုပေါင်း ၁၅ ဦး ရှိနေသည့် စစ်ဆေးရေးဂိတ်ဖြစ်ပြီး တောင်သာအခြေစိုက် မြင်းခြံခရိုင်တပ်ရင်း အမှတ်၃ က လက်နက်ကြီး ၊ လက်နက်ငယ် တို့ဖြင့် အဆက်မပြတ်တိုက်ခိုက် ခဲ့ရာ စစ်သား ၆ ဦး သေဆုံးကြောင်း၊ စစ်သား ၄ ဦး၏ အလောင်းများကို ချက်ချင်း လုတ်တိုင်းကုန်းတွင် မီးရှို့ခဲ့ပြီး ကျန် ၂ လောင်းကို ကားဖြင့်သယ်ဆောင်သွားခဲ့ကြောင်း သိရှိရသည်။
ထို့ပြင် ဧရာ၀တီတိုင်း ပုသိမ်မြို့တွင် ယနေ့ ညပိုင်း စစ်တပ်ပိုင် Mytel ဆက်သွယ်ရေးရုံး ကို ဗုံးခွဲတိုက်ခိုက်မှု တစ်ရပ်ဖြစ်ပွားခဲ့ပြီး ယင်းတိုက်ခိုက်မှုကို PSTF (Pathein Special Task Force) က လုပ်ဆောင်ခဲ့ကြောင်း သိရှိရသည်။
ယနေ့ည ၇ နာရီ ၄၅ မိနစ်ခန့်က အမှတ်(၂)ရပ်ကွက်၊ ကမ်းနားလမ်း၊ အမှတ် (၁) ဘောတံတားဝန်းရှေ့တွင် ဖွင့်လှစ်ထားသော စစ်တပ်၏ အဓိက စီးပွါးရေးဒေါက်တိုင် Mytel ရုံးချုပ်ကို နန်းထိုက်အောင် စစ်ဆင်ရေးအဖြစ် ကန်ကြီးထောင့် ပကဖ နှင့် PSTF တို့ ပူးပေါင်းကာ ဗုံးဖောက်ခွဲခဲ့ကြောင်း PSTF ထံမှ သိရှိရသည်။
“စစ်တပ်ရဲ့ Mytel ရုံး ဗုံးပေါက်တယ်။ ပုသိမ်၊ ကမ်းနား ရွှေကြာပွင့် ဆိုင်ကယ် အရောင်းဆိုင်မှာရှိနေတဲ့ CCTV ကို စစ်တပ်နဲ့ ရဲက ရသွားပြီး ညတွင်းချင်း ကြည့်နေကြတယ်။ ရွှေကြာပွင့် အိမ်ဝရန်တာအပေါ်ကနေ ကင်းပုန်းတွေချထားတယ်။ လမ်းတွေပိတ်ပြီးစစ်ဆေးနေတယ်” ဟု ပုသိမ်မြို့ခံတစ်ဦးက ပြောဆိုသည်။
ဗုံးပေါက်ကွဲမှုဖြစ်ပွားပြီးနောက် စစ်တပ်နှင့်ရဲက ပုသိမ်မြို့ နေရာအများအပြားကို ပိတ်ဆို့ စစ်ဆေးခြင်း၊ ဖုန်းများကို စစ်ဆေးခြင်းများလုပ်ဆောင်နေကြောင်း သိရှိရသည်။
ဓာတ်ပုံ- ၂၀၂၂ ခုနှစ် ဩဂုတ်လ ၁၄ ရက်နေ့ ပုသိမ်မြို့အဝင်အထွက် သဲအိတ်ဘန်ကာများ တည်ဆောက်ထားစဉ်။
