မြန်မာပြည်သူများနှင့် ခရစ်ယာန်ဘာသာရေး အဆောက်အအုံများအပေါ် ဗုံးကျဲသတ်ဖြတ် တိုက်ခိုက်နေသည့် အကြမ်းဖက်စစ်တပ်ကို ဒဏ်ခတ်ပိတ်ဆို့မှုများ ထပ်မံအရေးယူမည်ဟု အမေရိကန်အစိုးရ၊ နိုင်ငံခြားရေးဝန်ကြီးဌာန လက် ထောက်နိုင်ငံ ခြားရေးဝန်ကြီး Michael George DeSombre က တရားဝင် ထုတ်ဖော်ပြောဆိုသည်။

အမေရိကန်အခြေစိုက် Burma Research Institute က ဦးဆောင်၍ ခရစ် ယာန်ဘာသာရေးခေါင်းဆောင်များ၊ အဖွဲ့အစည်းများ စုပေါင်းပြီး မြန်မာနိုင်ငံတွင် ပြည်သူများနှင့် ခရစ်ယာန်ဘာသာဝင်များအပေါ် တိုက်ခိုက်နေမှုများနှင့် ပတ် သက်၍ အမေရိကန်နိုင်ငံ ခြားရေးဝန်ကြီး Rubio ထံသို့ စာပေးပို့ခဲ့ကြရာ အမေရိကန်အစိုးရက ယခုနှစ် မေလ ၆ ရက်နေ့တွင် ထိုသို့ တုံ့ပြန်ပြောဆိုလာခြင်းဖြစ်သည်။

“ကျနော်တို့ အမေရိကန်နိုင်ငံခြားရေးဝန်ကြီးဆီကို မြန်မာနိုင်ငံမှာ ပြည်သူတွေနဲ့ ခရစ်ယာန်ဘာသာရေး အဆောက်အအုံတွေကို နေ့ထူးနေ့မြတ်တွေမှာတောင် တိုက်ခိုက်နေတာတွေအတွက် စာရေးသားပေးပို့ခဲ့ပါတယ်။ အဲဒီမှာ အမေရိကန်နိုင်ငံခြားရေးဝန်ကြီးကိုယ်စား လက်ထောက်နိုင်ငံခြားရေးဝန်ကြီးက စာပြန်ပါတယ်။ သူရဲ့စာထဲမှာ မင်းအောင်လှိုင်နဲ့ စစ်တပ်ကို အစိုးရလို့လည်း မသုံးထားသလို အသိအမှတ်လည်း မပြုထားဘူး။ သူက မြန်မာအာဏာသိမ်းစစ်တပ် (Military Regime) လို့ပဲ သုံးနှုန်းထားတယ်။ မြန်မာ Military Regime ကို ထိရောက်တဲ့ အရေးယူမှုတွေ ဆက်လုပ်သွားမယ်ဆိုတာ အကြောင်းပြန်ထားတယ်” ဟု Burma Research Institute မှ ဥက္ကဋ္ဌ Zo Tum Hmung က ရန်ကုန်ခေတ်သစ်သတင်းဌာနသို့ ပြောဆိုသည်။

အမေရိကန်နိုင်ငံခြားရေးဝန်ကြီးဌာနထံသို့ ပေးပို့သောစာတွင် ချင်းပြည်နယ်၊ ဖလမ်းမြို့ရှိ “Christ the King” ကက်သလစ်ဘုရားကျောင်းနှင့် မင်းတပ်မြို့ရှိ နှစ်ခြင်းခရစ်ယာန်ဘုရားကျောင်းတို့ကို ၂၀၂၅ ခုနှစ်၊ ဧပြီလအတွင်း ခရစ်ယာန်ဘာသာရေးဆိုင်ရာ နေ့ထူးနေ့မြတ်အချိန်များတွင် စစ်တပ်က ဗုံးကျဲတိုက်ခိုက် သတ်ဖြတ်မှုများအပါ အဝင် နိုင်ငံတစ်ဝန်း တိုက်ခိုက်မှုများကို အသေးစိတ်ဖော်ပြခဲ့သည်။

ယင်းအပြင် မြန်မာအကြမ်းဖက်စစ်တပ်၏ လူ့အခွင့်အရေး ချိုးဖောက်မှုများနှင့် ချိုးဖောက်နေသူများကို အမေရိကန်အစိုးရက ထိထိရောက်ရောက် အရေးယူရန် အကြံပြုချက် ၁၀ ချက်ကိုလည်း ထည့်သွင်းဖော်ပြခဲ့ကြောင်း သိရှိရသည်။

“အမေရိကန်အစိုးရအနေနဲ့ လူ့အခွင့်အရေး ချိုးဖောက်ကျူးလွန်မှုတွေမှာ တာဝန်ရှိသူတွေကို ပြည်ဝင်ခွင့်ဗီဇာ ပိတ်ပင်တာနဲ့ စီးပွားရေးအရ ပိတ်ဆို့အရေးယူတာမျိုးတွေ ဆက်လုပ်သွားမှာပါ။ လူကြီးမင်းတို့ အကြံပြုချက်တစ်ခုချင်းစီကို သေချာစိစစ်ပြီး စစ်ကောင်စီက အရပ်သားတွေကို ထိခိုက်စေတဲ့ အကြမ်းဖက်မှုတွေ ရပ်တန့်လာအောင်၊ လူသားချင်းစာနာမှုဆိုင်ရာ အကူအညီတွေ အဆင်ပြေပြေ ပေးပို့နိုင်အောင်၊ နိုင်ငံရေးအကျဉ်းသားတွေ ပြန်လွှတ်ပေးအောင်နဲ့ အကျပ်အတည်းတွေကို ဖြေရှင်းဖို့ သက်ဆိုင်သူအားလုံးနဲ့ အဓိပ္ပာယ်ရှိရှိ ဆွေးနွေးလာအောင် ဘယ်လိုနည်းလမ်းတွေနဲ့ ပိုပြီး ဖိအားပေးနိုင်မလဲဆိုတာကို သေချာစဉ်းစားသွားပါ့မယ်” ဟု အမေရိကန်အစိုးရ၊ နိုင်ငံခြားရေးဝန်ကြီး ဌာန၊ လက်ထောက်နိုင်ငံခြားရေးဝန်ကြီး Michael George DeSombre က ပြောဆိုထားသည်။

အကြမ်းဖက် မင်းအောင်လှိုင်က အတုအယောင် ရွေးကောက်ပွဲကျင်းပပြီး သမ္မတ အဖြစ် ကိုယ့်ကိုကိုယ် ခန့်အပ်ပြီးနောက်၊ အမေရိကန်အစိုးရနှင့် ပြေ လည်စေရန် ဒေါ်လာသန်းချီသုံး၍ လော်ဘီ (Lobbyist) များ ငှားရမ်းခြင်းများ လုပ်ဆောင်နေချိန်တွင် အမေရိကန်အစိုးရက မြန်မာစစ်တပ်ကို ထပ်မံဒဏ်ခတ်ပိတ်ဆို့ အရေးယူမည်ဖြစ်ကြောင်း တရားဝင် ထုတ်ဖော်ပြောဆိုလာခြင်းဖြစ်သည်။

အခြားတစ်ဖက်တွင်လည်း မင်းအောင်လှိုင်နှင့် စစ်တပ်ကို အမေရိကန်အစိုးရက အစိုးရအဖြစ် အသိအမှတ်မပြုဘဲ အာဏာသိမ်းစစ်အုပ်စုအဖြစ် ဆက် လက်သုံးစွဲနေခြင်းလည်း ဖြစ်သည်။

The post ပြည်သူများအပေါ် ဗုံးကျဲသတ်ဖြတ်နေမှုများအတွက် မြန်မာစစ်တပ်ကို ထပ်မံအရေးယူမည်ဖြစ်ပြီး မင်းအောင်လှိုင်နှင့် စစ်တပ်ကို အစိုးရအဖြစ် အသိအမှတ်မပြုဘဲ အာဏာသိမ်းစစ်အုပ်စုဟု အမေရိကန်အစိုးရက ဆက်လက်သုံးစွဲ appeared first on Khit Thit Media.

ချင်းပြည်နယ်၊ ဖလမ်းမြို့နယ်နှင့် ဟားခါးမြို့နယ် အစပ်တွင် အကြမ်းဖက် စစ်တပ် စစ်ကြောင်းထိုးနေ၍ တိုက်ပွဲဖြစ်ပွားနေပြီး စစ်တပ်က ကျေးရွာများကိုလည်း ဒရုန်းဖြင့် လိုက်လံ ဗုံးကျဲနေကြောင်း ချင်းတော်လှန်ရေး ဒေသသတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။

ယနေ့ မေလ ၁၁ ရက်နေ့တွင် ဖလမ်းနှင့် ဟားခါးမြို့နယ် အစပ်ရှိ ဒုတ်ထက် (Dokthek) ရွာ အနီးတွင် အကြမ်းဖက် စစ်တပ်နှင့် ချင်းတော်လှန်ရေး တပ်ဖွဲ့များ တိုက်ပွဲဖြစ်ပွားခဲ့ကြောင်း၊ ထိုစစ်ကြောင်းသည် ယမန်နေ့က ရမ်သလို (Ramthlo) ရွာကို ရောက်ရှိခဲ့ပြီး ယနေ့တွင် ဒုတ်ထက်ရွာကို ရောက်ရှိလာခြင်းဖြစ်ကြောင်း သိရသည်။

ထို့ပြင် စစ်တပ် စစ်ကြောင်းသည် ဒုတ်ထက် (Dokthek) ရွာကိုလည်း ဒရုန်းများဖြင့် ဗုံးကျဲ တိုက်ခိုက်ခဲ့သောကြောင့် နေအိမ်များ ပျက်စီးမှုရှိပြီး ပြည်သူများ ထိခိုက်မှုရှိ၊မရှိကို အတည်ပြုနိုင်ခြင်းမရှိသေးကြောင်း သိရှိရသည်။

“စစ်ခွေး စစ်ကြောင်းနဲ့ ချင်းတော်လှန်ရေးတပ်တွေ ဒုတ်ထက် (Dokthek) ရွာ အနီးမှာ တိုက်ပွဲဖြစ်တယ်။ အဲစစ်ခွေးစစ်ကြောင်းကိုလည်း ချင်းတော်လှန်ရေးတပ်တွေက လိုက်လံ တိုက်ခိုက်နေတယ်။ ဖလမ်းနဲ့ ဟားခါးမြို့နယ် အစပ်မှာ တိုက်ပွဲတွေဖြစ်နေတယ်။ အသေးစိတ် အခြေအနေတော့ မသိသေးဘူး။ စစ်ခွေးစစ်ကြောင်းက ဟားခါးဘက်ကို ထိုးနေတာ” ဟု ချင်းတော်လှန်ရေး ဒေသသတင်းရင်းမြစ်က ပြောဆိုသည်။

ထို့ပြင် မေလ ၆ ရက်နေ့တွင် ကလေးမြို့မှ ဖလမ်းမြို့သို့ Non-CDM ဝန်ထမ်းများ ပို့ဆောင်ရန် တက်လာသည့် စစ်ယာဉ်တန်းကို Hiang Zing ကျေးရွာနှင့် ထေးဇန်ကျေးရွာအကြားတွင် CDF CDM-Siyin အဖွဲ့က ခြုံခိုတိုက်ခိုက်ခဲ့ရာ စစ်ကောင်စီ၏ တပ်မ ၇၇ မှ ဗိုလ်ကြီးအဆင့်ရှိသူ ၁ ဦး ၊ ဒုဗိုလ် (တစ်ပွင့်ဗိုလ်) အဆင့်ရှိသူ ၁ ဦးနှင့် ရဲဘော် ၃ ဦး စုစုပေါင်း ၅ ဦး ပွဲ ချင်းပြီး သေဆုံးခဲ့ပြီး လက်နက်အ ရှည် ၃ လက်နှင့် ပစ္စတို လက် ၁ လက် စုစုပေါင်း ၄ လက်ကို သိမ်းဆည်းရရှိခဲ့ကြောင်း၊ မေလ ၅ ရက်နေ့ကလည်း ကလေးမြို့ဘက်မှ စစ်ကူပေးရန် တက်လာသော စစ်ကောင်စီ တပ်ဖွဲ့ဝင်များကို ဟီယန်ဇီယန် (Hiangziang) ကျေးရွာရှိ ကော်ဖီခြံအနီးတွင် CDF CDM-Siyin တပ်ဖွဲ့က မိုင်းဆွဲတိုက်ခိုက်ခဲ့ရာ စစ်သား ၁၃ ဦး နေရာမှာပင်ပွဲချင်းပြီး သေဆုံးကာ လက်နက် ၃ လက် လည်း သိမ်းဆည်းရရှိခဲ့ကြောင်း သိရသည်။

ဓာတ်ပုံ – မေလ ၁ ရက်နေ့က ဖလမ်း-ဟားခါးလမ်းပိုင်းရှိ တလန်ရောန်ကျေးရွာဟောင်းကို အကြမ်းဖက် စစ်တပ် စစ်ကြောင်းက မီးရှို့ဖျက်ဆီးနေစဉ်

The post ဖလမ်းနှင့် ဟားခါးမြို့နယ် အစပ်တွင် စစ်တပ် စစ်ကြောင်းထိုးနေ၍ တိုက်ပွဲဖြစ်ပွားနေပြီး စစ်တပ်က ကျေးရွာများကိုလည်း ဒရုန်းဖြင့် လိုက်လံ ဗုံးကျဲ တိုက်ခိုက် appeared first on Khit Thit Media.

ရန်ကုန်နှင့်မန္တလေးတွင် ပြုလုပ်မည့် မဘသနှင့်အမျိုးသားရေးအစွန်းရောက်များ၏ ဂမ်ဘီယာနိုင်ငံ အပေါ် ရှုတ်ချပွဲကို စစ်ကော်မရှင်က ခွင့်မပြုကြောင်း ရန်ကုန်အခြေစိုက် အမျိုးသားရေးအသိုင်းအ၀ိုင်းက ပြောဆိုသည်။

ဇန်နဝါရီလ ၂၇ ရက်နေ့ ရန်ကုန်နှင့် မန္တလေးမြို့တို့တွင် မဘသနှင့်အမျိုးသားရေးအစွန်း ရောက်များက ဂမ်ဘီယာနိုင်ငံ အပေါ် ရှုတ်ချပွဲကို ပြုလုပ်ရန် စစ်ကော်မရှင်ထံသို့ ငြိမ်းစုစီ ဥပဒေအရ လျှောက်ထားခဲ့သော်လည်း စစ်တပ်က ခွင့်ပြုချက်မပေးဘဲ ပယ်ချခဲ့ကြောင်း သိရှိရသည်။

“ရန်ကုန်မှာလုပ်မယ့် ဂမ်ဘီယာနိုင်ငံ ရှုတ်ချပွဲက ပျက်သလောက်တော့ဖြစ်နေတယ်။ ခွင့်ပြုချက်မရလို့။ ထပ်တော့ကြိုးစားနေတယ်။ အနီးကပ်မှ ရမလားတော့မသိသေးဘူး” ဟု ရန်ကုန်အခြေစိုက် အမျိုးသားရေးအသိုင်းအ၀ိုင်းက ပြောဆိုသည်။

အလားတူ မန္တလေးမြို့နယ်၊ မဘသအဖွဲ့က ဂမ်ဘီယာနိုင်ငံကို ရှုတ်ချပွဲကျင်းပရန် စီစဉ်ထားသော်လည်း စစ် ကော်မရှင်ခွင့်ပြုပေးခဲ့ခြင်းမရှိသဖြင့် ဖျက်သိမ်းလိုက်ကြောင်း မဘသဆရာတော်တစ်ပါးဖြစ်သည့် ဦးကန္ဒဝိရ(လှည်းကူး)က လူမှုကွန်ရက်မှတဆင့် ထုတ်ဖော်ပြောဆိုထားသည်။

လာမည့် ဇန်နဝါရီလ ၂၇ ရက်နေ့တွင် မန္တလေးမြို့၌ မြန်မာနိုင်ငံကို လူမျိုးတုန်းသတ်ဖြတ်မှုဖြင့် ICJ တရားရုံးတွင် တရားစွဲဆိုခဲ့သည့် ဂမ်ဘီယာနိုင်ငံကို ကန့်ကွက် ရှုတ်ချကြောင်း ပွဲလုပ်ရန်စီစဉ်ထားကြောင်း၊ ထိုသို့ စီစဉ်ထားသည့် ပွဲကို စစ်ကော်မရှင်ထံ တင်ပြခဲ့ရာ ခွင့်ပြုပေးခြင်းမရှိသဖြင့် ဖျက်သိမ်းလိုက်ရခြင်း ဖြစ်ကြောင်း အသိပေးထားသည်။

‘အခုပြောချင်တာက မန္တလေးမှာ ကျင်းပမယ့် ဂမ်ဘီယာနိုင်ငံကို ရူတ်ချပွဲ စစ်တပ်က ခွင့်မပြုလို့ ဖျက် သိမ်းတဲ့အကြောင်းပါ။ ဂမ်ဘီယာနိုင်ငံကို ရူတ်ချပွဲက ဇန်နဝါရီလ ၂၇ ရက်လုပ်မယ်ဆိုပြီးတော့မှ တင်ထားကြ တာ။ အဲ့လိုမန္တလေးမှာ လုပ်မယ့်ပွဲ ကန့်ကွက်ပွဲ ပျက်ပြယ်သွားပါတယ်။ သက်ဆိုင်ရာ အစိုးရက ခွင့်မ ပြုဘူး။ သူတို့က ဦးကိုကိုလှိုင်တို့ ပြန်လာတဲ့အခါကျ ကြိုဆိုပွဲတို့ နောက်ပိုင်းမှ အောင်မြင်သွားရင်‌ အောင်ပွဲတို့ အဲ့လိုပွဲတွေကြရင်တော့ လုပ်စေချင်ကြတာပေါ့။ လောလောဆယ်မှာက ဂမ်ဘီယာ နိုင်ငံက ICJ တရားဆွဲထားတာနဲ့ ပတ်သတ်ပြီးတော့ ICJ မှာ မြန်မာနိုင်ငံက အခြေနေကောင်း တယ်လေ။ အဲ့ဒါကြောင့်မို့ မလုပ်စေချင်ဘူးလို့ ထင်တာပဲ။” ဟု မဘသ ဆရာတော် ဦးကန္ဒဝီရ (လှည်းကူး) က ပြောဆိုထားသည်။

ဂမ်ဘီယာရှုတ်ချပွဲများကို မျိုးချစ်မြန်မာရဟန်းတော်များ သမဂ္ဂ၊ အမျိုးသားရေးအဖွဲ့များက စီစဉ်ခဲ့ခြင်းဖြစ်ပြီး ဦးဆောင်သူများတွင် ဝင်းကိုကိုလတ်နှင့် သုစိတ္တတို့လည်း ပါဝင်ကြသည်။

ဇန်နဝါရီလ ၂၂ ရက်နေ့ကလည်း အကြမ်းဖက်စစ်တပ်က အပြည်ပြည်ဆိုင်ရာတရားရုံး-ICJ နှင့် တရားသူကြီးများကို ဝေဖန်ပုတ်ခြင်းမပြုရန် ဝါဒဖြန့် သတင်းစာများမှတစ်ဆင့် အမိန့်တစ်ရပ်ထုတ်ပြန်ခဲ့သည်။

ICJ ကြားနာပွဲတွင် မြန်မာနိုင်ငံကိုယ်စား သွားရောက်ဖြေရှင်းနေသည့် ကိုကိုလှိုင်ဦးဆောင်သော Agent of Myanmar အဖွဲ့ကို မြေပြင်ထောက်ခံပွဲများပြုလုပ်ရာတွင် တရားရင်ဆိုင်ဆဲကာလဖြစ်၍ ICJ တရားရုံးနှင့် တရားသူကြီးများအား ဝေဖန်ပုပ်ခတ်ခြင်း၊ ဖိအားပေးသည့်သဘော ရေးသားပြောဆိုခြင်းများ လုံးဝမပြုလုပ်ကြပါရန်၊လူမျိုးရေးခွဲခြားသည့် အသုံးအနှုံးများ ရေးသားပြောဆိုခြင်း၊ လက်ကိုင်ဆိုင်းဘုတ် ပြုလုပ်ခြင်းများမပြုလုပ်ကြရန် ၊တိုင်းရင်းသား အမျိုးအမည်တွင် မပါဝင်သည့်၊ တိုင်းရင်းသားအဖြစ် မသတ်မှတ်ထားသည့် လူမျိုးအမည်အားသုံးစွဲပြီး ထိုအမည်အား အမုန်းစကား (Hate Speech) များ မပြုလုပ်ကြရန် စစ်တပ်က ညွှန်ကြားခဲ့ခြင်းဖြစ်သည်။

ထောက်ခံပွဲများတွင် Agent of Myanmar အဖွဲ့အနေဖြင့် နိုင်ငံတကာဥပဒေများနှင့်အညီ သက်သေအထောက်အထား ခိုင်လုံစွာဖြင့် တရားရုံးတွင် ရင်ဆိုင်ဖြေရှင်းနေကြောင်းကိုသာ ထောက်ခံရေးသားပြောဆိုကြပါရန် စစ်တပ်က ညွှန်ကြားထားသည်။​

အပြည်ပြည်ဆိုင်ရာ တရားရုံး -ICJ တွင် မြန်မာနိုင်ငံက လူမျိုးပြုန်းစေမှု ကာကွယ်ရေးဆိုင်ရာ စာချုပ်ပါ တာဝန်တ္တရာများအရ ရိုဟင်ဂျာများကို ကျူးလွန်ခဲ့သည့် လူမျိုးတုန်း သတ်ဖြတ်သည့် လုပ်ရပ်များကို တားဆီး ရန်နှင့် အပြစ်ပေးရန် ပျက်ကွက်ခဲ့သည်ဟုဆိုကာ ဂမ်ဘီယာနိုင်ငံက တရားစွဲဆိုထားရာ ယင်းအမှုနှင့်ပတ် သက်၍ ယခုဇန်နဝါရီလအတွင်း နှစ်ဖက် ကြားနာ စစ်ဆေးမှုများ ICJ က ပြုလုပ်လျက်ရှိကြောင်း သိရှိရသည်။

The post ရန်ကုန်နှင့်မန္တလေးတွင် ပြုလုပ်မည့် မဘသနှင့်အမျိုးသားရေးအစွန်းရောက်များ၏ ဂမ်ဘီယာနိုင်ငံ အပေါ် ရှုတ်ချပွဲကို စစ်ကော်မရှင်က ခွင့်မပြု၊ ICJ တရားရုံးကို မထီမဲ့မြင်ပြုရာ ရောက်နိုင်သည်ဆိုသော အကြောင်းပြချက်ပေး appeared first on Khit Thit Media.

စစ်ကိုင်းတိုင်း၊ ဝက်လက်မြို့နယ်အတွင်း စစ်ကြောင်းထိုးနေသော အကြမ်းဖက် စစ်တပ်က ကျေးရွာများကို ၂ ရက်ဆက် မီးရှို့နေပြီး စစ်ရှောင်ပြည်သူများကို ဒရုန်းဖြင့် လိုက်လံ ဗုံးကျဲနေကြောင်း Wetlet Informational Network တာဝန်ခံ ကိုမုန်တိုင်းက ရန်ကုန်ခေတ်သစ်သတင်းဌာနထံသို့ ပြောဆိုသည်။

ယနေ့ ဇန်ဝါရီလ ၂၁ ရက်နေ့ မွန်းလွဲ ၂ နာရီကျော်ခန့်တွင် ဝက်လက်မြို့နယ် အရှေ့မြောက်ခြမ်း ထုံးဘိုရွာနှင့် ရှားကွဲရွာတို့ကို ရောက်ရှိနေသော အကြမ်းဖက် စစ်တပ် စစ်ကြောင်းသည် သန်းကုန်းတောတိုက် အတွင်းရှိ ပြည်သူပိုင်နေအိမ်များကို မီးရှို့ဖျက်စီးခဲ့ခြင်းဖြစ်ကြောင်း၊ အကြမ်းဖက် စစ်တပ်၏ မီးရှို့ဖျက်ဆီးမှုအတွင်း နေအိမ်ပျက်စီးမှု အရေအတွက်ကို အတည်ပြုနိုင်ခြင်းမရှိသေးဘဲ စစ်ရှောင်ပြည်သူများသည် ဘေးလွတ်ရာထွက်ပြေးတိမ်းရှောင်နေရကြောင်း သိရသည်။

အလားတူ ဇန်နဝါရီလ ၂၀ ရက်နေ့ကလည်း ဝက်လက်မြို့နယ် အရှေ့ခြမ်းမြောက်ခြမ်းရှိ ထုံးဘိုရွာနှင့် ရှားကွဲရွာတို့ကို ရောက်ရှိနေသော အကြမ်းဖက် စစ်တပ် စစ်ကြောင်းသည် ရွာသစ်ရွာကို ဝင်ရောက်စီးနင်း၍ ပြည်သူပိုင် နေအိမ်များကို ၂ ကြိမ် မီးရှို့ဖျက်ဆီးခဲ့ကြောင်းသိရှိရသည်။

ထို့ပြင် ယနေ့ ညနေပိုင်းတွင်လည်း ဝက်လက်မြို့နယ် အရှေ့ခြမ်း ကမ်းဖြူရွာနှင့် မှော်ဦးရွာဘက်တွင် ရောက်ရှိ‌နေသော အကြမ်းဖက် စစ်တပ် စစ်ကြောင်းသည် စစ်ဘေးရှောင်ပြည်သူများ ရှိရာနေရာများကို ဒရုန်းဖြင့် လိုက်လံ ဗုံးကျဲ တိုက်နေကြောင်း၊ အကြမ်းဖက် စစ်တပ်၏ ဗုံးကျဲ တိုက်ခိုက်မှုအတွင်း ပြည်သူများ ထိခိုက်မှုအခြေအနေကို အတည်ပြုနိုင်ခြင်းမရှိသေးဘဲ စစ်တပ် ဒရုန်းများသည် လက်ရှိချိန်ထိ ပျံဝဲနေဆဲဖြစ်ကြောင်း သိရသည်။

လက်ရှိချိန်တွင် အကြမ်းဖက် စစ်တပ် စစ်ကြောင်းကြောင့် ငါးရယ် ၊ရှိမ်းမကား ၊ရှိမ်းမကားရွာသစ် ၊အင်ဒေါင်း ၊ မင်းရွာတောင် ၊ရွာသာ ၊ ကမ်းဖြူ ၊ မှော်ဦး ၊ ရေလည်မော် ၊သက်ရက်ပင် ၊ ငါးပတ်ချောင်း ၊ ဂူကြီး ၊ သစ်ဆိပ့် ၊ လှေပို့ဆိပ် ၊ ရွာသစ် ၊ ရေဂမိုး ၊ ရှားကွဲ နှင့် ထုံးဘို ကျေးရွာတို့မှ ထောင်နှင့်ချီသော ပြည်သူများသည် ဘေးလွတ်ရာ ထွက်ပြေးတိမ်းရှောင်နေရကြောင်း သိရှိရသည်။

“စစ်ခွေး စစ်ကြောင်းကတော့‌ ပြည်သူပိုင်နေအိမ်တွေကို ၂ ရက်ဆက်ကို မီးရှို့ဖျက်ဆီးသွားတာ ပြည်သူတွေလည်း ဘေးလွတ်ရာကို အကုန်ရှောင်နေရတယ်။ စစ်ရှောင်ပြည်သူတွေကိုလည်း စစ်ခွေးတွေက ဒရုန်းတွေနဲ့ ဒီနေ့ ညနေပိုင်းကနေစပြီး ဗုံးကျဲနေတာ ပြည်သူတွေ ထိခိုက်မှု အခြေအနေကိုတော့ မသိရသေးဘူး။ အခုထိ ဒရုန်းတွေပျံဝဲနေတုန်းပဲ” ဟု Wetlet Informational Network တာဝန်ခံ ကိုမုန်တိုင်းက ပြောဆိုသည်။

ထို့ပြင် စစ်ကိုင်းတိုင်း၊ ဆားလင်းကြီးမြို့နယ်တွင်လည်း အကြမ်းဖက် စစ်တပ် စစ်ကြောင်းက ကျေးရွာများကို ဝင်ရောက်စီးနင်းနေကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ယနေ့ ဇန်နဝါရီလ ၂၁ ရက်နေ့ ဝမ်ပေါင်ကုမ္ပဏီမှ ထွက်လာသော အကြမ်းဖက် စစ်တပ် စစ်ကြောင်းသည် ဖောင်းကားရွာ အနောက်ဘက်ကို စစ်ကြောင်းထိုးဝင်ရောက်လာခြင်းဖြစ်ကြောင်း၊ ယင်းစစ်ကြောင်းကြောင့် လက်ရှိချိန်တွင် ဖောင်းကားရွာ၊ မိုးကြိုးပြင်ရွာနှင့် ဝါးတန်းရွာ တို့မှ ပြည်သူများသည် ဘေးလွတ်ရာထွက်ပြေးတိမ်းရှောင်နေရကြောင်း သိရသည်။

“ဒီနေ့ညနေ ဝမ်ပေါင်ထဲကနေ ထွက်လာတဲ့ စစ်ခွေးတွေ အနောက်ဘက်ကို ဦးတည်ပြီး စစ်ကြောင်းထိုးနေတယ်။ သူတို့ရဲ့ ဟန်ပြရွေးကောက်ပွဲ အတွက်လို့ ထင်တယ်။ အဲစစ်ခွေး စစ်ကြောင်းကြောင့် ဖောင်းကားရွာ၊ မိုးကြိုးပြင်ရွာနဲ့ ဝါးတန်းရွာက ပြည်သူတွေ ဘေးလွတ်ရာတိမ်းရှောင်နေရတယ်။ စစ်ခွေး စစ်ကြောင်းက သယ်ပင်ကံရွာ ထိထိုးမယ်ကြားထားတယ်။ အခု ခွေးစစ်ကြောင်းက ဖောင်းကားရွာ အနောက်ဘက်နားထိရောက်နေတယ်ကြားတယ်” ဟု ဒေသပြည်သူ တစ်ဦးက ပြောဆိုသည်။

ဓာတ်ပုံ – နွားထိုးကြီးမြို့နယ် အတွင်းရှိ ကျေးရွာတစ်ရွာကို စစ်တပ်က ညအချိန် လေကြောင်း ဗုံးကျဲ တိုက်ခိုက်ခြင်းကြောင့် နေအိမ်များ မီးလောင်နေစဉ် (ပုံအဟောင်းဖြစ်သည်)

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar

The post ဝက်လက်တွင် စစ်ကြောင်းထိုးနေသော စစ်တပ်က ကျေးရွာများကို ၂ ရက်ဆက်မီးရှို့နေပြီး စစ်ရှောင်ပြည်သူများကို ဒရုန်းဖြင့် လိုက်လံ ဗုံးကျဲနေ၊ ဆားလင်းကြီးတွင်လည်း စစ်တပ်က ကျေးရွာများကို စစ်ကြောင်းထိုး စီးနင်း appeared first on Khit Thit Media.

မေမြို့တွင် မေမြို့ပင်မ အထွေထွေသပိတ်အင်အားစုက ဒေါ်အောင်ဆန်းစုကြည် အသက် ၈၀ ပြည့်နှစ်မွေးနေ့အကြို လှုပ်ရှားမှုအဖြစ် “ဒေါ်အောင်ဆန်းစုကြည်နဲ့တကွ တပြည်လုံးလွတ်မြောက်ရေးအတွက် ဆက်ရုန်းကြ”စာသားဖြင့် လူထုလှုပ်ရှားမှု ပြုလုပ်ခဲ့ကြောင်း သိရှိရသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar

The post မေမြို့တွင် ဒေါ်အောင်ဆန်းစုကြည် အသက် ၈၀ ပြည့်နှစ်မွေးနေ့အကြို လှုပ်ရှားမှုပြုလုပ် appeared first on Khit Thit Media.

အကြမ်းဖက် စစ်ကောင်စီက အပစ်ရပ်ကြေညာထားသော်လည်း နောင်ချိုမြို့နယ်ကို အဆက်မပြတ် ထိုးစစ်ဆင်နေသည့်အပြင် စစ်ကူအင်အား ဖြည့်တင်းခြင်း၊ စစ်ရေးတင်းမာနေဆဲဖြစ်ကြောင်း TNLA ပြောရေးဆိုခွင့်ရှိသူ ပြန်ကြားရေးတာဝန်ခံ လွေးယေဦးက ယနေ့ သတင်းစာရှင်းလင်းပွဲတွင် ထုတ်ဖော်ပြောဆိုသည်။

လက်ရှိ ဇွန်လအတွင်း စစ်ကောင်စီက အပစ်အခတ်ရပ်စဲရေး ကြေညာထားပြီး TNLA အပါအဝင် မြောက်ပိုင်းညီနောင်မဟာမိတ် ၃ ဖွဲ့ကလည်း အပစ်ရပ်ထားကြောင်း၊ သို့ရာတွင် စစ်ကောင်စီက ရပ်စောက်ဘက်မှတစ်ဆင့် စစ်ကူအင်အားများဖြည့်တင်ခြင်း၊ လက်နက်ခဲယမ်းဖြည့်တင်းခြင်း၊ ထိုးစစ်ဆင်ခြင်းနှင့် လေကြောင်းတိုက်ခိုက်မှုများကို လုပ်ဆောင်နေကြောင်း၊ နောင်ချိုမြို့နယ်၊ တောင်ခမ်းဒေသတွင် နေ့စဉ် (သို့မဟုတ်) တစ်ရက်ခြား၍ တိုက်ပွဲများဖြစ်ပွားနေကြောင်း ၎င်းက ဆိုသည်။

“စစ်ရေးကတော့ သူတို့က ရှေ့တိုးလာတာရှိတယ်။ ကျမတို့ကလည်း ပြန်လည်ပြီးတော့ ခုခံတိုက်ခိုက်တာရှိပါတယ်။ စစ်ရေးက တင်းမာနေဆဲဖြစ်ပါတယ်။ ကျမတို့အနေနဲ့ စစ်ဗျူဟာအတိုင်းပဲ ဆောင်ရွက်နေပါတယ်” ဟု လွေးယေဦးက ရှင်းပြသည်။

ထို့ပြင် လက်ရှိအချိန်အထိ တရုတ်၏ ဖိအားကလည်း ပြင်းပြင်းထန်ထန်ရှိနေဆဲဖြစ်ကြောင်း၊ TNLA အနေဖြင့် တရုတ်ဖိအားကို ပြန်လည် ဖြေရှင်းနိုင်ရေး နည်းလမ်းရှာနေကြောင်း၊ စစ်ကောင်စီက ကျင်းပရန် ရှိနေသည့် ရွေးကောက်ပွဲနှင့်ပတ်သက်၍ TNLA က သဘောထားမှတ်ချက် မပေးလိုကြောင်း၊ TNLA အနေဖြင့် ပြည်သူလုထုဘက်မှ ရပ်တည်၍ စစ်အာဏာရှင် ဆန့်ကျင်တိုက်ဖျက်ရေး ဆက်လက်ဆောင်ရွက်သွားမည်ဖြစ်ကြောင်း TNLA က ထုတ်ပြန်​ကြေညာသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar

The post စစ်ကောင်စီက အပစ်ရပ်ကြေညာထားသော်လည်း နောင်ချိုမြို့နယ်ကို အဆက် မပြတ် ထိုးစစ်ဆင်နေသဖြင့် စစ်ရေးတင်းမာနေဆဲဟု TNLA ပြော၊ တရုတ်နိုင်ငံ၏ ဖိအားကလည်း ပြင်းထန်နေဆဲ appeared first on Khit Thit Media.

ရန်ကုန်၊ ဖေဖော်ဝါရီ ၂၂

မန္တလေးမြို့တွင် အတင်းအဓမ္မ တပ်သားသစ် အဖြစ် စုဆောင်းခံရသူ ၁ ဦး ခဲယမ်းများ ယူဆောင်လာ၍ အလင်းဝင်ရောက်ခဲ့ကြောင်း စလင်းမြို့နယ် ပြည်သူ့ကာကွယ်ရေးအဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဖေဖော်ဝါရီလ ၁၉ ရက်နေ့တွင် မန္တလေးမြို့တွင် အတင်းအဓမ္မ စစ်မှုထမ်း တပ်သားသစ်စုဆောင်းခံရပြီး စလင်းမြို့နယ် အခြေစိုက် ခလရ-၂၅၃ သို့ တာဝန်ကျကာ တာဝန်ထမ်းဆောင်နေသော တပ်သားသစ် ၁ ဦးသည် ခဲယမ်းများ ယူဆောင်ပြီး စလင်း ပကဖ ထံ အလင်းဝင်ရောက်ခဲ့ကြောင်း သိရသည်။

အဆိုပါ အလင်းဝင်လာသော စစ်မှုထမ်း တပ်သားသစ် ၁ ဦးကို စလင်းမြို့နယ် ပကဖ ကောင်းမွန်စွာ စောင့်ရှာက်ထားကြောင်း၊ ကျန်ရှိနေပါသော စစ်တပ်သားနှင့် ရဲတပ်သားများအနေဖြင့်လည်း အလင်းဝင်ရောက်လိုပါက ချိတ်ဆက်နိုင်ပြီး လက်နက်ခဲယမ်းပါရှိပါက ထိုက်တန်သော ဆုကြေးငွေများကိုလည်း ချီးမြှင့်သွားမည်ဖြစ်ကြောင်း သိရှိရသည်။

“အဓိကတော့ ကျန်ရှိနေသေးတဲ့ စစ်တပ် တပ်ဖွဲ့ဝင်တွေနဲ့ ရဲတပ်သားများအနေနဲ့ မိမိတို့အခြေအနေကို စောစီးစွာသိရှိပြီး လက်နက်ခဲယမ်းများယူဆောင်ပြီး ထိုက်သင့်တဲ့ဆုကြေးများအမြန်ဆုံးလာယူပြီး အလင်းဝင်ရောက်ချိတ်ဆက်ဖို့ တိုက်တွန်းချင်ပါတယ်” ဟု စလင်းမြို့နယ် ပြည်သူ့ကာကွယ်ရေးအဖွဲ့မှ တာဝန်ရှိသူ တစ်ဦးက ပြောဆိုသည်။

အလားတူ ကရင်နီပြည်နယ်တွင်လည်း မန္တလေးတိုင်း ကျောက်ဆည်မြို့နယ်နှင့် ပဲခူးတိုင်း သုံးဆယ်မြို့ တို့မှ စစ်မှုထမ်း တပ်သားသစ် ၂ ဦး အလင်းဝင်ရောက်ခဲ့ကြောင်း Karenni Army BA-5 မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဖေဖော်ဝါရီလ ၂၁ ရက်နေ့ ညပိုင်းတွင် ဘောလခဲမှ ဖားဆောင်း ဘက်ကို ထိုးစစ်ဆင်လာသည့် စစ်ကြောင်းတွင် လိုက်ပါလာသော မန္တလေးတိုင်း ကျောက်ဆည်မြို့နယ်နှင့် ပဲခူးတိုင်း သုံးဆယ်မြို့ တို့မှ စစ်မှုထမ်း တပ်သားသစ် ၂ ဦး Karenni Army BA-5 ထံ အလင်းဝင်ရောက်လာခြင်း ဖြစ်ကြောင်း သိရှိရသည်။

အဆိုပါ အလင်းဝင်လာသူ ၂ ဦးသည် လက်နက်များ ယူဆောင်လာခြင်းမရှိသော်လည်း လက်ပစ်ဗုံး ၂ လုံး ယူဆောင်လာကြောင်း၊ ၎င်းတို့ ၂ ဦးသည် အပတ်စဉ် ထမ်း အပတ်စဉ် ၄ မှဖြစ်ပြီး ဟိုပုံးမြို့နှင့် ရမည်းသင်းမြို့တို့တွင် စစ်သင်တန်း တက်ရောက်ပြီးနောက် ကရင်နီပြည်နယ်ကို ရောက်ရှိလာခြင်းဖြစ်ကြောင်း သိရသည်။

“အလင်းဝင်လာတဲ့ အဖွဲ့က သေနတ်တော့ မပါဘူးဘူး။ လက်နက်ပစ်ဗုံး ၂ လုံးနဲ့ပဲ ရောက်လာပါတယ်။ မနေ့ညက ရောက်လာတယ်။ ဘောလခဲကနေ ဖားဆောင်းကို ထိုးစစ်ဆင်လာတဲ့ စစ်ကြောင်းရဲ့ လမ်းပိုင်း တစ်နေရာကနေပြီးတော့ ထွက်ပြေးလာတာပေါ့။ မန္တလေး၊ ကျောက်ဆည်မြို့နယ်ထဲက ၁ ဦးနဲ့ ပဲခူးတိုင်း သာယာဝတီမြို့နယ် သုံးဆယ်မြို့ ထဲက ၁ ဦးနဲ့ပါ။ သူတို့က စစ်မှုထမ်း အပတ်စဉ် ၄ က တပ်သား သစ်တွေပါ။ သူတို့ သင်တန်းပြီးတော့ လွိုင်ကော်ရောက်လာတယ်။ လွိုင်ကော်ကနေပြီးတော့ ဘောလခဲကို ရောက်လာတယ်။ ဘောလခဲမှာ တစ်လလောက် ကြာတယ်ပြောတယ်။ ဘောလခဲကနေ ဖားဆောင်းကို ထွက်လာမယ့် ထိုးစစ်ဆင်မယ့် စစ်ကြောင်းမှာသူတို့ပါလာတာတော့ ပြီးတော့ သူတို့က တစ်ဦးက အပတ်စဉ် ၄ ဟိုပုံးမြို့က နောက် ၁ ဦးက ရမည်းသင်း တို့မှာ စစ်သင်တန်း တက်ခဲ့တာလို့ ပြောတယ်” ဟု Karenni Army BA-5 မှ တာဝန်ရှိသူ တစ်ဦးက ပြောဆိုသည်။

The post မန္တလေး၊ ကျောက်ဆည်နှင့် သုံးဆယ် မြို့တို့မှ အတင်းအဓမ္မ စစ်မှုထမ်း တပ်သားသစ် စုဆောင်းခံရသူ ၃ ဦး တော်လှန်ရေး တပ်ဖွဲ့များထံ အလင်းဝင် appeared first on Khit Thit Media.

ရန်ကုန်၊ ဖေဖော်ဝါရီ ၉

ယင်းမာပင်မြို့နယ်တွင် အောင်လံလွှင့်မည် ဒေါင်းသွေးနီ သပိတ် စစ်ကြောင်းသည် ဖေဖော်ဝါရီလ ၉ ရက်နေ့တွင် စစ်အာဏာရှင် တော်လှန်ရေး ချီတက်ဆန္ဒပြ ထုတ်ဖော်ခဲ့ကြကြောင်းသိရှိရသည်

The post ယင်းမာပင်မြို့နယ်တွင် အောင်လံလွှင့်မည် ဒေါင်းသွေးနီ သပိတ်စစ်ကြောင်းက စစ်အာဏာရှင် တော်လှန်ရေး ချီတက် ဆန္ဒပြ appeared first on Khit Thit Media.

ရန်ကုန်၊ ဇန်နဝါရီ ၂၄

မကွေးတိုင်း၊ မြိုင်မြို့ စက်မှု ၂ တွင် ရိက္ခာပို့ စစ်တပ် စစ်ကြောင်း ရောက်ရှိနေစဉ် ရော့ကတ် ၁၉ လုံးဖြင့် ပစ်ခတ် တိုက်ခိုက်ရာ အကြမ်းဖက် စစ်ကောင်စီ တပ်သား ၄ ဦးသေဆုံးခဲ့ကြောင်း ဘာမထီ လက်နက်ကြီးပြောက်ကျားတပ်ဖွဲ့ မြိုင် မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဇန်နဝါရီလ ၂၃ ရက်နေ့တွင် မြိုင်မြို့မှ စက်မှု ၂ ကို ရိက္ခာကား ၁၂ စီးနှင့် စစ်ကောင်စီ တပ်သားများ ရောက်ရှိနေစဉ် တော်လှန်ရေး တပ်ဖွဲ့များက ညနေ ၄ နာရီ ၃၀ မိနစ်ခန့်တွင် ရော့ကတ် ၁၄ လုံးနှင့် ည ၁၁ နာရီ ၃၀ မိနစ်ခန့်တွင် ရော့ကတ် ၅ လုံးဖြင့် ပစ်ခတ် တိုက်ခိုက်ခဲ့ကြောင်း သိရသည်။

ယင်း တိုက်ခိုက်မှု အတွင်း အကြမ်းဖက် စစ်ကောင်စီ တပ်သား ၅ ဦး ထိခိုက် ဒဏ်ရာ ရရှိခဲ့ပြီး ၄ ဦး သေဆုံးကာ ၁ ဦး အနည်းငယ် ဒဏ်ရာရရှိခဲ့ကြောင်း၊ အကြမ်းဖက် စစ်တပ် ဘက်မှလည်း လက်နက်ငယ်များ ၆၀ မမနှင့် ၇၉ မမ လက်နက်ကြီးများဖြင့် ပြန်လည် ပစ်ခတ်ခဲ့သော်လည်း တော်လှန်ရေး ရဲဘော်များ အထိအခိုက်မရှိ ဆုတ်ခွာနိုင်ခဲ့ကြောင်း သိရှိရသည်။

” စစ်ခွေး ၄ ကောင်က ထိခိုက်ဒဏ်ရာပြင်းထန်ပြီး သေဆုံးနိုင်ပါတယ်။ ၁ ကောင်ကတော့ ထိခိုက်ဒဏ်ရာ မပြင်းထန်ဘူးလို့ သိရတယ်။ စစ်ခွေးတွေကလည်း လက်နက်ကြီး၊ လက်နက်ငယ်တွေနဲ့ ပြန်ပစ်တာရှိပါတယ်။ ကျနော်တို့ ရဲဘော်တွေ အထိအခိုက်မရှိ ဆုတ်ခွာနိုင်ခဲ့တယ်” ဟု ဘာမထီ လက်နက်ကြီးပြောက်ကျားတပ်ဖွဲ့ မြိုင် မှ တာဝန်ရှိသူ တစ်ဦးက ပြောဆိုသည်။

အဆိုပါ တိုက်ခိုက်မှုကို ဘာမထီ လက်နက်ကြီးပြောက်ကျားတပ်ဖွဲ့ မြိုင်နှင့် ဇာမဏီ အဖွဲ့တို့က ပူးပေါင်း လုပ်ဆောင်ခဲ့ခြင်းဖြစ်ပြီး အလားတူ ယင်း စစ်ကြောင်းနှင့် ယာဥ်တန်း မြိုင်မြို့ပေါ်ရှိလာစဉ် ဇန်နဝါရီလ ၁၂ ရက်နှင့် ၁၇ ရက်နေ့တို့တွင်လည်း ဘာမထီ လက်နက်ကြီးပြောက်ကျားတပ်ဖွဲ့ မြိုင် သွားရောက် တိုက်ခိုက်ခဲ့ပြီး ယင်းတိုက်ခိုက်မှုများအတွင်း အကြမ်းဖက် စစ်ကောင်စီ တပ်သားများ ထိခိုက်သေဆုံးမှု အခြေအနေကို အတည်ပြုနိုင်ခြင်းမရှိသေးကြောင်း တပ်ဖွဲ့ တာဝန်ရှိသူက ဆက်လက်ပြောဆိုသည်။

The post မြိုင်မြို့ စက်မှု ၂ တွင် ရိက္ခာပို့ စစ်တပ် စစ်ကြောင်း ရောက်ရှိနေစဉ် ရော့ကတ် ၁၉ လုံးဖြင့် ပစ်ခတ် တိုက်ခိုက်မှု စစ်ကောင်စီ တပ်သား ၄ ဦးသေဆုံး appeared first on Khit Thit Media.

ဒီကနေ့ နိုဝင်ဘာ ၁၄ ရက် ညနေပိုင်း တင်ဆက်ပေးမယ့် သတင်းတွေကတော့

• ပြည်ပရောက် မြန်မာအလုပ်သမားတွေကို မြန်မာပြည်ပြန်လာပြီး စစ်မှုထမ်းဖို့အတွက် အေဂျင်စီတွေက တာ၀န်ယူ ခေါ်ဆောင်ပေးရတော့မှာဖြစ်ပြီး ၊ အဲ့ဒီ့လို မခေါ်ပေးနိုင်ရင် အဲဒီအေဂျင်စီတွေကို အမည်ပျက် စာရင်း သွင်းမယ့်အပြင် လိုင်စင်ပါ ပိတ်သိမ်းအရေးယူမယ်ဆိုပြီး စစ်ကောင်စီက တရားဝင် အကြောင်း ကြား လာတယ်လို့ ပြည်ပအလုပ်အကိုင်အေဂျင်စီအသင်းဆီကနေ သိရပါတယ်။
  
• စစ်ကိုင်းတိုင်းက ပုလဲမြို့သိမ်းတိုက်ပွဲမှာ AA တပ်ရင်းတွေ ပါဝင်တယ်ဆိုတဲ့ သတင်းအမှားတွေနဲ့ ကောလာဟလ ဖြန့်ချိနေမှုတွေက ပုလဲမြို့ခံ ပြည်သူတွေကို အန္တရာယ်တွင်းထဲ တွန်းပို့နေတာဖြစ် တယ်လို့ BNRA တပ်ဖွဲ့ရဲ့ ပြန်ကြားရေး တာဝန်ခံ ရဲဘော်မင်းရန်ဟန်က ရန်ကုန်ခေတ်သစ်ကို ပြောပါတယ်။
  
• ရန်ကုန်နဲ့ မန္တလေးမြို့တွေမှာ စစ်မှုထမ်း အပတ်စဉ် ၇ အတွက် လူငယ်အရေအတွက် ရာနဲ့ချီ စစ်ကောင်စီက တောင်းနေတဲ့အပြင် ၊ လိုအပ်ချက်မပြည့်လို့ဆိုပြီး ပေါ်တာဆွဲ ဖမ်းဆီးမှုတွေလည်း ဆက်တိုက်ဖြစ်ပွားနေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar

The post Khit Thit သတင်းဌာန၏ နိုဝင်ဘာ ၁၄ ရက် ညနေပိုင်း ရုပ်သံသတင်းအစီအစဉ် appeared first on Khit Thit Media.