DeJay LuLu

 By ရန်ကုန်ခေတ်သစ်  ဒီကနေ့ ဇူလိုင် ၂ ရက် မနက်ပိုင်း ရရှိထားတဲ့သတင်းတွေကတော့ -ကရင်ပြည်နယ်၊ မြ၀တီမြို့နယ်၊ သေ့ဘောဘိုးစစ်ရှောင်စခန်းအနီးကို စစ်တပ်က လေယာဉ်နဲ့ ဇူလိုင် ၁ ရက်နေ့ ည ၈ နာရီက ဗုံးကျဲခဲ့တဲ့အတွက် ပြည်သူ ၂ ဦး သေ ဆုံးပြီး ဒဏ်ရာရသူများရှိခဲ့တဲ့အပြင်...

ရန်ကုန်၊ ဇူလိုင် ၂ စစ်ကိုင်းတိုင်း ယင်မာပင်ခရိုင် ယင်းမာပင်မြို့နယ် ရှိ ရွာတရွာတွင် NUG အစိုးရက စီစဥ်ဆောင်ရွက်သော ကြားလာလ ပညာသင်နှစ်တွင်မိုးရာသီ အားကစားပွဲကျင်းပပြုလုပ်ပြီး အားကစားနည်း ၁၀မျိုးဖြင့် ဇွန်လ ၂၉ ရက်​နေ့တွင် ကျင်းပ​ကြောင်း သိရှိရသည်။

ရန်ကုန်၊ ဇူလိုင် ၁  ကရင်ပြည်နယ်၊ ဖာပွန်မြို့၊ KNU တပ်မဟာ ၅ နယ်မြေ အတွင်းသို့ နယ်ကျွံ့လာသည့် စစ်ကောင်စီတပ်၏ အိမ်စီးကား ပစ်ခတ်တိုက်ခိုက်ခံရပြီး စစ်ကောင်စီတပ်ဖွဲ့ဝင် ၅ ဦးသေဆုံး ကာ ၄၀ မမ ဗုံးပစ်လက်နက် အပါအဝင်လက်နက် ၅ လက်နှင့် ခဲယမ်းများရရှိကြောင်း ဗမာပြည်သူ့လွတ်မြောက်ရေးတပ်တော် (BPLA)က သတင်းထုတ်ပြန်သည်။  ယနေ့ ဇူလိုင် ၁ ရက်နေ့ နံနက် ၁၁ နာရီအချိန်  ကရင်အမျိုးသားလွတ်မြောက်ရေးတပ်မတော်(KNLA)နှင့် ဗမာပြည်သူ့လွတ်မြောက်ရေးတပ်တော်(BPLA) မှ တပ်ဖွဲ့ဝင်မျာက  KNU/KNLA တပ်မဟာ ၅၊ ဖာပွန်မြို့အနီး ရှေ့တန်းတစ်နေရာ၌ မိုင်းထောင်/ကင်းပတ်နေစဥ်  စစ်ကောင်စီတပ်ဖွဲ့ဝင်များမောင်းနှင်လာသည့် ကားငယ်တစ်စီး နယ်ကျွံဝင်လာသည့်အတွက် မိနစ်(၂၀)ခန့် တိုက်ပွဲဖြစ်ပွါးခဲ့ကြောင်း၊   အဆိုပါကားမှာ ပျက်စီးသွားပြီး ကားပေါ်ပါ စစ်ကောင်စီတပ်ဖွဲ့ဝင် ၅ ဦးစလုံး သေဆုံးကြောင်း သိရှိရသည်။  သေဆုံးသွားသော စစ်သား ၅ ဦးထံမှ  ၄၀ မမ - ၁ လက်၊ AK - ၂ လက်၊ M4 carbine - ၁ လက်၊ G3 - ၁ လက်၊လက်ပစ်ဗုံး - ၃ လုံး၊ ကျည်နှင့် ရိက္ခာအနည်းငယ်တို့ကို သိမ်းဆည်းရရှိထားကြောင်း  ဗမာပြည်သူ့လွတ်မြောက်ရေးတပ်တော်(BPLA)က သတင်းထုတ်ပြန်သည်။  ဓာတ်ပုံ- BPLA တပ်ဖွဲ့ဝင်များ။

ရန်ကုန်၊ ဇူလိုင် ၁ မြန်မာနိုင်ငံတစ်ဝန်း ဇူလိုင်လ ၁ ရက်နေ့တွင် စစ်ကောင်စီတပ်ဖွဲ့ဝင် ၈၀ ဦးသေဆုံးကြောင်း ဒေသကာကွယ်ရေးတပ်ဖွဲ့များ၏ ထုတ်ပြန်ချက်များအရ သိရှိရသည်။

ရန်ကုန်၊ ဇူလိုင် ၁  မကွေးတိုင်း၊ မြိုင်မြို့နယ်တောင်ပိုင်း၊ သရက်ကန်ရွာရှိ စစ်တပ်နှင့် ပျူစောထီးအဖွဲ့များ တပ်စွဲထားသော စခန်းကိုဇွန်လ ၃၀ ရက်နေ့ ည ၁၀ နာရီခန့်တွင် ဒေသခံ ကာကွယ်ရေး တပ်ဖွဲ့များက လက်လုပ် လက်နက်ကြီး များဖြင့်ပစ်ခတ် တိုက်ခိုက်ခဲ့ပြီး စစ်သားနှင့် ပျူစောထီး ၃ ဦးသေဆုံးခဲ့ကြောင်း ဝံပုလွေ​ ပြောက် ကျား တပ်ဖွဲ့(မြိုင်) ထံမှသိရသည်။  အဆိုပါ တပ်စခန်းကို ဝံပုလွေ​ ပြောက်ကျား တပ်ဖွဲ့(မြိုင်)၊ မြိုင်မြို့နယ် ဂဠုန် ပြည်သူ့ကာကွယ်ရေးတပ် MGPDF၊အနောက်လွင်ပြင် ပြည်သူ့ကာကွယ်ရေးတပ်ဖွဲ့၊ Myaing Warriores တပ်ဖွဲ့၊ ပခုက္ကူမြို့နယ် ပြည်သူ့ကာကွယ်ရေးတပ်ဖွဲ့ နှင့် ဒေသခံ ပြည်သူ့ကာကွယ်ရေးတပ် မဟာမိတ် ညီနောင် ပူးပေါင်းအဖွဲ့များက တာဝေးပစ် လက်လုပ်လက်နက် ကြီးများဖြင့် အချက် ၂၀ ခန့် ပစ်ခတ် တိုက်ခိုက် ခဲ့ပြီး စစ်သားနှင့် ပျူစောထီး ၃ ဦးသေဆုံးပြီး အများအပြား ထိခိုက် ဒဏ်ရာရရှိခဲ့ကာ ည ၁၀ နာရီ ၃၀ မိနစ် တွင် ကာကွယ်ရေး တပ်ဖွဲ့များ အထိအခိုက် မရှိ အောင်မြင်စွာ ဆုတ်ခွာနိုင်ခဲ့ကြောင်း သိရသည်။  အလားတူ စစ်ကိုင်းတိုင်း တန့်ဆည်မြို့နယ် အင်္ကုက္ကားရွာတွင် တပ်စွဲထားသော အကြမ်းဖက် စစ်တပ် စစ်ကြောင်းကင်းပတ်စဥ် ယနေ့ ဇူလိုင်လ ၁ ရက်နေ့ ည ၉ နာရီခန့်တွင် ဒေသခံ ကာကွယ်ရေး တပ်ဖွဲ့များက မိုင်းဆွဲတိုက်ခဲ့ပြီးစစ်သားများ ထိခိုက်သေဆုံးမှု ရှိသော်လည်း အရေအတွက် အတည် မပြုနိုင်သေးကြောင်း နယ်မြေခံ သတင်းရင်းမြစ်များ ထံမှ သိရသည်။  အကြမ်းဖက် စစ်တပ် ကင်းပတ် စစ်ကြောင်းသည် အင်္ကုက္ကားရွာ အနောက်ဘက်ရှိ ကျွန်းပင်တန်းနားတင် မိုင်းဆွဲခံရခြင်းဖြစ်ပြီး အထိအခိုက် အသေ အပျောက် ရှိနိုင်သော်လည်း အရေအတွက် အတည်မပြုနိုင်သေးဘဲ ပေါက်ကွဲမှုဖြစ်ပွားသည့် နေရာသို့ စစ်တပ် စစ်ကြောင်းများ ထပ်မံ ရောက်ရှိလာပြီး ဓာတ်မီးများဖြင့် ထိုးကာ ရှာဖွေမှုများပြုလုပ်နေကြောင်း သိရသည်။

ရန်ကုန်၊ ဇူလိုင် ၁ ဆားလင်းကြီးမြို့နယ် အားမာန်သစ် သပိတ် စစ်ကြောင်း ဦးဆောင်ကာ ယနေ့ ဇူလိုင်လ ၁ ရက်နေ့တွင် စစ်အာဏာရှင် ဆန့်ကျင်ရေး ချီတက် ဆန္ဒပြခဲ့ကြောင်း သိရသည်။

ရန်ကုန်၊ ဇူလိုင် ၁  ရန်သူစစ်တပ်၏ နေ့စဥ်ရက်ဆက် ဆိုးရွားလွန်းလှသော တရားမဲ့လုပ်ရပ်များကို လုံးဝသည်းမခံနိုင်တော့သော ရန်ကုန်မြို့ရှိ လူငယ်များ စုပေါင်း၍ "သူပုန် တွေလာပြီဟေ့" စာတန်းပါ ဘန်နာအား ကိုင်စွဲကာ အကြမ်းမဖက် စစ်အာဏာရှင်ဆန့်ကျင်ရေး ဆန္ဒပြကြသည်။  ယမန်​နေ့ညမှ လှည်းတန်း​စျေးတွင် ဖြစ်ပွားခဲ့​သော စစ်တပ်၏ အကြမ်းဖက်မှုအ​ပေါ် ​ပြည်သူလူထုများအ​နေဖြင့်တုန်လှုပ်​နေမည်မဟုတ်​ကြောင်း ၊ ​တော်လှန်လူငယ်များအ​နေဖြင့်လည်း ​ကြောက်ရွံ့ခြင်းမရှိ ဆက်လက်​တော်လှန်​နေမည်​ဖြစ်​ကြောင်းကို ရဲရဲဝံ့ဝံ့ ထုတ်​ဖော်ပြသကြသည် ။  ထိုဆန္ဒပြပွဲမှတဆင့်ပြည်သူလူထုအား မတရားသည့် ခေတ်တွင် သူပုန်ဖြစ်ရခြင်းသည် ဂုဏ်သိက္ခာရှိကြောင်း၊ယခုအချိန်မှစ၍ မိမိတို့လူငယ်များမှ ကိုယ့်ကိုယ်ကိုယ် သူပုန်ဟု ကင်ပွန်းတပ် တံဆိပ်ခတ်ကာ ရန်သူစစ်တပ်အားပြောင်ပြောင်တင်းတင်း တော်လှန်ပုန်ကန်သွားတော့ မည်ဖြစ်ကြောင်း တပ်လှန့်လိုက်ပါသည်။  အဆိုပါ ဆန္ဒပြပွဲအား ဗမာ့လူငယ်ကွန်ရက်(ဗလက)မှ ဦးဆောင်၍ အခြေခံ ပညာကျောင်းသားလူငယ်များအစည်းအရုံး(အ.က.လ-ဗဟို)၊ ရေဘဝဲ(ပြည်သူ့အကျိုးပြု လူငယ်အဖွဲ့အစည်း)၊ LGBT Community Yangon နှင့်တော်လှန်လူငယ်များမှ ပူးပေါင်းကာ(Youth Scout For Democray-YSD) ၏ Scout အကူအညီဖြင့်အင်တိုက်အားတိုက် ချီတက်ခဲ့ခြင်းဖြစ်သည်။ Photo- Assistance Association for Myanmar-based Independent Journalists ။

ရန်ကုန်၊ ဇူလိုင် ၁  စစ်ကိုင်းတိုင်း၊ ရွှေဘိုမြို့နယ်တွင် ဝက်လက် GZ အဖွဲ့မှ PDF ရဲဘော် ၉ ဦး ဇွန်လ ၂၉ ရက်နေ့တွင် အကြမ်းဖက်စစ်ကောင်စီ၏ ဖမ်းဆီးခံရကာ သတ်ဖြတ်ခံလိုက်ရကြောင်း ဝက်လက် GZ အဖွဲ့မှ အဖွဲ့ခေါင်းဆောင် ကို GZ က...

 By ရန်ကုန်ခေတ်သစ်  ဒီကနေ့ ဇူလိုင် ၁ ရက် ညနေပိုင်း ရရှိထားတဲ့သတင်းတွေကတော့ -မွန်ပြည်နယ်၊ ပေါင်မြို့နယ်အတွင်း ဇွန်လ ၂၉ ရက်နေ့က  KTV ကနေ ပြန်လာတဲ့ စစ်ကောင်စီခန့် ၊ ကဒုံစီး-ရပ်ကွက်အုပ်ချုပ်ရေးမှူး- မဲလုံးဆိုသူ ပစ်ခတ်ခံရပြီး သေဆုံးသွားတယ်လို့ ဒေသခံတွေဆီကနေ သိရပါတယ်။ - စစ်တပ်အမာခံ၊ ဘာသာရေးနဲ့...

ရန်ကုန်၊ ဇူလိုင် ၁ ကနီမြို့နယ် ရှစ်ခိုးထပ်ကွေ့အနီး၌ ဒေသခံ ပြည်သူများ ဦးဆောင်ကာ ယနေ့ ဇူလိုင်လ ၁ ရက်နေ့တွင် အကြမ်းဖက် စစ်တပ်က ဖမ်းဆီး သတ်ဖြတ်ခဲ့သော ပြည်သူ ၅ ဦး၏ ၁ နှစ်ပြည့် အောက်မေ့ဖွယ် အခမ်းအနားနှင့် စစ်အာဏာရှင် ဆန့်ကျင်ရေး...