ပုလဲမြို့ပေါ်တွင် အကြမ်းဖက် စစ်ကောင်စီ ကင်းလှည့်ယာဉ် မိုင်းဆွဲတိုက်ခိုက်ခံရ၊ ၉ ဦးသေ

ရန်ကုန်၊ မတ် ၆

စစ်ကိုင်းတိုင်း ပုလဲမြို့နယ် မြို့ပေါ်တွင် မတ်လ ၅ ရက်နေ့ ည ၉နာရီ ၂၀ တွင် အကြမ်းဖက် စစ်ကောင်စီကင်းလှည့်ယာဉ်ကို ဒေါင်းနက် PDF မှ မိုင်းဆွဲတိုက်ခိုက်ခဲ့ပြီး အကြမ်းဖက် စစ်ကောင်စီဝင် ၉ ဦး သေဆုံးကြောင်း ဒေါင်းနက် PDF ထံမှ သိရှိရသည်။

“ဆိုင်ကယ် ၂ စီးနဲ့ အိမ်စီးကား ၁ စီးကို မှန်လို့ ၈ ဦး သို့မဟုတ် ၉ ဦး သေတယ်။ သေတာပဲ ရှိမယ် ထိခိုက်ဒဏ်ရာတော့ မရလောက်ဘူး” ဟု ဖြစ်စဉ်ကို ဒေါင်းနက် PDF မှ ရန်ကုန်ခေတ်သစ်သို ပြောကြားသည်။

အဆိုပါ တိုက်ခိုက်မှုတွင် ဒေါင်းနက် PDF မှ အထိအခိုက် အကျအဆုံးမရှိ အောင်မြင်စွာ ဆုတ်ခွာနိုင်ခဲ့သည်။