News

ရန်ကုန်၊ ဇွန် ၂၈ တနင်္သာရီတိုင်း သရက်ချောင်းမြို့နယ်တွင် အကြမ်းဖက် စစ်တပ်နှင့် ဒေသခံကာကွယ်ရေး တပ်ဖွဲ့များ ဇွန်လ ၂၄ ရက်နှင့် ၂၆ ရက်နေ့တို့တွင် တိုက်ပွဲများ ဆက်တိုက်ဖြစ်ပွားခဲ့ပြီး စစ်သား ၁၄ ဦးသေဆုံးခဲ့ကြောင်း ဒေါင်းမင်း စစ်ဆင်ရေး အဖွဲ့ထံမှ သိရသည်။ ဇွန်လ ၂၄ ရက်နေ့တွင်...

ရန်ကုန်၊ ဇွန် ၂၈ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနအနေဖြင့် လက်နက် နှင့် တကွ ပြည့်သူ့ရင်ခွင်ဝင်ရောက်လာသူများကို ပြည်သူ့သူရဲကောင်းအဖြစ် သတ် မှတ်ထားပြီး CDM ဗိုလ်မှူး၊ ဗိုလ်ကြီး၊ ဗိုလ်တစ်ဦး အပါအဝင် CDM စစ်သား ၁၈ ဦးကို ဂုဏ်ပြုဆုငွေ သိန်းပေါင်း ၃၄၄ သိန်း...

ရန်ကုန်၊ ဇွန် ၂၈ ပဲခူးတိုင်း သာယာဝတီမြို့ပေါ် ရန်ကုန်-ပြည် ကားလမ်းပိုင်းရှိ အထက ၁ ကျောင်း လမ်းဆုံတွင် ယမန်နေ့ ညပိုင်း စစ်သားအချင်းချင်း ပစ်ခတ်မှု ဖြစ် ပွား ပြီး တပ်သား ဇင်ကို ဆိုသူ အပြင်းအထန်ဒဏ်ရာဖြင့် ဆေးကုသမှု ခံယူနေရ ကြောင်း...

ရန်ကုန်၊ ဇွန် ၂၈ မြစ်သားမြို့နယ်၊ မြင်းခြံမြို့နယ်၊ ကြို့ပင်ကောက်နှင့် မြင်းမူမြို့နယ်တို့တွင် စစ် ကောင် စီ ခန့်အုပ်ချုပ်ရေးမှူး၊ ကြံ့ဖွတ်ရပ်ကျေးဥက္ကဋ္ဌ၊ ပျူစောထီးအပါအဝင် ၁၀ ဦး ပစ်ခတ်ခံရပြီး သေဆုံးသွားကြောင်း ဒေသခံများနှင့် ဒေသ ကာကွယ် ရေး တပ်များထံမှ သိရှိရသည်။ မန္တလေးတိုင်း ကျောက်ဆည်ခရိုင် မြစ်သားမြို့နယ်...

ရန်ကုန်၊ ဇွန် ၂၈ မကွေးတိုင်း၊ ရေစကြိုမြို့နယ်၊ ရေစကြို မြို့မရဲစခန်းရှေ့နှင့် ဆက်သွယ်ရေးရုံး အနီးတို့တွင် ဗုံးခွဲတိုက်ခိုက်မှုများဖြစ်ပွားပြီး မြို့နယ်စစ်ကောင်စီအဖွဲ့ဝင် ကျော် ဝင်း လိုက်ပါလာသော ကား ဗုံးပစ်ခတ်ခံရကြောင်း ဒေသခံများနှင့် ဒေသ သတင်း ရင်းမြစ်များထံမှ သိရှိရသည်။ ဇွန်လ ၂၈ ရက်နေ့ နံနက် ၈...

ရန်ကုန်၊ ဇွန် ၂၈ စစ်ကိုင်းတိုင်း၊ ဆားလင်းကြီးမြို့နယ်၊ လက်ပံတောင်းတောင်ကြေးနီစီမံကိန်း ဧရိယာအတွင်း ဗုံးများ ပစ်လွှတ်တိုက်ခိုက်ခံရပြီး လျှပ်စစ်တာဝါတိုင် ဖောက်ခွဲ ခံရမှုကို ရှုတ်ချကြောင်း တရုတ်ဝမ်ပေါင်ကုမ္ပဏီက ထုတ်ပြန်လိုက်ပြီး လက်ရှိ ပဋိပက္ခတွင် ဝမ်ပေါင်အနေဖြင့် ပါဝင် ပတ်သက်လိုခြင်းမရှိကြောင်း ဝမ်ပေါင် ကုမ္ပဏီက ထုတ်ပြန်ပြောဆိုသည်။  လက်ပံတောင်းတောင်ဒေသရှိ ဝမ်ပေါင် ကုမ္ပဏီ၏ လက်ပံတောင်းစီမံကိန်းတွင် ဗုံးကျရောက်ကာ ဗို့အားမြင့်ဓာတ်အားပြင်းတာဝါတိုင် ဖောက်ခွဲဖျက်ဆီးခံ ရခြင်းကို ပြင်းထန်စွာရှုတ်ချကြောင်း၊ စီမံကိန်းအတွင်းရှိ ဝန်ထမ်းများ အသက် လုံခြုံကို ရေး အလေးမထားခြင်းဖြစ်ကြောင်းနှင့် လျှပ်စစ်တာဝါတိုင် ဖျက်ဆီးခံ ရမှုသည် စီမံကိန်းအနီးအနားဒေသ လျှပ်စစ်ဓာတ်အား ပြတ်တောက် ထိခိုက် စေခြင်းသာ ဖြစ်ကြောင်း ဝမ်ပေါင် ကုမ္ပဏီကြေညာချက် ထုတ်ပြန်ခဲ့သည်။  သတ္တုတွင်းထုတ်လုပ်မှုစီမံကိန်းကို ၂၀၂၁ ခုနှစ် ဖေဖော်ဝါရီလမှ စတင်ကာ ရပ်ဆိုင်းထားပြီး စက်ရုံထိန်းသိမ်းရေး၊ကုမ္ပဏီဝန်ထမ်းများနှင့် စီမံကိန်းပတ် ဝန်းကျင် အကျိုးဖြစ်ရေးသာ ငွေကြေးရင်းနှီးမြှုပ်နှံထားကြောင်း၊ မြန်မာဝန်ထမ်း အချို့မှာ ၎င်းတို့၏ သဘောဆန္ဒအရ သတ္တုတွင်းဧရိယာတွင် နေထိုင် နေခြင်း ဖြစ်ကြောင်း၊ စီမံကိန်းကိုတိုက်ခိုက်မှုသည် မြန်မာဝန်ထမ်းများ အတွက် ဝင်ငွေ ဆုံးရှုံးမှု ဖြစ်စေပြီး လျှပ်စစ်တာဝါတိုင်ပျက်စီးမှုကြောင့်စီမံကိန်း အနီးအနားဒေသတစ်ခုလုံး လျှပ်စစ်ဓာတ်အား ပြတ်တောက် ထိခိုက်စေ သည်ဟု ဝမ်ပေါင်က ဆိုသည်။  လက်ရှိအချိန်တွင် စီမံကိန်းမှာ ၁၆ လကျော်ကြာ ရပ်ဆိုင်းသွားခဲ့ပြီး ဝန်ထမ်း အများစုကို  အခြေခံလစာ ပေးထားကြောင်း၊  တရုတ်ဝမ်ပေါင်ကုမ္ပဏီအနေဖြင့် လက်ရှိ ပဋိပက္ခဖြစ်စဉ်များတွင် ပါဝင်လိုခြင်းမရှိဘဲ ကျေးရွာများထိခိုက် ဆုံးရှုံး မှု မရှိဘဲ လက်နက်ကိုင်အဖွဲ့များနှင့် လက်နက်မဲ့ အဖွဲ့များအနေဖြင့် စီမံကိန်း ဝန်ထမ်းများကိုအသက်အန္တရာယ်ကင်းရှင်းခွင့်၊ အသက်မွေး ဝမ်း ကျောင်း ပြုပိုင် ခွင့်နှင့် လွတ်လပ်စွာ ရွေးချယ်ခွင့် လေးစားပေးရန် တောင်းဆို ကြောင်း ဝမ်ပေါင်ကုမ္ပဏီ၏ ကြေညာချက်တွင် ဖော်ပြထားသည်။  တရုတ်ဝမ်ပေါင်နှင့် စစ်တပ်ပိုင် ဦးပိုင်တို့ ပူးပေါင်းဆောင်ရွက်နေသော လက်ပံ တောင်း တောင် ကြေးနီစီမံကိန်းကိုရပ်ဆိုင်းရန်နှင့် စစ်တပ်၊ ရဲများကို ပံ့ပိုး ကူညီ ခြင်းများ မလုပ်ဆောင်ရန် PDF မဟာမိတ်တပ်ပေါင်းစုက တရုတ်ဝမ်ပေါင် ကို သတိပေးခဲ့သော်လည်း ကုမ္ပဏီအနေဖြင့် လိုက်နာခြင်းမရှိ သည့် အတွက် ပစ်ခတ်တိုက်ခိုက်မှုများလုပ်ဆောင်ခြင်းဖြစ်ကြောင်း ဆားလင်းကြီး အခြေစိုက် LPDF များ၏ အဆိုအရ သိရှိရသည်။  ဓာတ်ပုံ- လက်ပံတောင်းတောင်ကြေးနီစီမံကိန်း အတွင်းရှိ ဝန်ထမ်းအိမ်ရာ နှင့်ရုံးများ။

ရန်ကုန်၊ဇွန် ၂၈ ပဲခူးတိုင်း၊ တောင်ငူခရိုင် အမြန် လမ်းမ မိုင်တိုင် ၁၈၆ တွင် ဇွန်လ၂၂  ရက်နေ့ ပဲခူး ပြည်သူ့ကာကွယ်ရေးတပ်ဖွဲ့ဝင်ကိုငြိမ်းမောင်နှင့်အတူ အမျိုးသမီး၂ ဦးကို စစ်ကောင်စီတပ်က ဖမ်းဆီးခဲ့ပြီး ၎င်းတို့၏ လူမှုကွန်ရက် Facebook အကောင့် များကို စစ်တပ်က အသုံးပြုလျက်ရှိကြောင်း ပြည်သူ့ကာကွယ်ရေး တပ်ဖွဲ့ဝင် တစ်ဦး ကပြောသည်။ ယင်းသို့ဖမ်းဆီးထားသည့်  သတင်းကို စစ်ကောင်စီမှ မထုတ်ပြန်ဘဲ ၎င်းတို့ အသုံး ပြုသည့် Facebook အကောင့်ကို စစ်ကောင်စီက ဆက်လက် အသုံး ပြုနေသည်ကို တွေ့ရကြောင်း ပဲခူးပြည်သူ့ကာကွယ်ရေး တပ်ဖွဲ့ဝင် များကပြောသည်။ ဖမ်းဆီးခံထားရသူများ၏ လူမှုကွန်ရက်အကောင့်များမှတစ်ဆင့်  ဆက်သွယ် လာလျှင် ပြန်လည်စကားပြောခြင်းမပြုရန်နှင့် ယခင် ပြောထားခဲ့သူများ အနေ ဖြင့်လည်း ရှောင်တိမ်းကြရန်  ပြည်သူ့ကာကွယ်ရေးတပ်ဖွဲ့က တိုက်တွန်းထားသည်။  ကိုငြိမ်းနှင့်အဖွဲ့သည် ၁၁၅မိုင်ကနေ အာကာသယာဉ်လိုင်းဖြင့် ခရီးသွားနေစဉ် ၁၈၆မိုင်အရောက် အဖွဲ့စုံမှ ၎င်းတို့စီးလာသည့်ကားကို စစ်ဆေးစဉ် ဖမ်းမိ ခဲ့ ခြင်းဖြစ်ပြီး လတ်တလော တွင် တောင်ငူစစ်ကြောရေးကို ရောက်ရှိ နေပြီးသတင်းမထုတ်ပြန်ဘဲ ၎င်းတို့ကို အတင်းအကျပ်ဖုန်း ဆက်ခိုင်းခြင်း၊ အဖမ်း ခံရသူများ၏ Facebook အကောင့်များကို အသုံးပြုပြီး အခြားသူများကို ဖမ်း ဆီးခြင်းများ ပြုလုပ်လျက်ရှိ နေကြောင်း သိရသည်။ ယင်းအမှုနှင့် ဆက်စပ်၍ မန္တလေးတွင်လည်း လူငယ်တစ်ဦးအဖမ်းခံထားရပြီး နန်းတွင်းစစ်ကြောရေးကို ရောက်ရှိနေကြောင်း သိရသည်။ ယင်းအပြင် ကိုငြိမ်းမောင်တို့ကို တင်ဆောင်လာသည့် အာကာသယာဉ်လိုင်းမှ ယာဉ်မောင်း နှင့်ယာဉ်နောက်လိုက်ကိုလည်း နောက်တစ်ရက်တွင် လာရောက် ဖမ်းဆီးသွားကြောင်း သိရှိရသည်။ ဓာတ်ပုံ- ဖမ်းဆီးခံရသော ပဲခူး PDF  ကိုငြိမ်းမောင်။

ရန်ကုန်၊ ဇွန် ၂၈ လူထုခေါင်းဆောင် ဒေါ်အောင်ဆန်းစုကြည်ကို မတရားအမှုဆင် ဖမ်းဆီး အမိန့် ချခြင်းနှင့်   ပြည်သူလူထုကို အနိုင်ကျင့် နေခြင်းကြောင့် စစ်တပ် လက် အောက် ခံ တရားရုံးများများကို Justice Lady  Mission  စစ်ဆင်ရေးဖြင့်စတင်တိုက်ခိုက်နေပြီဟု ရန်ကုန်တိုင်း ပြည်သူ့တပ်မဟာက ကြေညာသည်။  ယမန်နေ့ ဇွန်လ ၂၇ ရက်နေ့ညပိုင်းတွင် တောင်ဥက္ကလာပ၊ မရမ်းကုန်း၊ ဒဂုံ အရှေ့  တရားရုံးများကို လက်ပစ်ဗုံးဖြင့်ပစ်ခတ် တိုက်ခိုက်မှုများ ဖြစ်ပွား ခဲ့ကြောင်း သိရှိရသည်။  ရန်ကုန်တိုင်းပြည်သူ့တပ်မဟာက တရားရုံးများကို  စစ်ဆင်ရေး ဖြင့် တိုက်ခိုက် ခဲ့ကြောင်း ပြောဆို ထုတ်ပြန်လိုက်ပြီး   နိုင်ငံတော်အတိုင်ပင်ခံပုဂ္ဂိုလ် ဒေါ် အောင် ဆန်း စုကြည် အား မတရားအမှုဆင် ဖမ်းဆီးခြင်းနှင့် ပြည်သူ့ခေါင်း ဆောင် တစ်ဦးကို အကျဉ်းထောင်သို့ ပို့ဆောင်မိန့်ချမှတ်ခြင်း၊  ဥပဒေ ကိုအသုံး ချ၍ ကိုယ်ကျိုးစီးပွားအတွက် ပြည်သူလူထုကို အနိုင်ထက်ပြုကျင့်ခြင်း၊ တော်လှန်ရေးရဲဘော်များအား မတရားအမှုဆင် ဖမ်းဆီးခြင်းနှင့်  ယိုင်နဲ့ နေ သည့် တရားရေးမဏ္ဍိုင်များကို သတိပေးသည့်အနေဖြင့် ရန်ကုန်တိုင်း ပြည်သူ့တပ်မဟာမှရန်ကုန်တိုင်းအတွင်းရှိတရားရုံးများကို ဖောက်ခွဲ ခဲ့ကြောင်း ကြေညာသည်။  ထိုသို့ဖောက်ခွဲရာတွင် အပြစ်မဲ့ ပြည်သူများ ထိခိုက်မှုမရှိစေရန် အလေးထား ဆောင်ရွက်ခဲ့ပြီး  မရမ်းကုန်းတရားရုံး၊ အရှေ့ပိုင်းခရိုင် မြို့နယ် တရားရုံး အရှေ့ဒဂုံ  ၊ တောင်ဥက္ကလာပမြို့နယ် တရားရုံး ၊   အရှေ့ပိုင်းခရိုင် မြို့နယ်တရားရုံး သာကေတမြို့နယ်တို့ကို  Justice Lady  Mission  စစ်ဆင်ရေး အမည်ဖြင့်တိုက်ခိုက်ခဲ့ကြောင်း၊  ပျက်စီးဆုံရှုံးမှုနှင့် အချိန်အတိအကျကို လုံခြုံရေး အရ ချန်လှပ်ခဲ့ကြောင်း ရန်ကုန်တိုင်းပြည်သူ့တပ်မဟာ၊ သတင်း နှင့်ပြန်ကြားရေးအဖွဲ့ထံမှ သိရှိရသည်။  ဓာတ်ပုံ- ယမန်နေ့ညပိုင်း လက်ပစ်ဗုံးဖြင့် ပစ်ခတ်တိုက်ခိုက်ခံရသော မရမ်း ကုန်း မြို့နယ်တရားရုံး။ (ပုံအဟောင်းဖြစ်သည်။)

ရန်ကုန်၊ ဇွန် ၂၈ စစ်ကိုင်းတိုင်း၊ ဆားလင်းကြီးမြို့နယ်၊ တုံကျေးရွာသစ်ကို စစ်တပ်က ဇွန်လ ၂၃ ရက်နေ့တွင် ဝင်ရောက်စီးနင်းခဲ့ပြီးကျေးရွာသား ကိုပေါက်စနှင့်ကိုကျင်ဝှက် ၂ ဦးကို ဖမ်းဆီးသတ်ဖြတ်ခဲ့ရာ ဇွန်လ ၂၇ ရက်နေ့တွင် စစ်တပ်က ဖွက်ထားခဲ့ သော အလောင်း ၂ လောင်းကို ပြန်လည်ရရှိ သဂြိုလ်လိုက်ကြောင်း ဒေသခံများ က ရန်ကုန်ခေတ်သစ်သတင်းဌာနထံသို့ ပြောဆိုကြသည်။  ဇွန်လ ၂၇ ရက်နေ့ ညနေ ၆ နာရီအချိန် တုံကျေးရွာသစ်၊ ရွှေအိုးကြီး ဘုရား မြောက်ဘက်တွင် အပုတ်နံ့ရရှိ၍ကျေးရွာသူ ကျေးရွာသားများက သွားရောက် စစ်ဆေးရာ  အလောင်း ၂ လောင်း တွေ့ရှိရကြောင်း၊ အလောင်းများကို သေချာ စွာ စစ်ဆေးကြည့်သောအခါ စစ်တပ်က ဖမ်းဆီးခဲ့သော ကျေးရွာသား ကို ပေါက်စ နှင့်ကိုကျင်ဝှက်တို့ဖြစ်သည်ကို စစစ် တွေ့ရှိရကြောင်း၊ ယင်း နောက် လောက်တက်၍ ပျက်စီးနေပြီဖြစ်သော အလောင်း ၂ လောင်းကိုမီးသဂြိုလ် လိုက်ကြောင်း သိရှိရသည်။   "အလောင်းတွေ့ရတယ်။  အလောင်းက၂လောင်း။ လောက်တွေတက်ပြီး ရုပ် ပျက် နေပြီ။ အလောင်းက ကိုပေါက်စနဲ့ ကိုကျင်ဝှက်ပဲ ပျောက်နေတာ ဆို တော့ သူတို့ပဲလို့ အားလုံးက ယူဆကြတာ။ မီးသဂြိုလ်လိုက်ပြီ" ဟု ဒေသခံတစ်ဦးက ပြောသည်။  အလားတူ ဇွန်လ ၂၅ ရက်နေ့  ဆားလင်းကြီးမြို့နယ်၊ အောင်ချမ်းစည် ကျေးရွာ ကိုလည်း  စစ်တပ်က ဝင်ရောက်စီးနင်းစဉ် ရန်ကုန်မှ လာရောက်သော လူငယ် တစ်ဦးကို ဖုန်းအတွင်း မသင်္ကာစရာတွေ့ရှိသည်ဟုဆိုကာ ဖမ်းဆီးသတ်ဖြတ် ခဲ့ပြီး မြေမြုပ်သဂြိုလ်သွားကြောင်း၊ အဆိုပါ လူငယ်မှာ အလည်လာရောက်သူ ဖြစ်၍ ကျေးရွာဘက်ကလည်း နာရေးရှင် မရှိ၍ အရေးတယူ မစုံစမ်းနိုင်တော့ဘဲ အလောင်းမြှုပ်ထားရာ နေရာကိုသာ မှတ်သားထားကြောင်း  သိရှိရသည်။ ဓာတ်ပုံ- စစ်တပ်က သတ်ဖြတ်သွားသော ကိုပေါက်စနှင့်ကိုကျင်ဝှက်တို့ ၂ ဦး ၏ ပျက်စီးနေသော ရုပ်အလောင်းများကို ယမန်နေ့  မီးသဂြိုလ်စဉ်။

ရန်ကုန်၊ ဇွန် ၂၈  မြန်မာနိုင်ငံတစ်ဝန်း ပြည်သူ့လုံခြုံရေးအဖွဲ့များကို ယခု ဇွန်လကုန်တွင် အပြီးဖွဲ့ စည်းရန် ပြည်ထဲရေးဝန်ကြီးဌာနကညွှန်ကြားထားကြောင်း သိရှိရသည်။  "ဒီလကုန်မှာ တစ်နိုင်ငံလုံး ပြည်သူ့လုံခြုံရေးအဖွဲ့တွေ အသင့်ဖြစ်ဖို့ ညွှန်ကြား ချက်ထွက်ထားပါတယ်။ မဖြစ်မနေရှိတဲ့အင်အားနဲ့ ဖွဲ့ဖို့ရှိပါတယ်" ဟု ခရိုင်စစ် ကောင်စီဝင်တစ်ဦးက ပြောသည်။  အကြမ်းဖက်စစ်ခေါင်းဆောင် မင်းအောင်လှိုင်က ယခုနှစ် မတ်လ ၃ ရက်နေ့ စစ်ကောင်စီအစည်းအဝေးတွင်မဘသ၊ YMBA ၊ ပြည်သူ့စစ်၊ ရဲ၊ စစ်မှုထမ်း ဟောင်း ၊ ကြက်ခြေနီ၊ မီးသတ် အပါအဝင် စစ်တပ်ထောက် ခံသူများပါဝင် သည့် ပြည်သူ့လုံခြုံရေး အမည်ခံအဖွဲ့များ စမ်းသပ် ဖွဲ့စည်းရန် ညွှန်ကြား ခဲ့ခြင်း ဖြစ်သည်။  ပြည်သူ့လုံခြုံရေးအမည်ခံ အဖွဲ့များ ဖွဲ့စည်းရန် ပါဝင်လာခြင်းဖြစ်ပြီး အဆိုပါ ပြည်သူ့လုံခြုံရေးအမည်ခံ အဖွဲ့များတွင် ရဲတပ်ဖွဲ့၊ စစ်မှုထမ်းဟောင်းအဖွဲ့၊ ပြည်သူ့ စစ် အဖွဲ့၊ မီးသတ်တပ်ဖွဲ့၊ ကြက်ခြေနီအဖွဲ့ ၊ ဒေသအကျိုး လိုလားသူ(စစ်တပ်ထောက်ခံသူ)၊ အချို့ပါတီများနှင့် YMBA ကဲသို့သော  အသင်းများ (မဘသ ပါဝင်) ပေါင်းစပ်၍ စမ်းသပ်ဖွဲ့စည်းဆောင် ရွက်ညွှန်ကြား ခြင်းဖြစ် ကြောင်း သိရှိရသည်။ ရန်ကုန်တိုင်း မြို့နယ်များရှိ ရပ်ကွက်များတွင်  ပြည်သူ့လုံခြုံရေးအဖွဲ့များကို ဇွန်လ ၂၃ ရက်နေ့နှင့် ဇွန်လ ၂၅ ရက်နေ့ အကြားတွင် အပြီးဖွဲ့စည်းရန်၊ အုပ်ချုပ်ရေးမှူးက ဦးဆောင်ပြီး ရာအိမ်မှူး တစ်ဦးက ဒုခေါင်းဆောင်၊ ကျန်ရာအိမ်မှူးများနှင့်စစ်မှုထမ်းဟောင်းများရှိပါက အဖွဲ့ဝင်များ အဖြစ် သတ်မှတ်ရန် မြို့နယ်ရဲတပ်ဖွဲ့မှူးများက ညွှန်ကြားထားကြောင်း သိရှိရသည်။  "ရည်ရွယ်ချက်ကရပ်ကွက်ထဲ တစ်ခုခုဖြစ်ရင် အဲဒီအဖွဲ့ တွေကို ရှေ့အရင် ထွက်ခိုင်းမယ်။ မြို့နယ်ရဲတပ်ဖွဲ့ရမှူးရုံးကလည်း အဲဒီအဖွဲ့ တွေက်ိုဇွန်လ ၂၅ရက်နေ့ အပြီးအမြန်ဆုံးဖွဲ့ပြီးဖို့နယ်ထိန်းတွေ ကိုရပ်ကွက်အုပ်ကြီးဆီ  ကွင်းဆင်းစာရင်း အမြန်တောင်းကြတယ်။ အခုတော့ တော်တော်များများ ဖွဲ့ပြီးကုန်ကြပြီ။ အမြန်ဆိုတော့လေ အဖြစ်ဖွဲ့လိုက်ကြတာ။ သင်တန်း ပေးမယ်လည်းပြောတယ်" ဟု ရပ်ကွက် ပြည်သူ့လုံခြုံရေးအဖွဲ့ဝင်တွင် စိတ်မပါသော်လည်းပါဝင်နေရသူတစ်ဦးက ပြောသည်။ အကြမ်းဖက်စစ်ခေါင်းဆောင် မင်းအောင်လှိုင်သည် တစ်နိုင်ငံလုံး အတိုင်း အတာ ဖြင့် ပြည်သူ့စစ် အမည်ခံ အဖွဲ့များ ဖွဲ့စည်းထားသော်လည်း အလုပ် မဖြစ်၍ ထပ်မံ၍ ပြည်သူ့လုံခြုံရေးအဖွဲ့ အမည်ဖြင့် ထပ်မံ၍ စမ်းသပ် ဖွဲ့စည်းရန် ဆောင်ရွက်လာခြင်းဖြစ်ကြောင်း သိရှိရသည်။ ဓာတ်ပုံ- ကန့်ဘလူမြို.နယ်၊ မှော်တောရွာဘုန်းကြီးကျောင်းမှ မဘသ ဘုန်းကြီး ဝါသဝ ဦးဆောင်သော ပြည်သူ့စစ်အဖွဲ့များ။