ရန်ကုန်၊ ဖေဖော်ဝါရီ ၁

မကွေးတိုင်း၊ ပခုက္ကူမြို့နယ်အတွင်း ၂ နေရာ၌ ယနေ့ ဖေဖော်ဝါရီလ ၁ ရက်နေ့တွင် ကျရောက်သည့် အကြမ်းဖက် စစ်အာဏာသိမ်းခြင်း ၄ နှစ်ပြည့် အထိန်းအမှတ်အဖြစ် “အထွေထွေဖိနှိပ်မှုကို အံတုကြ ၊ ဘုံရန်သူကို ထွက်ပေါက်မပေးနဲ့၊ အကြပ်တည်းကြားမှ ရုန်းထွက်ကြ” စသည့်စာသားများ ကိုဆောင်ကာ ပခုက္ကူလူထုတိုက်ပွဲကော်မတီက ဦးဆောင်၍ ပြည်သူလူထုများနှင့်အတူ စစ်အာဏာရှင်ဆန့်ကျင်ရေး လှုပ်ရှားမှုပြုလုပ်ခဲ့ကြကြောင်း သိရှိရသည်။

The post ပခုက္ကူမြို့နယ်အတွင်း ၂ နေရာ၌ စစ်အာဏာသိမ်းခြင်း ၄ နှစ်ပြည့် အထိမ်း အမှတ် အဖြစ် စစ်အာဏာရှင်ဆန့်ကျင်ရေး လှုပ်ရှားမှုပြုလုပ် appeared first on Khit Thit Media.

ရန်ကုန်၊ ဇူလိုင် ၂၁

ရန်ကုန်တိုင်း၊ ဒေါပုံမြို့နယ်မှ စစ်မှုထမ်း အပတ်စဉ် ၁ သင်တန်းဆင်း တပ်သားသစ် နိုင်လင်းသည် ရခိုင်စစ်မျက်နှာပြင်တွင် သေဆုံးသွားသည်ဟု စစ်တပ်က အကြောင်းလာကြောင်း သေဆုံးသူတပ်သားသစ်၏ မိတ်ဆွေတချို့ထံမှ သိရှိရသည်။

ဒေါပုံမြို့နယ်၊ ဆေးစက်ရပ်ကွက်မှ လူငယ်တစ်ဦးဖြစ်သော နိုင်လင်းသည် ဧပြီလတွင် စစ်မှုထမ်းရန် မဲပေါက်သဖြင့် စစ်ထဲသို့ အတင်းအကျပ် ခေါ်ဆောင်ခံရပြီး စစ်သင်တန်း အပတ်စဉ် ၁ တက်ရောက်ခဲ့ရကြောင်း ၊ ယင်းနောက် ဇွန်လ ၂၈ ရက်နေ့တွင် စစ်မှုထမ်းအပတ်စဉ် ၁ သင်တန်းဆင်းခဲ့ပြီး ဇွန်လ ၂၉ ရက်နေ့တွင် ရခိုင်စစ်မြေပြင်သိုပို့ ဆောင်ခံရကြောင်း၊ ဇူလိုင်လ ၁၉ ရက်နေ့တွင်မူ တပ်သားသစ် နိုင်လင်း ရှေ့တန်းတွင် သေဆုံးသည်ဆိုသော သတင်း မိသားစုထံသို့ ရောက်ရှိလာကြောင်း သိရှိရသည်။

“ဒေါပုံမြို့နယ်၊ ဆေးစက်ရပ်ကွက်က စစ်ထဲကို မဲပေါက်လို့ ခေါ်သွားတဲ့ နိုင်လင်းနဲ့ နောက်တစ်ဦးမှာ နိုင်လင်းက ရခိုင် ရှေ့တန်းမှာ ဆုံးသွားပြီ။ နောက်တစ်ဦးကတော့ ခြေထောက်ပြတ်သွားတယ်။ ဇူလိုင်လ ၁၉ ရက်နေ့မှမှ သူ့အကိုဆီက သတင်းရောက်တယ်။ နိုင်လင်းရဲ့ အစ်ကိုကလည်း ကြံ့ဖွတ်ပါတီကပဲ။ နိုင်လင်း အသက်က ၂၇ နှစ်လောက်ပဲရှိသေးတယ်။ သူတို့ကို စစ်ထဲထည့်တာက ဆေးစက်ရပ်ကွက် အုပ်ကြီး ဝေဇင်သောင်းက ထည့်တာ” ဟု သေဆုံးတပ်သားသစ်နိုင်လင်း၏ မိတ်ဆွေက ပြောဆိုသည်။

လတ်တလောတွင် ရန်ကုန်တိုင်း၊ တိုက်ကြီး၊ အမှတ် ၁ စစ်တပ် တန်းမြင့်လေ့ကျင့်ရေးသင်တန်းကျောင်းမှ ပြည်သူ့စစ်မှုထမ်း အပတ်စဉ် ၁ ဆင်း တပ်သားသစ်များ သံတွဲရှေ့တန်းစစ်မျက်နှာပြင်သို့ အပို့ခံခဲ့ရပြီး တပ်သားသစ် ၁၀၀ ကျော်မှာ မိဘများနှင့် အဆက် အသွယ်ပြတ်တောက်နေကြောင်း တပ်သားသစ်များ၏မိဘဆွေမျိုးများက ရန်ကုန်ခေတ်သစ်သတင်းဌာနထံသို့ ပြောဆိုသည်။

ဇွန်လ ၂၈ ရက်နေ့တွင် တိုက်ကြီး၊ အမှတ် ၁ စစ်တပ် တန်းမြင့်လေ့ကျင့်ရေးသင်တန်းကျောင်းတွင် ပြည်သူ့စစ်မှုထမ်း အပတ်စဉ် ၁ သင်တန်းဆင်းခဲ့ပြီး တပ်သားသစ် ၁၀၀ ကျော်ကို သံတွဲနှင့် ရခိုင် စစ်မျက်နှာပြင်သို့ စစ်ကောင်စီက ပို့ဆောင်ခဲ့ကြောင်း၊ ယင်းနောက်ရခိုင်ရှေ့စစ်တန်းစစ်မျက်နှာပြင်ရောက် တပ်သားသစ်များမှာ မိဘဆွေမျိုးများထံသို့ ဆက်သွယ်ခွင့်မရှိဘဲ အတင်းအကျပ် ရှေ့တန်းတွင် တိုက်ပွဲဝင်နေရခြင်းဖြစ်ကြောင်း သိရှိရသည်။

အကြမ်းဖက်စစ်ကောင်စီက ပြည်သူ့စစ်မှုထမ်းဥပဒေဖြင့် ခေါ်ယူခဲ့သော တပ်သားသစ်များကို မိမိတို့၏ သက် ဆိုင်ရာ နယ်မြေများတွင်သာ လုံခြုံရေး တာဝန်ထမ်းဆောင်စေမည်ဖြစ်ပြီး ရှေ့တန်းတွင် စစ်မတိုက်ခိုင်းပါ ဟု ပြောဆိုထုတ်ပြန်ခဲ့သော်လည်း သင်တန်းဆင်းပြီးချိန်တွင် တပ်သားသစ်များအားလုံးကို ရှေ့တန်းစစ်မျက်နှာပြင်များသို့ တိုက်ရိုက်ပို့ဆောင်ခဲ့ခြင်းဖြစ်ကြောင်း သိရှိရသည်။

ဓာတ်ပုံ- စစ်မှုထမ်းဥပဒေဖြင့် စစ်တပ်ထဲသို့ အတင်းအကျပ် ခေါ်ဆောင်ခံရသည့် လူငယ်များ။ (ပုံအဟောင်းဖြစ်ပါသည်။)

The post ရန်ကုန်တိုင်း၊ ဒေါပုံမြို့နယ်မှ စစ်မှုထမ်း သင်တန်းအပတ်စဉ် ၁ ဆင်း တပ်သားသစ် နိုင်လင်း ရခိုင်ရှေ့တန်း စစ်မျက်နှာပြင်တွင် သေဆုံး appeared first on Khit Thit Media.

ရန်ကုန်| ဇွန် ၆

ရခိုင်ပြည်နယ်၊ သံတွဲမြို့နယ်အတွင်း တိုက်ပွဲပြင်းထန်နေသည့် ဂေါ့တောင်အနီး သံတွဲလေဆိပ်တွင် စစ်ကောင်စီက အမြောက်တပ်ရင်း တပ်စွဲထားသည့်အပြင် တိုက်လေယာဉ်များဖြင့် အထိုင်ချကာ AA ထိုးစစ်အား ခုခံနေကြောင်း သိရှိရသည်။

ရခိုင်ပြည် သံတွဲမြို့နယ် ငပလီမြို့ထဲနှင့် ၃ မိုင်ခန့်အကွာ ဂေါ့ရပ်ကွက် ဂေါ့တောင်တွင် စစ်ကောင်စီနှင့် AA တို့ ဇွန်လ ၂ ရက်နေ့ ညနေပိုင်းကစ၍ ယနေ့အချိန်အထိ တိုက်ပွဲများပြင်းထန်လျက်ရှိကြော်ငး၊ ဂေါ့တောင်နှင့် ငပလီမြို့ထဲရှိ သံတွဲလေဆိပ်မှာ နှစ်မိုင်ခန့်သာ ဝေးကွာပြီး စစ်ကောင်စီက ခရီးသည်လေယာဉ်များကို ပိတ်ပင်၍ လေဆိပ်ကို စစ်ရေးအတွက် အသုံးပြုလျှက်ရှိကြောင်း စစ်ရေးအခြေအနေသိသူတစ်ဦးက ပြောသည်။

” သံတွဲလေဆိပ်ကို စစ်ကောင်စီက စစ်ရေးအတွက် အသုံးပြုနေတယ်။ ခရီးသည်လေယာဉ်တွေအားလုံးကို ပိတ်လိုက်ပြီး သူတို့ တိုက်လေယာဉ်တွေ အထိုင်ချထားတယ်။ တိုက်ပွဲဖြစ်တဲ့ နေရာတွေ၊ တိုက်ပွဲမရှိရင်လည်း အရပ်သားကျေးရွာတွေကို တိုက်လေယာဉ်တွေနဲ့ ခေါက်တုန်းခေါက်ပြန် နေ့စဉ် သွားပစ်ခတ်နေတယ်။ သံတွဲလေဆိပ်မှာ အမြောက်တွေတပ်ဆင်ပြီး ဟိုနေ့ကဆို ဆင်ခေါင်းရွာကို တရပ်စက်ပစ်ခတ်တာ။ ” ဟု ဒေသပြည်သူက ပြောသည်။

ဒေသပြည်သူများပြောပြချက်အရ သံတွဲမြို့နယ် ဂေါ့ရပ်ကွက်အနီးရှိ ဂေါ့တောင်နှင့် ရွှေလှော်ကျေးရွာအနီးတွင် တိုက်ပွဲများပြင်းထန်လျှက်ရှိနေပြီး AA ၏ ထိုးစစ်သည် သံတွဲမြို့နှင့် ၆ မိုင်ပတ်လည်သို့ ရောက်ရှိနေပြီဖြစ်သည်။

” သံတွဲမှာက တပ်ရင်း နှစ်ခုနဲ့ ရေတပ်တစ်ခုပဲရှိတယ်။ စစ်ကောင်စီအတွက် တပ်ရင်း အရမ်းနည်းတယ်ပေါ့နော်။ ဒါ့ကြောင့် သံတွဲလေဆိပ်မှာ အင်အားထပ်ဖြည့်ပြီး အမြောက်တပ်ရင်း အထိုင်ချတဲ့အပြင် တိုက်လေယာဉ်တွေကိုပါ ထားရှိထားတာ။ သံတွဲမြို့၊ ငပလီမြို့ မဆုံးရှုံးရအောင် စစ်ကောင်စီဘက်က AA ထိုးစစ်ကို အပြင်းအထန် ခုခံမယ်ဆိုတဲ့သဘောပေါ့။ ” ဟု သံတွဲမြို့မှ ပြည်သူတစ်ဦက ပြောသည်။

သံတွဲမြို့နှင့် ငပလီမြို့အတွက် စစ်ကောင်စီမှာ ခလရ ၅၅၊ ခမရ ၅၆၆ တပ်ရင်းနှစ်ခုနှင့် မောင်ရွှေလေး ရေတပ်တစ်ခုသာရှိပြီး ၎င်းတို့ကို အင်အားဖြည့်တင်းသည့်အနေဖြင့် သံတွဲလေဆိပ်ကို စစ်ရေးအတွက် အသုံးပြုနေခြင်းဖြစ်သည်။

စစ်ကောင်စီက သံတွဲလေဆိပ်တွင် တပ်စွဲပြီးနောက် သံတွဲတစ်မြို့နယ်လုံးကို တိုက်ပွဲဖြစ်ပွားနေသည်ဖြစ်စေ၊ တိုက်ပွဲ မရှိသည်ဖြစ်စေ ကျေးရွာများကို ဇွန်လ ၂ ရက်နေ့မှစတင်၍ လေကြောင်းဖြင့် ပြင်းပြင်းထန်ထန် ဗုံးကြဲတိုက်ခိုက်နေကြောင်း သိရှိရသည်။

ဓာတ်ပုံ- ယမန်နှစ် စစ်ကောင်စီက ဒဏ်ရာရ စစ်သည်များကို သံတွဲလေဆိပ်မှ တစ်ဆင့် ငပလီကမ်းခြေသို့ ပို့ဆောင်ခဲ့သည့် အပန်းဖြေခရီးစဉ်တစ်ခု။ (ပုံအဟောင်းဖြစ်ပါသည်။)

The post သံတွဲလေဆိပ်တွင် စစ်တပ်က တပ်စွဲထားပြီး AA ၏ထိုးစစ်ကို ခုခံနေ appeared first on Khit Thit Media.

ရန်ကုန်၊ ဖေဖော်ဝါရီ ၉

ကြံခင်းမြို့တွင် ပြည်သူများက ယနေ့ ဖေဖော်ဝါရီလ ၉ ရက်နေ့တွင် စစ်အာဏာရှင် ဆန့်ကျင်ရေးဆန္ဒပြလှုပ်ရှားမှု ပြုလုပ်ခဲ့ကြသည်။

The post ကြံခင်းမြို့တွင် စစ်အာဏာရှင်ဆန့်ကျင်ရေး ဆန္ဒပြ appeared first on Khit Thit Media.

ရန်ကုန်၊ ဖေဖော်ဝါရီ ၁

စစ်ကိုင်းတိုင်း၊ ဝက်လက်မြို့နယ်၊ ရွာသာကြီးကျေးရွာ စစ်တပ်အထိုင်စခန်းကို လက်နက် ကြီးများဖြင့် ပစ်ခတ်တိုက်ခိုက်ခဲ့ကြောင်း Special Defence Force (အညာမြေစစ်ကြောင်း) မှ တာဝန် ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

ယနေ့ ဖေဖော်ဝါရီလ ၁ ရက် ညနေ ၄ နာရီခန့်က ဝက်လက်မြို့နယ်၊ ရွာသာကြီးကျေးရွာ၌ အထိုင်ချ ထားသော အကြမ်းဖက်စစ်ကောင်စီတပ်စခန်းကို ၆၀ မမ လက်လုပ်စိန်ပြောင်းလက်နက်ကြီးများ ဖြင့် ပစ်ခတ်တိုက်ခိုက်ခဲ့ရာ အကြမ်းဖက်စစ်ကောင်စီတပ်သား ထိခိုက်သေဆုံးမှုရှိနိုင်ရန် စုံစမ်းနေ ဆဲဖြစ်ကြောင်း သိရသည်။

“ဒီနေ့ ၄ နာရီကျော်က သွေးမအေးကြောင်းပြသတဲ့အနေနဲ့ ဝက်လက်မြို့နယ်၊ ရွာသာကြီး အထိုင် စစ်တပ်စခန်းကို ၆၀ မမလက်လုပ်စိန်းပြောင်းတွေနဲ့ တိုက်ခိုက်ခဲ့ပါတယ်။ တော်လှန်ရေး ပူးပေါင်း မဟာမိတ်တွေနဲ့အတူ ကျနော်တို့ Special Defence Force (အညာမြေစစ်ကြောင်း) အဖွဲ့က ပါဝင် တိုက်ခိုက်ခဲ့ပါတယ်၊ မြေပြင်အခြေအနေအရ သေစာရင်းတော့ မသိရသေးပါဘူး” ဟု Special Defence Force(အညာမြေစစ်ကြောင်း)မှ တာဝန် ရှိသူတစ်ဦးက ရန်ကုန်ခေတ်သစ် သတင်းဌာန ထံသို့ ပြောကြားသည်။

အလားတူ စစ်ကိုင်းတိုင်း၊ ပုလဲမြို့ပေါ်တွင် အကြမ်းဖက်စစ်ကောင်စီတပ်သားများ ကင်းပုန်းဝပ်နေသော သရက် ခြံအတွင်းသို့ လက်နက်ကြီးများဖြင့် ပစ်ခတ်တိုက်ခိုက်ခဲ့ကြောင်း Chindwin Toe Ny Yar တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

ယနေ့ ဖေဖော်ဝါရီလ ၁ ရက် နံနက်အစောပိုင်း ၁၂ နာရီ မှ နံနက်အစောပိုင်း ၁ နာရီအထိ ပုလဲမြို့‌ပေါ် ရှိ အကြမ်းဖက်စစ်ကောင်စီတပ်သားများ ကင်းပုန်းဝပ်နေသော သရက်ခြံအတွင်းသို့ ၆၀ မမ၊ ၈၀ မမ လက်နက်ကြီးများဖြင့် ၁၅ လုံးပစ်ခတ်တိုက်ခိုက်ခဲ့ရာ အကြမ်းဖက်စစ်ကောင်စီတပ်သားများဘက်မှ လက်နက်ငယ်များဖြင့် ရမ်းသမ်းပစ်ခတ်ခဲ့ကြောင်း သိရသည်။

“ဒီနေ့ ရက်ထဲမှာပေါ့၊ မနေ့ကည ၁၂ နာရီကနေ ၁ နာရီလောက်အထိ ပစ်ခဲ့တာ၊ လက်နက်ကြီးနဲ့ ၁၅ လုံး ပစ်ခဲ့တယ်၊ အထိအခိုက်အအကျဆုံးတော့ မသိရသေးဘူး၊ လက်နက်ငယ်တွေနဲ့ ပြန်ပစ်တာရှိ တယ်၊ ဒီနေ့မနက်မှာလည်း ပုလဲမြို့နယ်ကို ဂျက်ဖိုက်တာနဲ့ လာပစ်သွားသေးတယ်၊ မြကုန်းဘက်မှာ အိမ်တွေပျက်စီးတယ်လို့တော့ ကြားရတယ်” ဟု Chindwin Toe Ny Yar တပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

အဆိုပါ တိုက်ခိုက်မှုကို Chindwin Toe Na Yar PDF နှင့် ယင်းမာပင် တပ်ရင်း ၂၉ တပ်ခွဲ ၃ ကိုဘသာ အဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များအထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

The post ဝက်လက်မြို့နယ်၊ ရွာသာကြီးကျေးရွာရှိ စစ်တပ်အထိုင်စခန်းကို လက်နက်ကြီးဖြင့် ပစ်ခတ်တိုက်ခိုက်၊ ပုလဲမြို့ပေါ်တွင် ကင်းပုန်းဝပ်နေသော စစ်သားများကိုလည်း လက်နက်ကြီးများဖြင့် ပစ်ခတ်တိုက်ခိုက် appeared first on Khit Thit Media.

ရန်ကုန်၊ စက်တင်ဘာ ၁၀

မကွေးတိုင်း ရေစကြိုမြို့နယ် ထွေအုပ်ရုံး(ရုံးပေါင်းစုံရုံး)တွင် တပ်စွဲထားသည့် အကြမ်းဖက်စစ်သားများကို စက်တင်ဘာ ၉ ရက်နေ့ ည ၇ နာရီအချိန်တွင် တိုက်ခိုက်ရာ စစ်သား ၂ ဦးသေဆုံးပြီး ၃ ဦးဒဏ်ရာရရှိခဲ့ကြောင်း Myingyan Black Tiger (MBT)မှ ပြန်ကြားရေးတာဝန်ရှိသူက ရန်ကုန်ခေတ်သစ်သတင်းဌာနထံသို့ ပြောဆိုသည်။

“မနေ့က ည ၇ နာရီလောက် အချိန်မှာ ပြောက်ကျားနည်းဗျူဟာကို အသုံးပြုပြီး မြို့လယ်ခေါင်မှာ ရှိတဲ့ ရုံးပေါင်းစုံ တပ်စခန်းကို အနီးကပ်သွားရောက် တိုက်ခိုက် ခဲ့တာပါ။ သူတို့ဘက်က ကား ၂ စီးနဲ့ လိုက်လံပစ်ခတ်တယ်။ ဒါပေမဲ့ ဘေးကင်း စွာနဲ့ ပြန်ဆုတ်နိုင်ခဲ့တယ်။ သူတို့ဘက်က ၂ ကောင် သေတယ် ၃ ကောင် ဒဏ်ရာ ရတယ်။ အဲဒါကတော့ ဖရဲသီးသတင်းအရ အတည်ပြုနိုင်ခဲ့တယ်။ လက် ရှိ ဒဏ်ရာရတဲ့ ၃ ကောင်ကတော့ ရေစကြိုပြည်သူ့ဆေးရုံကြီးမှာ ဆေးကုသမှု ခံယူနေတယ်လို့ သိရပါတယ်” ဟု Myingyan Black Tiger (MBT) မှ တာဝန်ရှိ သူက ပြောကြားသည်။

ရေစကြို ထွေ/အုပ်ရုံးတွင် တိုက်ပွဲဖြစ်ပွားချိန် မိနစ် ၃၀ ခန့် ကြာမြင့်ခဲ့ပြီး တိုက်ပွဲ အတွင်း အကြမ်းဖက်စစ်သားများ အထိနာခဲ့သဖြင့် တော်လှန်ရေး ရဲဘော် များ စခန်းရောက်သည့်အချိန်အထိ လက်နက်ကြီးများနှင့် ရမ်းသမ်း ပစ်ခတ်နေမှုရှိကြောင်း သိရှိရသည်။

ထိုသို့ တိုက်ခိုက်ခံရမှုကြောင့် ထင်းတန်းရပ်ကွက်ကို ယနေ့ စက်တင်ဘာ ၁၀ ရက်နေ့တွင် စစ်ကြောင်းထိုးမည်ဟု သတင်းရရှိထားကြောင်း Myaingyan Black Tiger (MBT) ၏ တာဝန်ရှိသူမှ ရန်ကုန်ခေတ်သစ်သတင်းဌာနသို့‌ ပြောဆိုသည်။

တိုက်ခိုက်မှုကို Myingyan Black Tiger (MBT) နှင့် အတူ N-YSO တပ်ဖွဲ့မှ ပူးပေါင်းတိုက်ခိုက်ခဲ့ခြင်းဖြစ်ကြောင်း သိရသည်။

The post ရေစကြိုမြို့ ထွေအုပ်ရုံးတွင် တပ်စွဲထားသည့် စစ်တပ်ကို တိုက်ခိုက်မှု စစ်သား ၂ ဦးသေ ၃ ဦးဒဏ်ရာရ appeared first on Khit Thit Media.

ရန်ကုန်၊ စက်တင်ဘာ ၂

ကချင်ပြည်နယ်၊ ရွှေကူမြို့နယ်၊ ကျောက်ကြီးကျေးရွာ၌ အထိုင်ချထားသော အကြမ်းဖက်စစ်တပ်စခန်း ကိုတိုက်ခိုက်သိမ်းပိုက်ခဲ့ရာ အကြမ်းဖက်စစ်ကောင်စီတပ်ဖွဲ့ ၅ ဦးသေဆုံးပြီး MA ၁ လက်အပါအဝင် ခဲယမ်းအများအပြားသိမ်းဆည်းရရှိခဲ့ကြောင်း Myo Hla PDF တပ်ဖွဲ့၏ထုတ်ပြန်ချက်နှင့် ရွှေကူPDF မှ တာဝန်ရှိသူတစ်ဦး၏ ရန်ကုန်ခေတ်သစ်သတင်းဌာနသို့ ပြောဆိုချက်အရ သိရှိရသည်။

စက်တင်ဘာလ ၁ ရက် နံနက် ၁ နာရီ ၁၅ မိနစ်အချိန်ခန့် ကျောက်ကြီးကျေးရွာတွင် အထိုင် ချထားသော တပ်မ ၈၈ လက်အောက်ခံတပ် ခလရ ၇၇ အထိုင်တပ်နှင့် ရဲစခန်းကို မြို့လှ K-PDF တပ် ရင်းက အလစ်အငိုက် တိုက်ခိုက်သိမ်းပိုက်ခဲ့ရာ အကြမ်းဖက်စစ်ကောင်စီဘက်မှ ၅ ဦးသေဆုံပြီး ၆ ဦး ဒဏ်ရာရရှိကြောင်း၊ MA. 1 တစ်လက်နှင့်အတူ လက်နက်ခဲယမ်း အများအပြားသိမ်းဆည်းနိုင်ခဲ့ကြောင်း သိရ သည်။

“ကျောက်ကြီးရဲစခန်းကို သိမ်းတယ်၊ သိမ်းပြီးတော့ အထိုင်လုပ်နေလို့မရဘူး၊ မနက် ၃ နာရီလောက်က စခန်းကို ဝင်တိုက်တော့ ၅ နာရီလောက်အထိပေါ့၊ သူတို့တွေ ဆုတ်ပြေးသွားတယ်၊ လက်နက်ရော၊ ခဲ ယမ်းရော တော်တော်များ များရလိုက်တာပေါ့၊ စခန်းကို အချိန်ကြာကြာထိုင်ထားလို့ မရဘူး၊ သိမ်းပြီးတာနဲ့ ယူစရာရှိတာယူပြီး ပြန်ဆုတ်လာခဲ့တာ၊ အားလုံး ပြီးမှ ပစ္စည်းတွေဘာတွေ သိမ်း ပြီး စွန့်ခွာပြီးမှ လေယာဉ်တွေနဲ့ ဗုံးလာကျဲ တာ၊” ဟု ရွှေကူ PDF တပ်မှ တာဝန်ရှိသူတစ်ဦးက ပြောကြားသည်။

စစ်ဆင်ရေး တိုက်ခိုက်မှုသည် ၃ နာရီခန့်ကြာမြင့်ခဲ့ပြီး အကြမ်းဖက်စစ်ကောင်စီတပ်ဖွဲ့ဝင်များက တပ်စွဲထားသည့် နေရာများကို စွန့်ခွာကာ ရဲစခန်းအတွင်းသို့ ထွက်ပြေးသွားကြကြောင်း၊ စစ်ကောင်စီတပ်ဖွဲ့ဝင်များသည် ကျောက်ကြီးကျေးရွာ ရဲစခန်း အ တွင်း ၌ ပိတ်မိကာ ကတုတ်ကျင်းကောင်းနေသဖြင့် ကတုတ်ကျင်းထဲမှ မထွက်တော့ဘဲ ရမ်းသမ်းပစ်ခတ် နေခဲ့ကြောင်း၊ မြစ်ကြီးနားလေတပ်မှ Jet Fighter SU 30 တိုက်ခိုက်ရေး ရဟတ်ယာဉ်များ တက်လာသည်ဖြင့် ရဲစခန်းကို သိမ်းခြင်းမပြုတော့ဘဲ လက်နက်ပစ္စည်းများ ယူဆောင်ကာ အထိအခိုက်မရှိ ပြန်လည်ဆုတ်ခွာခဲ့ကြောင်း သိရသည်။

အထိနာခဲ့သော အကြမ်းဖက်စစ်တပ်က ယမန်နေ့ နံနက် ၇ နာရီ ၁၅ မိနစ်အချိန် ဂျက်ဖိုက်တာဖြင့် ၂ ကြိမ်တိုက်ခိုက်ခဲ့ ကြောင်း၊ နံနက် ၈ နာရီ ၃ မိနစ်နှင့် နံနက် ၈ နာရီ ၈ မိနစ်တို့တွင် Mi-35 တိုက်ခိုက်ရေး စစ် ရဟတ် ယာဉ်ဖြင့် တိုက်ခိုက်ခဲ့ကြောင်း မြို့လှ KPDF က ထုတ်ပြန်ထားသည်။

The post ရွှေကူ၊ ကျောက်ကြီးရဲစခန်းကို တိုက်ခိုက်သိမ်းပိုက်မှု အကြမ်းဖက်စစ်ကောင်စီတပ်ဖွဲ့ဝင် ၅ ဦး သေဆုံးပြီး MA 1 တစ်လက်အပါအဝင် ခဲယမ်းအများအပြား သိမ်းဆည်းရရှိ appeared first on Khit Thit Media.

ရန်ကုန်၊ ဩဂုတ် ၁၁

စစ်ကိုင်းတိုင်း၊ ရွှေဘိုမြို့၊ မုခ်ပေါက်၌ သေနတ်ပစ်ဖောက် စိန်ခေါ်ကာ ထွက်လာသည့် အကြမ်းဖက် စစ် သား၊ ရဲများကို မိုင်းဆွဲတိုက်ခိုက်ခဲ့ရာ ရဲ ၃ ဦးသေဆုံးပြီး စစ်ဗိုလ်တစ်ဦး ဒဏ်ရာရရှိခဲ့ကြောင်း Buffalo Soldiers Freedom Force မှ တာဝန်ခံ ဗိုလ်ကျွဲကြီးက ရန်ကုန်ခေတ်သစ်သတင်းဌာနထံသို့ ပြောကြား သည်။

ယနေ့ ဩဂုတ်လ ၁၁ ရက် နံနက် ၁၀ နာရီ ၄၈ မိနစ်အချိန်တွင် ရွှေဘိုမြို့၊ မုဒ်ဦး၌ သေနတ်များပစ် ဖောက်ပြီးမိုင်းကွင်းပြင်ဆင်စောင့်ဆိုင်းခဲ့ရာ ညနေ ၄ နာရီ ၅ မိနစ်တွင် ရွှေဘိုမြို့ လေ့ကျင့်ရေး – ၈ တပ်မှ အကြမ်းဖက်စစ်သားများ၊ မြို့မရဲစခန်းမှ ရဲများ၊ ကညနရုံးမှ စစ်သားများပူးပေါင်း အင်အား ၃၅ ဦး ခန့်သည် အိမ်စီးကားလေးစီးဖြင့် ထွက်လာရာ မိုင်းကွင်းပေါ်အရောက် ရှေ့ထွက်မိုင်း ၃ လုံးဖြင့် ဖောက် ခွဲတိုက်ခိုက်ခဲ့ရာ အကြမ်းဖက်စစ်သား ၃ ဦးနေရာမှာပင်သေဆုံးပြီး စစ်ဗိုလ်တစ်ဦး အပြင်းအထန်ဒဏ်ရာ ရရှိခဲ့ကြောင်း သိရသည်။

“ကျနော်တို့ သူတို့သေနတ်ပစ်ဖောက်ပြီးမျှားခေါ်တာပေါ့၊ မျှားခေါ်ပြီး ညနေပိုင်းအထိမိုင်းထောင်စောင့်ခဲ့ တာ၊ အိမ်စီးကား ၄ စီးနဲ့ထွက်လာတာ၊ BOC ဆီဆိုင်ရဲ့မြောက်ဘက်မှာ သူတို့က နေရာယူထားတာ၊ အဲ နားလေးမှာပဲ ရှေ့ထွက်မိုင်း ၃ လုံးနဲ့ဖောက်ခွဲတိုက်ခိုက်ခဲ့တာ၊ ခွဲပြီးပြီးချင်းပဲ ရဲ ၃ ဦးကတော့ အပြင်းအ ထန် ဒဏ်ရာရပြီးတော့ ကားပေါ်မှာပဲ သေသွားတယ်လို့ သတင်းရတယ်၊ ဗိုလ်တစ်ဦးကတော့ အရေးပေါ် ဆေးရုံတင်ထားရတယ်လို့ သတင်းရတယ်ဗျ” ဟု Buffalo Soldiers Freedom Force မှ တာဝန်ခံ ဗိုလ်ကျွဲကြီးက ရန်ကုန်ခေတ်သစ်သတင်းဌာနထံသို့ ပြောကြား သည်။

အဆိုပါတိုက်ခိုက်မှုကို Buffalo Soldiers Freedom Force အဖွဲ့နှင့်အတူ မဟာမိတ်များဖြစ်ကြသော War Lord Defence Force (B-4 C-2 Shwebo)၊ တောကျီးကန်းပြည်သူ့ကာကွယ်ရေးတပ်ဖွဲ့၊ ဒေါင်းမင်း ပြည်သူ့ကာကွယ်ရေးတပ်ဖွဲ့၊ SBDF စခန်း-1 တပ်ခွဲ 11 တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး အကြမ်း ဖက်စစ်သားများမှ လက်နက်ငယ်များဖြင့် ရမ်းသမ်းပစ်ခတ်ခဲ့သော်လည်း ပြည်သူ့ကာကွယ်ရေး တပ်ဖွဲ့ ဝင်များ အထိအခိုက်မရှိ အောင်မြင်စွာ ဆုတ်ခွာနိုင်ခဲ့ကြောင်း သိရသည်။

အလားတူ တနင်္သာရီတိုင်း၊ ထားဝယ်မြို့နယ်၊ ပကာရီကျေးရွာ ရဲစခန်းကို ၄၀ မမ လက်နက်ကြီးဖြင့် ပစ်ခတ်တိုက်ခိုက်ခဲ့ကြောင်း ဒေသသတင်းရင်းမြစ်ထံမှ သိရသည်။

ယနေ့ ဩဂုတ်လ ၁၁ ရက် နံနက် ၆ နာရီခန့်က အကြမ်းဖက်စစ်သား၊ ရဲများပူးပေါင်းကာ တပ်စွဲထား သည့် ပကာရီရဲစခန်းကို ပြည်သူ့ကာကွယ်ရေးတပ်ဖွဲ့မှ ၄၀ မမ ဗုံးသီးဖြင့် ပစ်ခတ်တိုက်ခိုက်ခဲ့ရာ အကြမ်း ဖက်စစ်သား၊ ရဲများမှ လက်နက်ငယ်များဖြင့် ရမ်းသမ်းပစ်ခတ်ခဲ့ပြီး မိန်းမလမ်းမကြီးကိုလည်း ပိတ်ပစ်ခဲ့ ကြောင်း၊ ထားဝယ်မြို့မှ အကြမ်းဖက်စစ်ကား ၂ စီးဖြင့် ရောက်ရှိလာကာ ရဲစခန်းအနီးတဝိုက်ကို နေရာ ယူပေးပြီးနောက် ညနေပိုင်းတွင် ပြန်ဆုတ်သွားကြောင်း သိရသည်။

အဆိုပါရဲစခန်းသည် အချိန်ပြည့်အရက်မူးနေသော အကြမ်းဖက်စစ်သား၊ ရဲများနှင့်ပြည့်နှက်နေပြီး ထား ဝယ်- ထီးခီး ပြေးဆွနေသော ကားသမားများထံမှ ဆက်ကြေးကောက်ခံကာ ပြည်သူလူထုကို နည်းမျိုးစုံ ဒုက္ခပေးလျက်ရှိကြောင်း၊ တိုက်ခိုက်ခံပြီးနောက် ယာဉ်ဖြတ်သန်းသွားလာခွင့်ကို တနေကုန်ဖြတ်သန်းခွင့် မပေးပဲ ပိတ်ထားခဲ့ကြောင်း သိရသည်။

The post ရွှေဘိုမြို့ မုဒ်ပေါက်အနီး၌ သေနတ်ဖြင့် ပစ်ဖောက်စိန်ခေါ်ကာ ထွက်လာသော စစ်သား၊ ရဲများကို မိုင်းဆွဲ တိုက် ခိုက်မှု ရဲ ၃ ဦးသေဆုံး၊ ထားဝယ်မြို့နယ်ရှိ ပကာရီ ရဲစခန်းကို ၄၀ မမ ဖြင့် ပစ်ခတ် တိုက်ခိုက် appeared first on Khit Thit Media.

ရန်ကုန်၊ ဇူလိုင် ၁၉

ယင်းမာပင်မြို့နယ်တွင် ကယ်တင်ရှင်မရှာ ဒို့ကျေးရွာ သပိတ် စစ်ကြောင်း ဦးဆောင်ကာ ယနေ့ ဇူလိုင်လ ၁၉ ရက်နေ့တွင် အာဇာနည်နေ့ အထိမ်းအမှတ်အဖြစ် စစ်အာဏာရှင် ဆန့်ကျင်ရေး ချီတက် ဆန္ဒပြခဲ့ကြောင်း သိရသည်။

The post ကယ်တင်ရှင်မရှာ ဒို့ကျေးရွာ သပိတ် စစ်ကြောင်းက အာဇာနည်နေ့ အထိမ်းအမှတ်အဖြစ် စစ်အာဏာရှင် ဆန့်ကျင်ရေး ချီတက် ဆန္ဒပြ appeared first on Khit Thit Media.

ရန်ကုန်၊ ဇွန် ၂၈

ရန်ကုန်မြို့တွင် ရေဘဝဲ (ပြည်သူ့အကျိုးပြု လူငယ်အဖွဲ့အစည်း) မှ ဦးဆောင်ကာ ယနေ့ ဇွန်လ ၂၈ ရက်နေ့တွင် “မြို့ပြကို CCTV နဲ့ မသတ်နဲ့” စာတန်းချိတ်ဆွဲပြီး စစ်အာဏာရှင် ဆန့်ကျင်ရေး လှုပ်ရှားမှု ပြုလုပ်ခဲ့ကြောင်း သိရသည်။

မြို့ပြ တော်လှန်ရေး လှုပ်ရှားမှုအတွက် အကြီးမားဆုံးစိန်ခေါ်မှုသည် CCTV မှတ်တမ်းများ ဖြစ်ကြောင်း၊ CCTV တွင် အကြမ်းဖက် စစ်ကောင်စီဘက်က တပ်ဆင်ထားသည့် CCTV နှင့် ပြည်သူလူထုဘက်က တပ်ဆင်ထားသော CCTV ဆိုပြီး ၂ မျိုးတွေ့ရှိကြောင်း၊ ပြည်သူများ အသက်၊ အိုးအိမ်၊ ပိုင်ဆိုင်မှုစသည့် လုံခြုံရေး လိုအပ်ချက်များအရ မလွှဲမရှောင်သာ CCTV များ တပ်ဆင်ထားရခြင်းကို မြို့ပြတော်လှန်ရေးအင်အားစုများအနေနဲ့ နားလည်သိရှိပြီးသား ဖြစ်ကြောင်း သိရသည်။

ထို့ကြောင့် တပ်ဆင်ထားပြီးသား CCTV များကို လမ်းမ၊ လမ်းကွေ့များ၊ လမ်းထိပ်များ ဘက်သို့ ဦးတည်မျက်နှာမူထားခြင်းမှ လုံးဝရှောင်ရှားရန်နှင့် မိမိနေထိုင်ရာ သို့မဟုတ် မိမိဆိုင်ခန်းများရှိရာ ရပ်ကွက် ၊မြို့နယ်အတွင်း နွေဦးတော်လှန်ရေး လှုပ်ရှားမှု ပြုလုပ်သွားသည့်သတင်းကြားလျှင် ကြားခြင်း တပ်ဆင်ထားသော CCTV Record မှတ်တမ်းများကို ဂရုပြု ရှင်းလင်းပေးကြရန် ရေဘဝဲ က မေတ္တာရပ်ခံတိုက်တွန်းထားကြောင်း သိရှိရသည်။

The post ရန်ကုန်တွင် “မြို့ပြကို CCTV နဲ့မသတ်နဲ့” စာတန်း ချိတ်ဆွဲပြီး စစ်အာဏာရှင် ဆန့်ကျင်ရေး လှုပ်ရှားမှု ပြုလုပ် appeared first on Khit Thit Media.