ဝက်လက်မြို့နယ်ရှိ စစ်ဘေးရှောင် ပြည်သူများကို ပိုက်ဆံ နှင့် စားသောက်ကုန် ပစ္စည်းများ လှူဒါန်း
ရန်ကုန်၊ မတ် ၁၀
ဝက်လက်မြို့နယ်ရှိ စစ်ဘေးရှောင် ပြည်သူများကို တမာရင်ခွင် လူမှုကူညီရေး အသင်းက ယနေ့ မတ်လ ၁၀ ရက်နေ့တွင် ပိုက်ဆံ နှင့် စားသောက်ကုန် ပစ္စည်းများ လှူဒါန်းခဲ့ကြောင်းသိရသည်။
အကြမ်းဖက် စစ်တပ် မီးရှို့ဖျက်ဆီးသွားသော စိုင်နိုင်လေးကျေးရွာမှ စစ်ဘေးရှောင် ပြည်သူများကို တစ်အိမ်ထောင်လျှင် ငွေကျပ် ၁၀၀၀၀ နှင့် ဆန်၊ ဆီ၊ ဆား၊ ကြက်သွန်နီ၊ ကြက်ဥတို့ ထောက်ပံ့လှူဒါန်းခဲ့ကြောင်း သိရှိရသည်။
စစ်ကိုင်းတိုင်းအတွင်းရှိ စစ်ဘေးရှောင် ပြည်သူများအား ထောက်ပံ့လှူဒါန်းလိုသော အလှူရှင်များအနေဖြင့် တမာရင်ခွင် လူမှုကယ်ဆယ်ရေး အသင်း၏ page chat box ကို ဆက်သွယ် လှူဒါန်းနိုင်ကြောင်း သိရသည်။
