Khit Thit သတင်းဌာန၏ မတ် ၁၇ ရက် နေ့လယ်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ မတ် ၁၇ ရက် နေ့လယ်ပိုင်းတင်ဆက်ပေးမယ့်သတင်းတွေကတော့
– မြန်မာစစ်ကောင်စီက အာဏာဆက်လက် ထိန်းချုပ်နိုင်ရေးအတွက် PDF တွေကို ခေါင်းဖြတ်သတ် တာတွေ၊ ပင်လောင်းမှာ ပြည်သူ ၂၈ ဦးကို သတ်ဖြတ်တာတွေ၊ လေကြောင်း ဗုံးကျဲတာတွေ နဲ့ ရွာတွေကို မီးရှို့တာတွေ ကျူးလွန်နေတယ်လို့ မြန်မာ နိုင်ငံဆိုင်ရာ အထူးကိုယ်စားလှယ် Noeleen Heyzer က ကုလသမဂ္ဂ အထွေထွေညီလာခံမှာ ပြောဆိုလိုက်ပါတယ်။
– ကုလသမဂ္ဂညီလာခံမှာ စစ်ကိုင်းတိုင်း၊ တာတိုင်ကျေးရွာ နဲ့ ရှမ်းပြည်နယ်၊ ပင်လောင်းမြို့နယ်က ပြည်သူတွေကို မြန်မာ စစ်တပ်က ရက်ရက်စက်စက် သတ်ဖြတ်ထားတဲ့ ဓာတ်ပုံတွေကို သံအမတ်ကြီး ဦးကျော်မိုးထွန်းက ပြသပြီး လူသားမျိုး နွယ်အပေါ် ကျူးလွန်တဲ့ ပြစ်မှု နဲ့ စစ်ရာဇဝတ်မှုကို မြန်မာ စစ်တပ်က ကျူးလွန် နေတယ်လို့ တင်ပြပြောဆိုလိုက်ပါတယ်။
– မကွေးတိုင်း၊ ထီးလင်းမြို့နယ်မှာ မတ်လ ၁၆ ရက်နေ့က အင်အား ၆၀၀ လောက်နဲ့ စစ်ကြောင်းထိုး လာတဲ့ အကြမ်းဖက် စစ်ကောင်စီတပ်ကို YDF တပ်ဖွဲ့တွေကနေ အသင့်စောင့်ကြို တိုက်ခိုက်ရာမှာ စစ်ကောင်စီဘက်က ၇ ဦးသေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက် ပေးပါမယ်။
