ရန်ကုန်၊ အောက်တိုဘာ ၁၀
ရန်ကုန်တိုင်း၊ စမ်းချောင်းမြို့နယ်တရားရုံးအနီးတွင် ယနေ့ညပိုင်း ဗုံးပေါက်ကွဲမှုဖြစ် ပွားပြီး စစ်တပ်က ဗဟိုလမ်းနှင့်ဗားကရာလမ်းကို ပိတ်ဆို့ စစ်ဆေးလျက်ရှိကြောင်း ဒေသခံများက ရန်ကုန်ခေတ်သစ်သတင်းဌာနထံသို့ ပြောဆိုသည်။
အောက်တိုဘာလ ၁၀ ရက်နေ့ ည ၈ နာရီ ၅ မိနစ်အချိန် ဗားကရာလမ်းနှင့်ဗဟိုလမ်းထောင့်ရှိ စမ်းချောင်းမြို့နယ်တရားရုံးအနီးတွင် ဗုံးပေါက်ကွဲခြင်းဖြစ်ပွားခြင်းဖြစ် ကြောင်း၊ ဗုံးပေါက်ကွဲမှုကြောင့် လူထိခိုက်မှု ရှိ၊ မရှိ မသိရသေးဘဲ ပေါက် ကွဲမှုဖြစ်အပြီး မိနစ် ၂၀ အကြာတွင် ဗဟိုလမ်းနှင့်ဗားကရာလမ်းကို စစ်တပ်က ပိတ်ဆို့စစ်ဆေးနေကြောင်း ဒေသခံများက ဆိုသည်။
“ည ၈နာရီ ၅မိနစ်လောက်မှာ စမ်းချောင်း ဗားကရာလမ်းနဲ့ ဗဟိုလမ်းမီးပွိုင့်ထောင့်မှာ ဗုံးပေါက်သွားပါတယ်။ ည ၈နာရီ၂၅ မိနစ်မှာ ခု စစ်သားနဲ့ရဲတွေရောက်လာပါတယ်။ လမ်းကိုပိတ်ပြီး စစ်ဆေးနေပါတယ်” ဟု ဒေသခံတစ်ဦးက ဆိုသည်။
အလားတူ ရန်ကုန်တိုင်း၊ ဒဂုံမြိုသစ်မြောက်ပိုင်းမြိုနယ်၊ ၃၇ ရပ်ကွက်၊ပြည် ထောင်စုလမ်း၊ ECECEL အဲကွန်းဆိုင်ရှေ့တွင် မပေါက်ကွဲသေးသောလက်လုပ်ဗုံးကို အောက်တိုဘာလ ၁၀ ရက် နံနက်ပိုင်းတွင် တွေ့ရှိသဖြင့် စစ်တပ်က ဗုံးကို ယူဆောင်ပြီး မြို့နယ် ဘောလုံးကွင်းတွင် ဖောက်ခွဲလိုက်ကြောင်း သိရှိရသည်။
