Politics

ရန်ကုန်၊ ဇူလိုင် ၁ ဖားကန့်မြို့နယ် လုံးခင်းအုပ်စုတွင် ပြည်သူများ စုပေါင်း၍ အကြမ်းဖက် ဖက်ဆစ် စစ်အာဏာရှင်ဆန့်ကျင်ရေး မှော်ပေါင်းစုံ သပိတ်ချီတက်ခြင်းကို ယနေ့ ဇူလိုင် ၁ ရက်နေ့တွင် ချီတက်ခဲ့ကြသည်။

ရန်ကုန်၊ ဇွန် ၃၀ရန်ကုန်မြို့တစ်နေရာတွင် “ကျောင်းသားသည် ထောင်နှင့် မဆိုင်” ဘန်နာကိုင်ဆွဲကာ မင်္ဂလာဒုံမြို့နယ် ကျောင်းသားများသမဂ္ဂ (ဗကသများအဖွဲ့ချုပ်)၊ ဒေါပုံမြို့နယ် ကျောင်းသားများသမဂ္ဂ ( ဗကသများအဖွဲ့ချုပ်)၊ သာကေတမြို့နယ်ကျောင်းသားများသမဂ္ဂ (ဗကသများအဖွဲ့ချုပ်)၊ တာမွေမြို့နယ်ကျောင်းသားများသမဂ္ဂ ( ဗကသများအဖွဲ့ချုပ်)၊တောင်ဒဂုံမြို့နယ် ကျောင်းသားများသမဂ္ဂ ( ဗကသများအဖွဲ့ချုပ်) တို့ ဦးဆောင်၍...

ရန်ကုန်၊ ဇွန် ၃၀ အကြမ်းဖက်စစ်အာဏာရှင် အမြစ်ဖြတ် ချေမှုန်းရေးနှင့် KIA၊ PDF၊ NUG ထောက်ခံပွဲ ဖားကန့် ပင်မ သပိတ်စစ်ကြောင်းသည် ယနေ့ဇွန်လ ၃၀ ရက် နံနက်၌ ချီတက်ဆန္ဒပြကြသည်။ ဆန္ဒပြသူများက 'KIA PDF တိုက်ပွဲတိုင်းမှာနိုင်ပါစေ၊ NUG အစိုးရ ဒို့အစိုးရ၊ လူသတ်...

ရန်ကုန်၊ ဇွန် ၃၀လောင်းလုံးတွင် တော်လှန်လူငယ်များ ဦးဆောင်ကာ ယနေ့ ဇွန်လ ၃၀ ရက်နေ့တွင် စစ်အာဏာရှင် ဆန့်ကျင်ရေး တော်လှန်လူငယ်များ ဆန္ဒပြခဲ့ကြောင်း သိရသည်။

ရန်ကုန်၊ ဇွန် ၂၉ယင်းမာပင်မြို့နယ် ရွှေရေကြည် သပိတ် စစ်ကြောင်း ဦးဆောင်ကာ ယနေ့ ဇွန်လ ၂၉ ရက်နေ့တွင် စစ်အာဏာရှင် တော်လှန်ရေး ချီတက် ဆန္ဒပြခဲ့ကြောင်း သိရသည်။

ရန်ကုန်၊ ဇွန် ၂၉ကလေးမြို့ ပင်မသပိတ် အင်အားစုများ ယနေ့ ဇွန်လ ၂၉ ရက်နေ့တွင် " ကျွန်စိတ်ကင်းတဲ့ ၅/ လွှမ်းမိုးမခံတဲ့ ၅/" စာတန်း ကိုင်ဆောင်ကာ စစ်အာဏာရှင် တော်လှန်ရေး ဆန္ဒပြခဲ့ကြောင်း သိရသည်။

ရန်ကုန်၊ ဇွန် ၂၉ မင်းအောင်လှိုင် ခေါင်းဆောင်သော အကြမ်းဖက်စစ်တပ်က ထိုးစစ်များ ဆင်နွှဲ နေခြင်းကြောင့် ပဲခူးတိုင်း၊ ကျောက်ကြီး နှင့်မုန်းမြို့နယ်များတွင် ပြည်သူများ ထွက်ပြေးတိမ်းရှောင်နေရကြောင်း KNU ကရင်အမျိုးသားအစည်းအရုံးက တရား ဝင်သတင်းထုတ်ပြန်သည်။ ပဲခူးတိုင်း၊ ညောင်လေးပင်ခရိုင်၊ မုန်းမြို့နယ်ရှိ နောင်ကုန်းကျေးရွာ၊  ရန်မျိုး အောင် ကျေးရွာနှင့် ကျောက်ကြီးမြို့နယ်ရှိ ကျွန်းကုန်း၊ လယ်ဝိုင်းကြီး၊ ညောင် ကုန်း၊ ညောင်တန်း၊ နရွဲပင်၊ ငဗြက်အင်း၊ ကြို့ကုန်း၊ အင်းနက်၊ သဲကုန်း၊ ဝဲလ ဗျင်း၊ အောက်ချင်းကုန်း၊ လှည်းလမ်းကုန်း၊ စပ်လဲ၊ မတောကုန်း၊ ကျွဲချိုအင်း၊ လော်မူသော၊ လော်မူပယ်၊ ရွာကန့်လန့်၊ ထိုးဝါးစိုက်၊ ပြည်တော်သာကျွန်းကြီး၊ ရွှေသောင်၊ ထိပ်ပေါက်၊ ပတ္တလား၊ ကြိမ်တောမြောင်၊အုတ်မြေဒူး၊ ထန်းပင်ကုန်း၊ မမယမ်း(အထက်ပိုင်း)၊ မမယမ်း(အောက်ပိုင်း) စသည့် ကျေးရွာပေါင်း ၃၀ မှ လူဦးရေစုစုပေါင်း ၁၆၁၃၇ ဦး ဘေးလွတ်ရာသို့ထွက်ပြေးတိမ်းရှောင်ရကြောင်း KNU က ပြောသည်။  ပဲခူးတိုင်း၊ ညောင်လေးပင်ခရိုင်၊ကျောက်ကြီးမြို့နယ်ရှိ ကျေးရွာများအတွင်းသို့  အာဏာသိမ်းအကြမ်းဖက်စစ်ကောင်စီက  ရည်ရွယ်ချက်ရှိရှိ လက်နက်ကြီးများ ပစ်ခတ်ခြင်းကြောင့် ကျေးရွာပေါင်း ၁၁ ရွာမှ ကိုယ်ထူကိုယ်ထပညာရေး ကျောင်း များ ပိတ်သိမ်းကာ ရွေ့ပြောင်းတိမ်းရှောင်နေရကြောင်း၊  ထိုကျောင်း များ သည် ကျေးရွာသူကျေးရွာသားများက ကလေးများပညာရေးအတွက်  ကိုယ်ထူကိုယ်ထ တည်ထောင်ထားသည့် ကျောင်းများဖြစ်ကြောင်း၊  အာဏာ သိမ်းအကြမ်းဖက်စစ်ကောင်စီ၏ ထိုသို့သောလုပ်ရပ်များကြောင့် ထိုကျေးရွာ များ မှကျောင်းနေအရွယ် ကလေးသူငယ်များအတွက်  ကြိုးစားတည် ထောင် ထား သော ပညာရေးလုပ်ငန်းအား ရပ်တန့်စေခြင်းသည် လူ့အခွင့်အရေးကို ပီပီ ပြင်ပြင် ချိုးဖောက်နေခြင်းဖြစ်ကြောင်း KNU က ပြောသည်။  အာဏာသိမ်း အကြမ်းဖက်စစ်ကောင်စီ၏ ရည်ရွယ်ချက်ရှိရှိ လက်နက်ကြီး များ ပစ်ခတ်မှုကြောင့် ရွေ့ပြောင်းတိမ်းရှောင်နေရသည့် ကျေးရွာများဖြစ်သော ကျွန်း ကုန်း၊ ဝက်လာတော၊ အုတ်မြေဒူး၊ ကြိမ်တောမြောင်၊ ပတ္တလား၊ပေါက် သတော၊ ထိုက်ထူ၊ စောမူသဲ၊ မမယမ်း၊ သောင်ပု၊ ကျွဲတလင်းစသည့် ကျေးရွာ  ၁၁ ရွာတွင် ကိုယ်ထူကိုယ်ထကျောင်း တည်ထောင်ထားပြီး ကျောင်းသားဦးရေ စုစု ပေါင်း(၄၇၆)ဦး ရှိကြောင်း သိရှိရသည်။  ထို့ပြင် ဇွန်လ ၂၈ ရက်နေ့ နံနက် ၇ နာရီအချိန် ကေအဲန်ယူ-ကရင်အမျိုးသား အစည်းအရုံး၊ ညောင်လေးပင်ခရိုင်၊ကျောက်ကြီးမြို့နယ်နှင့် မုန်းမြို့နယ်တွင် အာဏာသိမ်းအကြမ်းဖက် စစ်ကောင်စီမှ ကျေးရွာများအတွင်းသို့လက်နက်ကြီး၊ လက်နက်ငယ်များ ပစ်ခတ်ခြင်း၊ ကျေးရွာပြည်သူလူထုများကို ကျေးရွာများမှ ထွက်ခွာရန် မောင်းထုတ်ခြင်းကြောင့် ဝဲလဗျင်းကျေးရွာအနီး၌ အာဏာသိမ်း စစ်ကောင်စီနှင့်  ကရင်အမျိုးသား လွတ်မြောက်ရေးတပ်မတော်တို့ကြား ထိပ် တိုက် တိုက်ပွဲဖြစ်ပွားခဲ့ကြောင်း၊ ထို့နောက်နံနက် (၈)နာရီ ခွဲအချိန်တွင် အာဏာ သိမ်းအကြမ်းဖက်စစ်ကောင်စီတပ်သည် ခလရ(၆၀)တပ်ရင်းမှ ကျောက်ကြီးမြို့ မေတ္တာရပ်ကွက်တွင် ဒရုန်းဖြင့်လက်နက်ကြီး ပစ်ချခဲ့ရာ    အရပ်သား ပြည်သူ အသက် ၃၀ နှစ်ရှိ  နော်အယ်စေးဖော၏ ဘယ်ဘက် လက်မောင်းတွင် ထိခိုက် ဒဏ်ရာရရှိခဲ့ကြောင်း၊ ထို့အပြင် စပ်လဲကျေးရွာအနီးရှိ စောပန်းသီး ၏ တဲကို အာဏာသိမ်းအကြမ်းဖက် စစ်ကောင်စီက မီးရှို့ဖျက် ဆီးခဲ့သည်ဟု KNU က ပြောသည်။  KNU  ညောင်လေးပင်ခရိုင်၏ စီမံအုပ်ချုပ်ရေးနယ်မြေအတွင်း အာဏာသိမ်း အကြမ်း ဖက် စစ်ကောင်စီမှ နယ်မြေကျူးကျော်ဝင်ရောက်လာခြင်းကြောင့် ပြည်သူလူထု၏ အသက်အိုးအိမ်စည်းစိမ်ကို ကာကွယ်ပေးရန်တာဝန်ရှိသော ကရင်အမျိုးသားလွတ်မြောက်ရေးတပ်မတော် တို့နှင့် ထိပ်တိုက် တိုက်ပွဲဖြစ် ပွားပြီးနောက်အာဏာသိမ်းအကြမ်းဖက် စစ်ကောင်စီဘက်မှ စတင်ကျူးကျော် လှုပ်ရှားသည့် ဇွန်လ(၂၄)ရက်နေ့မှ ယနေ့အချိန်အထိ ပြည်သူလူထုနေထိုင်ရာ ဒေသသို့ နေ့ညမပြတ် လက်နက်ကြီး၊ လက်နက်ငယ်များ ပစ်ခတ်လျက်ရှိ ကြောင်းKNU က ဆိုသည်။

ရန်ကုန်၊ ဇွန် ၂၉  ဆားလင်းကြီးမြို့နယ် မြောက်ခြမ်းနှင့် ယင်းမာပင် အရှေ့ခြမ်း ရွာပေါင်းစုံသပိတ်ကို ကျေးရွာလူထု အင်အားကောင်းကောင်းဖြင့် ၄၇၅ ရက်မြောက်နေ့အဖြစ် ယနေ့ ဇွန် ၂၉ ရက်တွင် အကြမ်းဖက်ဖက်ဆစ်စစ်တပ်ကို ဆန့်ကျင်ချီတက်ခဲ့ကြသည်။

ရန်ကုန်၊ ဇွန် ၂၉ စစ်ကိုင်းတိုင်း၊ မုံရွာမြို့နယ်၊ မြို့ပေါ် ပြည်ထောင်စုလမ်းမကြီးပေါ်တွင်  "မုဆိုးခြေထောက် ဆူးမကြောက်ဘူး။ စစ်ဖိနပ်အောက် ဒူးမထောက်ဘူး" ကြွေးကြော်သံဖြင့် စစ်အာဏာရှင် ချေမှုန်းရေး  ယနေ့ ချီတက် ဆန္ဒပြကြသည်။ မုံရွာလူငယ်များအစည်းအရုံး၊မုံရွာအခြေခံပညာကျောင်းသားသမဂ္ဂနှင့်မုံရွာတော်လှန်လူငယ်များပူးပေါင်း၍ မုံရွာမြို့၏ ပြည်ထောင်စုလမ်းမကြီးပေါ်တွင် "မုဆိုးခြေထောက် ဆူးမကြောက်ဘူး။ စစ်ဖိနပ်အောက်၊ ဒူးမထောက်ဘူး" စာသားကိုကိုင်ဆောင်ကာ စစ်အာဏာရှင်အလိုမရှိကြောင်း ချီတက်သပိတ် မှောက်ကြခြင်းဖြစ်သည်။

ရန်ကုန်၊ ဇွန် ၂၈စစ်ကိုင်းတိုင်း၊ ကလေးမြို့ လမ်းဆုံတွင် ယနေ့ ဇွန်လ ၂၈ ရက်၌ အကြမ်းဖက်စစ်အာဏာရှင် ဆန့်ကျင်ရေး ' မင်းတို့စစ်ဖိနပ်အောက် ဘယ်တော့မှ ဒူးမထောက်ဘူး' ဘန်နာချိတ်ဆွဲကာ ကလေးမြို့ပင်မသပိတ်စစ်ကြောင်းက ဆန္ဒပြကြသည်။