တနင်္သာရီတိုင်း၊ သရက်ချောင်းမြို့နယ်တွင် အကြမ်းဖက် စစ်တပ်က ကျေးရွာများကို လေယာဉ်ဖြင့် ဗုံးကျဲ တိုက်ခိုက်ခြင်းကြောင့် ပြည်သူ ၂ ဦး ထိခိုက်ဒဏ်ရာရရှိခဲ့ကြောင်း သရက်ချောင်းမြို့နယ် ကူညီကယ်ဆယ်ရေးအဖွဲ့ ထုတ်ပြန်ချက်နှင့် ဒေသပြည်သူများ ပြောဆိုချက်အရ သိရသည်။

ယနေ့ မတ်လ ၂၉ ရက်နေ့ နံနက်ပိုင်းတွင် သရက်ချောင်းမြို့နယ်၊ စုံစင်ရွာကို အကြမ်းဖက် စစ်တပ်က Y-12 လေယာဉ်ဖြင့် ၁၂၀ မမ ဗုံးများ ကျဲချ တိုက်ခိုက်ခဲ့ကြောင်း၊ ထို တိုက်ခိုက်မှုအတွင်း စုံစင်ရွာအတွင်းကို ဗုံးများ ကျရောက် ပေါက်ကွဲ၍ ပြည်သူများ ထိခိုက်ဒဏ်ရာရရှိခဲ့ကြောင်း သိရသည်။

အကြမ်းဖက် စစ်တပ်၏ တိုက်ခိုက်မှုကြောင့် စုံစင်ရွာမှ ပြည်သူ အမျိုးသမီး ၂ ဦး ထိခိုက်ဒဏ်ရာရရှိကာ ဆိုင်ကယ် ၁ စီးလည်း မီးလောင် ပျက်စီးခဲ့ပြီး နေအိမ်များလည်း ဗုံးစထိမှန်ပျက်စီးခဲ့ကြောင်း သိရှိရသည်။

“သရက်ချောင်းနယ်ထဲမှာ စစ်ခွေးတွေက ဗုံးကျဲနေတာ နေ့တိုင်းနီးပါးကို ကျဲနေတာပါ။ ပြည်သူတွေ အကုန်လုံးလည်း အခုထိကို ရှောင်နေရတုန်းပဲ မြေပြင် တိုက်ပွဲတွေကလည်းရှိတော့ ပြည်သူတွေ နေရပ်မပြန်နိုင်သေးပါဘူး” ဟု ဒေသပြည်သူတစ်ဦးက ပြောဆိုသည်။

ထိုသို့ အကြမ်းဖက် စစ်တပ်က ကျေးရွာများလေကြောင်းဖြင့် ဆက်တိုက်ဗုံးကျဲ တိုက်ခိုက်ခြင်းကြောင့် ဂုံညင်းဆိပ်ကျေးရွာမှ ပြည်သူများ အပါအဝင် အနီးအနားရှိ ကျေးရွာ ၁၅ ခုကျော်မှ ထောင်နှင့်ချီသော ပြည်သူများသည်လည်း လက်ရှိချိန်ထိ တိမ်းရှောင်နေရကာ စားနပ်ရိက္ခာများ လိုအပ်လျက်ရှိကြောင်း၊ ထို့ပြင် စစ်တပ်၏ ဗုံးကျဲ တိုက်ခိုက်မှုအတွင်း ဒဏ်ရာရရှိခဲ့သော ပြည်သူများအတွက် ဆေးဝါးများလည်း လိုအပ်နေကြောင်း သိရသည်။

အလားတူ စစ်ကိုင်းတိုင်း၊ မြောင်မြို့နယ်တွင်လည်း စစ်တပ် ပစ်ခတ်သော လက်နက်ကြီးထိမှန်၍ ပြည်သူ ၄ ဦး ထိခိုက်ဒဏ်ရာရရှိခဲ့ကြောင်း မြောင်မြို့နယ် TGR သတင်းမှန် ပြန်ကြားရေးအဖွဲ့က ထုတ်ပြန်ထားသည်။

ယနေ့ မတ်လ ၂၉ ရက်နေ့ မွန်းလွဲ ၂ နာရီခန့်တွင် မြောင်မြို့ပေါ်၌ တပ်စွဲထားသော အကြမ်းဖက် စစ်တပ်က အနီးအနားရှိ ကျေးရွာများကို လက်နက်ကြီးများဖြင့် ပစ်ခတ် တိုက်ခိုက်ခဲ့ကြောင်း၊ ထိုခိုက်မှုအတွင်း ပြည်သူ ၄ ဦး ထိခိုက်ဒဏ်ရာရရှိခဲ့ခြင်းဖြစ်ကြောင်း သိရသည်။

The post သရက်ချောင်းနှင့် မြောင်မြို့နယ်ရှိ ကျေးရွာများကို စစ်တပ်က လေယာဉ်၊ လက်နက်ကြီးများဖြင့် တိုက်ခိုက်မှု ပြည်သူ ၆ ဦး ထိခိုက်ဒဏ်ရာရ appeared first on Khit Thit Media.

အကြမ်းဖက်စစ်ကောင်စီက ပြုလုပ်သည့် အတုအယောင်ရွေးကောက်ပွဲမှ ထွက်ပေါ်လာသော မည်သည့်လွှတ်တော်နှင့် အစိုးရကိုမျှ လက်ခံမည်မဟုတ်ဘဲ နွေဦးတော်လှန်ရေး အောင်ပန်းဆင်နိုင်ရေးအတွက် စစ်ရေးနှင့် နိုင်ငံရေးကို ဟန်ချက်ညီညီ ဖော်ဆောင်သွားကြရန် စစ်ကိုင်းဒေသသပိတ်အင် အားစုက တိုက်တွန်းနှိုးဆော်လိုက်သည်။

မတ်လ ၂၁ ရက်နေ့နှင့် မတ်လ ၂၂ ရက်နေ့တို့တွင် ကျင်းပခဲ့သည့် စစ်ကိုင်းတိုင်းဒေသ သပိတ်အင်အားစု၏ ဒုတိယအကြိမ် ညီလာခံတွင် အဖွဲ့ဝင်အဖွဲ့အစည်း ၂၉ ဖွဲ့မှ ကိုယ်စားလှယ် ၅၆ ဦး တက်ရောက်ခဲ့ပြီး အနာဂတ်တော်လှန်ရေး အရွေ့များအတွက် အရေးပါသော ဆုံးဖြတ်ချက်များကို ချမှတ်ခဲ့ကြသည်။

ညီလာခံ၏ သဘောထားထုတ်ပြန်ချက်တွင် “အကြမ်းဖက် အာဏာသိမ်းစစ်ကောင်စီမှ ကျင်းပပြုလုပ်သော အတုအယောင်ရွေးကောက်ပွဲမှ ထွက်ပေါ်လာသည့် မည်သည့်လွှတ်တော်၊ မည်သည့်အစိုးရကိုမျှ စစ်ကိုင်းတိုင်းဒေသသပိတ်အင်အားစု အနေဖြင့် လက်မခံကြောင်း အတည်ပြုသည်” ဟု ပြတ်သားစွာ ဖော်ပြထားသည်။

စစ်ကိုင်းတိုင်းဒေသ သပိတ်အင်အားစုသည် လက်ရှိဖြစ်ထွန်းနေသော နိုင်ငံရေးအခင်းအကျင်းများနှင့်အညီ အခြားတော်လှန်ရေးအင်အားစုများနှင့် လက်တွဲကာ တော်လှန်ရေးအောင်မြင်မှုများကို ထုဆစ်သွားမည်ဖြစ်သည်။

စစ်ကိုင်းဖက်ဒရယ်ယူနစ်တွင် ပေါ်ပေါက်လာပြီးဖြစ်သော ကြားကာလအစိုးရကိုလည်း လူထုအား အကောင်းဆုံး ဝန်ဆောင်မှုပေးနိုင်ရန် စဉ်ဆက်မပြတ် တွန်းအားပေးသွားမည်ဖြစ်ကြောင်း သိရသည်။

ထို့အပြင် တော်လှန်ရေးတစ်ရပ်လုံးအတွက် ကောင်းမွန်သော အရွေ့များ ဖြစ်ပေါ်လာစေရန် “စစ်ကိုင်းဖက်ဒရယ်ယူနစ် နိုင်ငံရေးရပ်ဝန်း” (Political Platform) ပေါ်ပေါက်လာရေးအတွက် မိတ်ဖက်အင်အားစုများနှင့် ပူးပေါင်းကြိုးပမ်းသွားမည်ဟု ဆိုသည်။

နွေဦးတော်လှန်ရေး၏ အဆုံးအဖြတ်သည် ပြည်သူလူထု၏ စည်းလုံးညီညွတ်မှုပေါ်တွင် မူတည်နေကြောင်း ညီလာခံက မီးမောင်းထိုးပြခဲ့သည်။

“ပြည်သူလူထုတစ်ရပ်လုံး၏ စည်းလုံးညီညွတ်သော အင်အားသည် မြန်မာ့နွေဦးတော်လှန်ရေးအတွက် အရေးပါဆုံးသော အခန်းကဏ္ဍမှာ ရှိနေပါတယ်။ တစ်ဦးတစ်ယောက်ချင်းစီ၏ ပါဝင်ကူညီမှုတိုင်းသည် တော်လှန်ရေးအား အဆုံးအဖြတ်ပေးမည့် အုတ်တစ်ချပ် သဲတစ်ပွင့် ဖြစ်သည်နှင့်အညီ၊ စစ်ရေးနှင့် နိုင်ငံရေး ဟန်ချက်ညီညီ ဖော်ဆောင်ရာတွင် လူထုလှုပ်ရှားမှု လမ်းစဉ်အတိုင်း အရှိန်အဟုန်မြှင့် ပါဝင်ကြပါရန် တိုက်တွန်းလိုပါတယ်” ဟု သပိတ်အင်အားစုက တိုက်တွန်းထားသည်။

အဆိုပါညီလာခံတွင် ကျန်ရှိနေသေးသော တော်လှန်ရေးကာလများအတွက် လူထုဗဟိုပြု တိုက်ပွဲဝင်သွားရန် သုံးသပ်ပြင်ဆင်ခဲ့ကြပြီး လုပ်ငန်းကော်မတီများကိုလည်း ကျစ်ကျစ်လစ်လစ် ဖွဲ့စည်းခဲ့ကြောင်း၊ ကော်မတီများတွင် အထွေထွေလုပ်ငန်းကော်မတီ၊ လူထုတိုက်ပွဲ မြှင့်တင်ရေးကော်မတီ၊ စွမ်းဆောင်ရည် မြှင့်တင်ရေးကော်မတီ၊ ဘဏ္ဍာရေးကော်မတီ၊ နည်းပညာနှင့် အထောက်အကူပြုကော်မတီတို့ပါဝင်ကြောင်း သိရှိရသည်။

စစ်ကိုင်းတိုင်းဒေသ သပိတ်အင်အားစုအနေဖြင့် လူထု၏လိုလားချက်များကို လက်တွေ့ကျကျ အကောင် အထည်ဖော်နိုင်ရေးအတွက် လူထုလှုပ်ရှားမှုလမ်းစဉ်ကို ကိုင်စွဲကာ အောင်ပွဲရသည်အထိ မဖောက်မပြန် ဆက်လက်တိုက်ပွဲဝင်သွားမည်ဖြစ်ကြောင်း အသိပေးထုတ်ပြန်ထားသည်။

The post စစ်ကောင်စီ၏ အတုအယောင်ရွေးကောက်ပွဲနှင့် ဟန်ပြအစိုးရကို အသိအမှတ်မပြုဘဲ စစ်ရေး၊ နိုင်ငံရေး ဟန်ချက်ညီညီ တိုက်ပွဲဝင်ရန် စစ်ကိုင်းဒေသသပိတ်အင်အားစု တိုက်တွန်း appeared first on Khit Thit Media.

စစ်ကိုင်းတိုင်း၊ ယင်းမာပင်ခရိုင်အတွင်းအခြေစိုက် ယင်းမာပင်ခရိုင် အမှတ် ၂၀ တပ်ရင်းမှ ရဲမေတစ် ဦးအပေါ် ကျူးလွန်ခဲ့သည့် မုဒိမ်းမှုနှင့်ပတ်သက်၍ တပ်ရင်းမှူး၊ ဒုတပ်ရင်းမှူးနှင့် သံသယတရားခံဖြစ် သူတို့ကို ဖမ်းဆီးစစ်ဆေးနေကြောင်း NUG အစိုးရ၊ ကာကွယ်ရေးဝန်ကြီးဌာနက ထုတ်ပြန်သည်။

အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေး တပ်မတော်၊ စစ် ကိုင်းတိုင်းစစ်ဌာနကွပ်ကဲမှုအောက်ရှိ ယင်းမာပင်ခရိုင် အမှတ် ၂၀ တပ်ရင်း တွင် တာဝန်ထမ်း ဆောင် လျက်ရှိသည့် ရဲမေ ၁ ဦး လိင်ပိုင်းဆိုင်ရာ ကျူးလွန်ခံရမှု၊ လူ့အခွင့်အရေး ချိုးဖောက်ခံရမှုနှင့်ပတ် သက်၍ အမျိုးသားညီညွတ်ရေးအစိုးရ၊ ကာကွယ်ရေး ဝန်ကြီးဌာန၊ ပြည်ထဲရေးနှင့် လူဝင်မှုကြီးကြပ် ရေးဝန်ကြီးဌာနတို့ ပူးပေါင်းကာ အမှုမှန် ပေါ်ပေါက်ရေးအတွက် ကိုင်တွယ်ဆောင် ရွက်လျက် ရှိ ကြောင်း အသိပေးထားသည်။

အွန်လိုင်းပေါ်တွင်ပျံ့နှံခဲ့သည့် အမှုဖြစ်သော်လည်း ယင်းမတိုင်ခင်ကပင် ဖြစ်စဥ်နှင့် ပတ်သက်၍ လို အပ်သည့်စစ်ဆေးမေးမြန်းမှုများပြုလုပ်ခဲ့ပြီး ဖြစ်ကြောင်း၊ လက်ရှိတွင် သက်ဆိုင်ရာ တပ်ရင်းမှတာ ဝန်ရှိသူ တပ်ရင်းမှူး၊ ဒုတပ်ရင်းမှူးနှင့် သံသယ တရားခံဖြစ်သူတို့အား ထိန်းသိမ်းထားရှိပြီးဖြစ်ကာ လိုအပ်သော စစ်ဆေးမှုများ ပြုလုပ်နိုင်ရန် အတွက် အခင်းဖြစ်ပွားခဲ့သည့် ပလဖ နယ်မြေကင်းစခန်းရှိ သက်သေများကိုလည်း လွှဲပြောင်းမိန့် ထုတ်ပြန်ထားပြီးဖြစ်ကြောင်း သိရသည်။

နစ်နာသူ(တိုင်တန်းသူ)နှင့် ကျူးလွန်သူဟုသံသယရှိသူ (တိုင်တန်းခံရသူ)များသည် စစ်ဘက်ဆိုင်ရာ ဥပဒေများကို လိုက်နာရသူများဖြစ်ကြ၍ စစ်ဘက်ဆိုင်ရာ လုပ်ထုံးလုပ်နည်း များနှင့်အညီဖမ်းဆီး ထိန်းသိမ်းခြင်း၊ စုံစမ်းစစ်ဆေးခြင်းတို့ကို ပြုလုပ်လျက်ရှိပြီး နစ်နာသူနှင့် သက်သေများအနေဖြင့် ပူး ပေါင်းပါဝင်၍ အမှုမှန်ပေါ်ပေါက်ရေးအတွက် ဝိုင်းဝန်းဆောင်ရွက်ရန် လိုအပ်မည်ဖြစ်ကြောင်း NUG အစိုးရ၊ ကာကွယ်ရေးဝန်ကြီးဌာနက ထုတ်ပြန်ထားသည်။

ထို့အပြင် နစ်နာသူနှင့်သက်သေများ ဘေးကင်းလုံခြုံရေး နှင့် အဆင်ပြေချောမွေ့စေရေးအတွက် အ ကောင်း ဆုံး ဆောင်ရွက်ပေးသွားမည်ဖြစ်ပြီး အမှုမှန်ပေါ်ပေါက်ရေး အစွမ်းကုန် ဆောင်ရွက်သွား မည်ဖြစ်ကြောင်းနှင့် ပူးပေါင်းပါဝင်ကျူးလွန်သူများကို ဥပဒေနှင့်အညီ ထိရောက်စွာ အရေးယူသွား မည်ဖြစ်ကြောင်း အသိပေးထားသည်။

The post ယင်းမာပင်ခရိုင် အမှတ် ၂၀ တပ်ရင်းမှ ရဲမေ ၁ ဦးအပေါ် ကျူးလွန်ခဲ့သည့် မုဒိမ်းမှုနှင့်ပတ်သက်၍ တပ် ရင်းမှူး၊ ဒုတပ်ရင်းမှူးနှင့် သံသယ တရားခံဖြစ်သူတို့ကို ဖမ်းဆီးစစ်ဆေးနေ appeared first on Khit Thit Media.

အကြမ်းဖက်စစ်တပ်၏ စစ်အာဏာသိမ်းကာလ ၅ နှစ်တာ တာဝန်ထမ်းဆောင်ခဲ့သော စစ်ဗိုလ်ချုပ်များ၊ ဝန်ကြီးများ၊ ဒုဝန်ကြီးများ အပါအဝင် နိုင်ငံရေးရာထူးအားလုံးကို မင်းအောင်လှိုင်က နိုင်ငံရေးပင်စင်နှင့် ဆုကြေးများ ပေးအပ်မည်ဖြစ်ကြောင်း နေပြည်တော်စစ်ဘက်သတင်းရင်းမြစ်က ပြောဆိုသည်။

၂၀၂၁ ခုနှစ် ဖေဖော်ဝါရီ ၁ ရက်နေ့မှစတင်၍ ၂၀၂၆ ခုနှစ် မတ်လ အစိုးရသစ်ဖွဲ့စည်းချိန်အထိ တာ ဝန် ထမ်းဆောင်သည့် နိုင်ငံရေးရာထူး ရယူခဲ့သော စစ်ဗိုလ်ချုပ်များ၊ ဝန်ကြီးများ၊ ဒုဝန်ကြီးများ အပါအဝင် နိုင်ငံရေးရာထူးအားလုံးကို မင်းအောင်လှိုင်က နိုင်ငံရေးပင်စင် ပေးမည့်အပြင် တာဝန်ထမ်းဆောင်မှုကာလ အတွက် ဆုကြေးများလည်း ပေးအပ်မည်ဖြစ်ကြောင်း သိရှိရသည်။

” စစ်အာဏာသိမ်း ၅ နှစ်လုံး အပြည့် တာဝန်ထမ်းဆောင်ခဲ့တဲ့ နိုင်ငံရေးရာထူး တာဝန်ယူခဲ့တဲ့ တပ်မ တော်အရာရှိကြီးတွေ၊ ဝန်ကြီး၊ ဒုဝန်ကြီးတွေ၊ တိုင်း/ပြည်နယ်ဝန်ကြီးချုပ်တွေ အပါအဝင် နိုင်ငံရေးရာထူးတွေအားလုံးကို နိုင်ငံရေးပင်စင် အပြင် ဆုကြေးတွေ ပေးမယ်လို့ သိရတယ်။ အစိုးရသစ်ကို အာဏာလွှဲမယ့်အချိန်မှာ တာဝန်တွေပြီးဆုံးမယ့် နိုင်ငံရေးရာထူးတွေ အားလုံးကို ပင်စင်နဲ့ ဆုကြေးရကြမှာလို့ သိရတယ်” ဟု နေပြည်တော်စစ်ဘက်သတင်းရင်းမြစ်က ပြောဆိုသည်။

သို့ရာတွင် စစ်အာဏာသိမ်းကာလ အတွင်း တာဝန်ထမ်းဆောင်ခဲ့သော်လည်း လာဘ်ပေးလာဘ်ယူမှု ၊ တာဝန်မကျေပွန်မှု အပါ အဝင် ရာဇဝတ်ပြစ်မှုများ၊ အခြားပုဒ်မများဖြင့် အရေးယူ ထုတ်ပယ်ခံခဲ့ရသော စစ်ဗိုလ်ချုပ်များ၊ ဝန်ကြီးများ ၊ ဒုဝန်ကြီးများ အပါအဝင် အရေးယူ ဖယ်ရှားခံရသူများမှာမူ မည်သည့်ပင်စင်နှင့် ဆုကြေးကိုမှ ပေးအပ်မည်မဟုတ်ကြောင်း သိရှိရသည်။

မင်းအောင်လှိုင်မှာ စစ်အာဏာသိမ်းပြီးနောက် စစ်ဦးစီးချုပ် ရာထူးအပြင် ဝန်ကြီးချုပ်၊ ယာယီသမ္မတ၊ စစ်ကောင်စီဥက္ကဋ္ဌ၊ စစ်ကောင်မရှင် ဥက္ကဋ္ဌ ၊ ကာ/လုံ ဥက္ကဋ္ဌ စသည့် နိုင်ငံရေးရာထူးများစွာကို တစ်ဦးတည်း နာမည်အမျိုးမျိုးတပ်၍ ရယူထားခဲ့သည်။

The post စစ်အာဏာသိမ်းကာလ ၅ နှစ်တာ တာဝန်ထမ်းဆောင်ခဲ့သော စစ်ဗိုလ်ချုပ်များ၊ ဝန်ကြီးများနှင့်ဒုဝန် ကြီးများ အပါအဝင် နိုင်ငံရေးရာထူးအားလုံးကို မင်းအောင်လှိုင်က နိုင်ငံရေးပင်စင်နှင့် ဆုကြေးများ ပေးမည်ဟုဆို appeared first on Khit Thit Media.

တနင်္သာရီတိုင်း၊ လောင်းလုံးမြို့နယ်၊ စစ်ပြဲရွာကို စစ်ကြောင်းထိုးလာသော စစ်တပ်ကို ဒရုန်းဖြင့် ဗုံးကျဲ တိုက်ခိုက်မှု စစ်သားများ ထိခိုက်မှုရှိကြောင်း လောင်းလုံးမြို့နယ် ပကဖ မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဇန်နဝါရီလ ၂၆ ရက်နေ့တွင် လောင်းလုံးမြို့မှ စစ်ပြဲရွာ ရေပုံးကျောင်းသို့ စစ်ကြောင်းထိုးရန် ထွက်လာသော အကြမ်းဖက် စစ်တပ်ကို တော်လှန်ရေး တပ်ဖွဲ့များက ဒရုန်းဖြင့် ဗုံး ၅ ကျဲချ တိုက်ခိုက်ခဲ့ကြောင်း၊ ထိုတိုက်ခိုက်မှု အတွင်း အကြမ်းဖက် စစ်တပ်ဘက်မှ ထိခိုက်သေဆုံးမှုရှိပြီး စစ်ကြောင်း အထိနာကာ လောင်းလုံးမြို့ပေါ်သို့ ပြန်လည် ဆုတ်ခွာသွားကြောင်း သိရသည်။

“ဒရုန်းနဲ့ တိုက်ခိုက်တာက စစ်ခွေးတွေ ထိခိုက်သေဆုံးမှုရှိနိုင်ပါတယ်။ အရေအတွက်ကိုတော့ အတည်မပြုနိုင်သေးဘူး။ ကျနော်တို့ ရဲဘော်တွေတော့ အထိအခိုက်မရှိ ပြန်လည် ဆုတ်ခွာနိုင်ခဲ့တယ်” ဟု လောင်းလုံးမြို့နယ် ပကဖ မှ တာဝန်ရှိသူက ပြောဆိုသည်။

အဆိုပါ တိုက်ခိုက်မှုကို လောင်းလုံးသံမဏိလိပ်ပြာ(LLSBF)၊ လောင်းလုံး မြို့ နယ်ပြည့်သူ့ကာကွယ်ရေးတပ်ဖွဲ့- ပကဖ၊ နွေဦးပြောက်ကျားတပ်ဖွဲ့၊ ကျောင်းသားတော်လှန် ရေးတပ်(S.R.F)၊ Guerrilla Dawei(ထားဝယ်မြို့ပြ ပြောက်ကျားတပ်ဖွဲ့)တို့က ပူးပေါင်းလုပ်ဆောင်ခဲ့ကြောင်း သိရသည်။

အလားတူ စစ်ကိုင်းတိုင်း၊ မြောင်မြို့နယ်တွင် စစ်တပ် ရိက္ခာပို့စစ်ကြောင်းကို ဒရုန်းဖြင့် တိုက်ခိုက်မှု စစ်တပ်ဘက်မှ ထိခိုက်သေဆုံးမှုရှိနိုင်ကြောင်း Myaung Drone Force MDF မှ တာဝန်ခံ ကျားခင်စိန်က ရန်ကုန်ခေတ်သစ်သတင်းဌာနထံသို့ပြောဆိုသည်။

ဇန်နဝါရီလ ၅ ရက်နေ့တွင် မြောင်မြို့နယ် ကျောက်ရစ်ရဲစခန်းကို ရိက္ခာလာပို့သည့် စစ်ကြောင်းကို တော်လှန်ရေးတပ်ဖွဲ့များက ဒရုန်းဖြင့် တိုက်ခိုက်ခဲ့ကြောင်း၊ ထိုတိုက်ခိုက်မှုအတွင်း အကြမ်းဖက် စစ်တပ်ဘက်မှ ထိခိုက်သေဆုံးမှုရှိသော်လည်း အရေအတွက်ကို အတည်ပြုနိုင်ခြင်းမရှိသေးကြောင်း သိရသည်။

“စစ်ခွေး အင်အားက ၂၀၀ ပတ်ချာလည်လောက်ရှိပါတယ်။ ဒရုန်းကတော့ စုစုပေါင်း ၃စီးပါ။ မြေပြင်ချေမှုနေးရေး ရဲဘော်တွေလည်းပါတယ်။ စစ်ခွေး သေစာရင်းကတော့ မသိရသေးဘူး။ ထိခိုက်တာမျိုးကတော့ ၄ ယောက် ၅ ယောက်လောက်ရှိပါတယ်။ စစ်ခွေးဘက်ကတော့ ထိခိုက်သေဆုံးနိုင်တယ်” ဟု Myaung Drone Force MDF မှ တာဝန်ခံ ကျားခင်စိန်က ပြောဆိုသည်။

အဆိုပါတိုက်ခိုက်မှုကို Myaung Drone Force MDF နှင့် မြောင်မြို့​နယ် မဟာမိတ်ပူးပေါင်း အဖွဲ့တို့က ပူးပေါင်း လုပ်ဆောင်ခဲ့ပြီး တော်လှန်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

The post လောင်းလုံးနှင့် မြောင်မြို့နယ်တွင် စစ်တပ် စစ်ကြောင်းများကို တိုက်ခိုက်မှု စစ်သားများ ထိခိုက်သေဆုံးမှုရှိ appeared first on Khit Thit Media.

မြန်မာနိုင်ငံတစ်ဝန်း ဇန်နဝါရီလ ၇ ရက်နေ့ ရရှိထားသော အချက်အလက်များအရ စစ်ကောင်စီ တပ်ဖွဲ့ဝင် ၅၃ ဦး သေဆုံးကြောင်း ပြည်သူ့ကာကွယ်ရေးတပ်ဖွဲ့များ၏ ထုတ်ပြန်ချက်နှင့်ပြောဆိုချက် များအရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာ ကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေ ပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

The post မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၅၃ ဦးသေဆုံး appeared first on Khit Thit Media.

အကြမ်းဖက် စစ်အာဏာသိမ်းထားသော မင်းအောင်လှိုင်ကို သမ္မတရွေးချယ်ရေးအဖွဲ့က မဲပေးပြီးဖြစ်လာလျှင် မင်းအောင်လှိုင် သမ္မတ လုပ်နိုင်ကြောင်း အကြမ်းဖက် စစ်ကော်မရှင်၏ ပြောရေးဆိုခွင့်ရှိသူ ဇော်မင်းထွန်းက ထုတ်ဖော်ပြောဆိုသွားသည်။

ရန်ကုန်တွင် ယနေ့ ပြုလုပ်သည့် ကျားဖြန့်ဆိုင်ရာ သတင်းစာရှင်းလင်းပွဲတွင် ဇော်မင်းထွန်းက အထက်ပါအတိုင်း ပြောဆိုလာခြင်းဖြစ်သည်။

အကြမ်းဖက်မင်းအောင်လှိုင်က ၂၀၁၄ ခုနှစ် ကာလ မီဒီယာများနှင့်အင်တာဗျူးတွင် သူ့တွင် အတွေ့အကြုံများစွာရှိသည့် အတွက် နိုင်ငံတော်က တာဝန်ပေး အပ်လာလျှင် နိုင်ငံအတွက် အတွေ့အကြုံများကို အမြဲတမ်းအသုံးချလုပ်ဆောင်သွားမည်ဟု ထုတ်ဖော်ပြောဆိုခဲ့ဖူးကြောင်း၊ ထို့ကြောင့် လွှတ်တော်က ရွေး ကောက်တင်မြှောက်လိုက်သော ကိုယ်စားလှယ်များက မဲပေး ရွေးချယ်လျှင် သမ္မတ မလုပ်ဖူးဟူ၍ လည်း ငြင်းမရကြောင်း ၎င်းကဆိုသည်။

” သမ္မတ ရွေးချယ်မှုတွေကတော့ တစ်ဦးချင်းအနေနဲ့ နိုင်ငံတော်သမ္မတကို လုပ်ချင်ပါတယ်လည်း ပြောလို့မရဘူး။ မလုပ်ချင်ပါဘူးလို့လည်း ပြောလို့မရဘူး။ ဒါ သူ့ ဥပဒေအတိုင်းပဲ။ လုပ်ချင်ပါတယ်ဆိုတိုင်းလည်း ဥပဒေနဲ့ မညီရင် မဖြစ်ဘူး။ မလုပ်ချင်ပါဘူးဆိုတိုင်းလည်း ရွေးကောက်တင်မြှောက်ခံရရင် မဖြစ်ဘူး။ လုပ်ချင်ပါတယ်ဆိုတိုင်းလည်း မဖြစ်တဲ့သူတွေလည်း ရှေ့မှာလည်း တွေ့ခဲ့ဖူးပြီးသား ဖြစ်မှာပါ။ သမ္မတရွေးချယ်တဲ့နေရာမှာတော့ အခြေခံအချက်အလက်တွေရှိပါတယ်။ အခြေခံ အချက်အလက်တွေကတော့ ပြည်သူလူထုက ရွေးချယ်လိုက်တဲ့ ကိုယ်စားလှယ်တွေပေါ့နော်။ ကိုယ်စားလှယ်တွေကနေပြီးတော့ ဒုတိယသမ္မတ တွေကို ရွေးချယ်ရတာ ဖြစ်တယ်။ သမ္မတ ရွေးချယ်တင်မြှောက်ခြင်းကိစ္စကလည်း ၂၀၀၈ ဖွဲ့စည်းပုံအခြေ ခံဥပဒေမှာပါပြီးသားဖြစ်တယ်။ သမ္မတရွေးချယ်ရေးအဖွဲ့ကနေ ရွေးချယ်လိုက်ပြီးတော့မှ သူကအဆင့် ဆင့် မဲပေးရွေး ချယ်ရတာဖြစ်တယ်။ မဲပေးပြီး ဖြစ်လာရင်တော့လည်း သမ္မတ လုပ်နိုင်ပါတယ်။ ဥပဒေအရ အကျုံးဝင်ရင် လုပ်နိုင်ပါတယ်။ ၂၀၀၈ ဖွဲ့စည်းပုံ အခြေခံဥပဒေ နဲ့အညီပဲ ဖြစ်ပါလိမ့်မယ်လို့ ပြောချင်ပါတယ်” ဟု ဇော်မင်းထွန်းက ပြောဆိုသည်။

နေပြည်တော်စစ်ဘက်အသိုင်းအ၀ိုင်းတွင် စစ်တပ်က ပြုလုပ်မည့် ရွေး ကောက် ပွဲအပြီး အစိုးရသစ်တွင် ကြံ့ဖွတ်အမတ်များနှင့် စစ်တပ် အမတ်များ ပူးပေါင်း၍ မင်းအောင်လှိုင်ကို သမ္မတအဖြစ်​ ရွေးချယ်တင်မြှောက်နိုင်ကြောင်း၊ မင်းအောင်လှိုင်မှာလည်း ယခင်ကတည်းက သမ္မတဖြစ်လာရန် ရည် မှန်းချက်ရှိကြောင်း သုံးသပ်ပြောဆိုမှုများ ရှိနေသည်။

The post သမ္မတရွေးချယ်ရေးအဖွဲ့က မဲပေးပြီးဖြစ်လာလျှင် မင်းအောင်လှိုင် သမ္မတ လုပ်နိုင်ဟု အကြမ်းဖက် ဇော်မင်းထွန်း ထုတ်ပြောလာ appeared first on Khit Thit Media.

အကြမ်းဖက် မင်းအောင်လှိုင်၏ တက်သုတ်ရိုက်အမိန့်ဖြင့် မအူပင်တွင် စိုက်ပျိုးရေးနှင့်မွေးမြူရေးဆိုင်ရာ တက္ကသိုလ် တည်ဆောက်ပြီးစီးသွားပြီဖြစ်ပြီး မကြာမီ မင်းအောင်လှိုင် ကိုယ်တိုင် လာရောက်ဖွင့်လှစ်တော့မည်ဖြစ်ကြောင်း ဒေသသတင်းရင်းမြစ်များက ရန်ကုန်ခေတ်သစ်သတင်းဌာနထံသို့ ပြောဆိုသည်။

ဧရာ၀တီတိုင်း၊ မအူပင်မြို့တွင် နိုဝင်ဘာလဆန်းပိုင်းမှစတင်၍ မင်းအောင်လှိုင် လာရောက်ရန်ရှိနေ၍ မြို့ကို သန့်ရှင်းရေလုပ်ခြင်း၊ ပလက် ဖောင်းများ ဆေးသုတ်ခြင်း၊ ဖြိုဖျက်လက်စနှင့် ဆောက်လုပ်လက်စ အဆောက်အအုံများကို အစိမ်းရောင်တာလပတ် အကာအရန်များ ကာရန်ခြင်း၊ ဌာနဆိုင်ရာရုံးများကို ပြုပြင်ခြင်းများ လုပ်ဆောင်နေကြောင်း၊ မင်းအောင်လှိုင်က မအူပင် စိုက်ပျိုးရေးနှင့်မွေးမြူရေးဆိုင်ရာ တက္ကသိုလ် ဖွင့်ပွဲနှင့် ကျောင်းဆောင်များ တည်ဆောက်ပြီးစီးသည်ကို လာရောက် စစ်ဆေးရန်ရှိနေကြောင်း သိရှိရသည်။

“စိုက်ပျိုးရေးနဲ့ မွေးမြူရေး တက္ကသိုလ် (မအူပင်)က ကျောင်းဆောင်တွေလည်း ပြီးနေပြီ။ မုခ်ဦးကြီးလည်း ပြီးသွားပြီ။ အဲဒါ မအလကိုယ်တိုင် လာဖွင့်မယ်ပြောတယ်။ သူအမိန့်နဲ့ ဆောက်ခိုင်းထားတာဆိုတော့ သူကိုယ်တိုင် လာဖွင့်မယ်လို့ မြို့နယ်ထွေ/အုပ်ဘက်က ပြောတယ်။ ဘယ်နေ့ လာမလဲတော့မသိသေးဘူး။ လာတာတော့လာမယ်။ လာမယ့် ၂၀၂၆-၂၀၂၇ ပညာသင်နှစ်ကစပြီး အဲဒီမှာ ကျောင်းသားတွေ လက်ခံမယ်” ဟု မအူပင်မြို့မှ မြို့မိမြို့ဖ တစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။

မအူပင်တွင် စိုက်ပျိုးရေးနှင့်မွေးမြူရေးဆိုင်ရာ​ တက္ကသိုလ် ဖွင့်လှစ်လိုက်မှုကြောင့် နေပြည်တော် ရေဆင်းရှိ စိုက်ပျိုးရေးတက္က သိုလ်၊ မွေးမြူရေးဆိုင်ရာ ဆေးတက္ကသိုလ်တို့ကို မအူပင်သို့ ပြောင်းရွှေ့ဖွယ်ရှိကြောင်း၊ မင်းအောင်လှိုင်က ရေဆင်းရှိ စိုက်ပျိုးရေးနှင့်မွေးမြူရေး ဆေးတက္ကသိုလ်နေရာများကို စစ်တပ်သင်တန်းကျောင်းနေရာများအဖြစ် ပြောင်းလဲရန် ရှိနေကြောင်း သိရှိရသည်။

နေပြည်တော်တွင် စစ်တပ်သင်တန်းကျောင်းသစ်များ ဖွင့်လှစ်နိုင်ရန် ဇေယျာသီရိမြို့နယ်အတွင်းရှိ ကျေးရွာများကို စစ်တပ်က ဖျက်သိမ်းခိုင်းခဲ့ကြောင်း၊ ရန်ကုန်- မန္တလေး လမ်းဟောင်းဘေးရှိ ဇေယျာသီရိမြို့နယ် ကျောက်ချက်ရွာမှ ခရေပင်လမ်းခွဲအထိ ကျေးရွာများအားလုံးကို လုံခြုံရေး အကြောင်းပြကာ စီမံချက်ဖြင့် ဖျက်သိမ်းခဲ့ကြောင်း ၊ ဖျက်သိမ်းခံခဲ့ရသည့် ကျေးရွာများတွင် ရန်ကုန်-မန္တလေး လမ်းဟောင်း တလျှောက်ရှိ ကျောက်ချက်ရွာ၊ အိုင်စောက်ရွာ၊ သစ်တပ်ရွာ၊ စိမ်းစားပင်ရွာ၊ မအူတောရွာ၊ ရေဆင်းရွာ၊ ရွေကျရွာ၊ ရွေတွင်းကုန်းရွာ၊ ခေတ်အေးရွာနှင့် ခရေပင်လမ်းခွဲအထိ ကျေးရွာနှင့်ရပ်ကွက်များ ပါဝင်ကြောင်း သိရှိရသည်။

ဓာတ်ပုံ- မအူပင်တွင် မင်းအောင်လှိုင် အမိန့်ဖြင့် တည်ဆောက်ပြီးစီးနေပြီဖြစ်သည့် စိုက်ပျိုးရေးနှင့်မွေးမြူရေး တက္ကသိုလ်(မအူပင်)၏ မုခ်ဦး။

The post မင်းအောင်လှိုင်၏ တက်သုတ်ရိုက်အမိန့်ဖြင့် မအူပင်တွင် စိုက်ပျိုးရေးနှင့်မွေးမြူရေးဆိုင်ရာ တက္ကသိုလ် တည်ဆောက်ပြီးစီး၊ နေပြည်တော်မှ မွေး/ဆေးတက္ကသိုလ်နှင့် စိုက်ပျိုးရေးတက္ကသိုလ် ၂ ခု၏ အနာဂတ် မသေချာတော့ appeared first on Khit Thit Media.

ရှမ်းပြည်နယ်၊ ကျောက်မဲမြို့ပေါ်ကို အကြမ်းဖက် စစ်တပ်က လက်နက်ကြီး၊ ဒရုန်းများဖြင့် ဆက်တိုက် ပစ်ခတ်တိုက်ခိုက်နေ၍ မြို့ပေါ် နေရာတချို့တွင် မီးများ လောင်ကျွမ်းနေကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ယနေ့ စက်တင်ဘာလ ၃၀ ရက်နေ့ မွန်းလွဲပိုင်းမှ စတင်ပြီး အကြမ်းဖက် စစ်တပ်က ကျောက်မဲမြို့ပေါ်ကို ဒရုန်း၊ လက်နက်ကြီးများဖြင့် ဆက်တိုက် ပစ်ခတ် တိုက်ခိုက်ခဲ့ကြောင်း သိရသည်။

အကြမ်းဖက် စစ်တပ်၏ တိုက်ခိုက်မှုကြောင့် ကျောက်မဲမြို့ပေါ်ရှိ သစ်တောရုံးနှင့် ရဲစခန်း အပါအဝင် ဌာနဆိုင်ရာ အဆောက် အဦးများ မီးလောင် နေပြီး မြို့ပေါ် အခြေအနေမှာလည်း ရှုပ်ထွေးနေကြောင်း သိရှိရသည်။

“စစ်တပ်က လက်နက်ကြီးတွေကော ဒရုန်းတွေနဲ့ကော ဆက်တိုက်ကို ကျောက်မဲမြို့ပေါ်ကို ပစ်ခတ် တိုက်ခိုက်နေတာ နောက်ပြီး သစ်တောရုံးနဲ့ ရဲစခန်းလည်း မီးလောင်နေတယ်။ တိုက်ပွဲကလည်း ဆက်ဖြစ်နေတုန်းပဲ စစ်တပ် စစ်ကြောင်းက မြို့နားထိ ကပ်လာတာတော့ ဟုတ်တယ်။ မြို့ပေါ် ရောက်မရောက်ဆိုတာတော့ အတည်မပြုနိုင်သေးဘူး။ မြို့ပေါ် အခြေအနေတွေက ရှုပ်ထွေးနေတယ်” ဟု ဒေသပြည်သူတစ်ဦးက ပြောဆိုသည်။

လတ်တလော စစ်တပ်က ကျောက်မဲမြို့နှင့်အနီးစပ်ဆုံး ၄ မိုင်အကွာသို့ ရောက်ရှိနေပြီဖြစ်ကြောင်း၊ ကျောက်မဲမြို့ စစ်ရေးအခြေအနေမှာ အပြင်းထန်ဆုံး အခြေအနေသို့ ရောက်ရှိနေကြောင်း တော်လှန်ရေးသတင်းရင်းမြစ်တချို့က ပြောဆိုသည်။

The post ကျောက်မဲမြို့ပေါ်သို့ စစ်တပ်က လက်နက်ကြီး၊ ဒရုန်းများဖြင့် ဆက်တိုက် ပစ်ခတ်နေသဖြင့် မြို့ပေါ် တွင် မီးလောင်နေ appeared first on Khit Thit Media.

လန်ဒန်မြို့ ယူကေပါလီမန်ရှေ့တွင် ယူကေရောက်မြန်မာပြည်ဖွား တိုင်းရင်းသားများ စုဝေးကာ ဒေါ်အောင်ဆန်းစုကြည်လွတ်မြောက်ရေး၊ အတုအယောင်ရွေးကောက်ပွဲ ဆန့်ကျင်ရေး၊ စစ်အာဏာရှင်ဆန့်ကျင်ရေး စက်တင်ဘာလ ၂၀ ရက်နေ့တွင် ဆန္ဒပြခဲ့ကြသည်။

ဆန္ဒပြပွဲသို့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ သားငယ်ဖြစ်သူ ကိုထိန်လင်း၊ UK နိုင်ငံဆိုင်ရာ NUG ကိုယ်စားလှယ်များဖြစ်ကြသော ဦးမောင်မောင်အောင်နှင့် ဒေါက်တာသက်ကိုကိုတို့ တက်ရောက်ခဲ့ကြကာ တက်ရောက်သူများက ဒေါ်အောင်ဆန်းစုကြည် နှင့်တကွ ဖမ်းဆီးခံနိုင်ငံရေး အကျဉ်းသားများ ကျန်းမာပါစေကြောင်းနှင့် အမြန်လွတ်မြောက်ပါစေကြောင်း ဆုတောင်းမေတ္တာ ပို့ခဲ့ကြသည်။

The post လန်ဒန်မြို့ ယူကေပါလီမန်ရှေ့တွင် ယူကေရောက်မြန်မာပြည်ဖွား တိုင်းရင်းသားများ စုဝေးကာ စစ်အာဏာရှင်ဆန့်ကျင်ရေးဆန္ဒပြ appeared first on Khit Thit Media.