ရန်ကုန်၊ မတ် ၁၄
ရန်ကုန်၊ ကသာ၊ မန္တလေးနှင့်ဒီပဲယင်းတို့တွင် စစ်ကောင်စီတပ်များ တိုက်ခိုက်ခံရပြီး စစ်သား ၃၁ ဦးသေဆုံးကာ အများအပြားဒဏ်ရာရရှိကြောင်း ဒေသကာ ကွယ်ရေးတပ်ဖွဲ့များထံမှ သိရှိရသည်။
ကသာတွင် စစ်ကောင်စီတပ်ဖွဲ့ဝင် ၃၀ ဦးထက်မနည်းသေဆုံး
==================================
စစ်ကိုင်းတိုင်း ကသာမြို့နယ်တွင် ဧရာဝတီမြစ်ကြောင်းအတိုင်း ဆန်တက်လာသည့် စစ်တပ်သင်္ဘော ၂ စီးကို ရှော့တိုက်ဒုန်း နှစ်လုံးဖြင့် ပစ်ခတ်တိုက်ခိုက်ခဲ့ရာ ချက်ကောင်းထိပြီး သင်္ဘောအတွင်းပိုင်းထဲ ကျရောက်ပေါက်ကွဲခဲ့သဖြင့် စစ် သား ၃၀ ဦးထက်မနည်းသေဆုံးကြောင်း ကသာ PDF က သတင်းထုတ် ပြန်သည်။
“ရှော့တိုက်ဒုန်းစာမိ ခွေးအကောင်ရေ (၃၀)ထက်မနည်း သေပြီး ကုလားသချိုင်း တာဝါတိုင်အနီး မြုပ်နှံနေ။ ဒဏ်ရာရ ခွေး ငါးကောင်ကို ကသာ ဆေးရုံသို့ သယ်သွား” ဟု ကသာ PDF က သတင်းထုတ်ပြန်ထားသည်။
မန္တလေးတွင် ဗုံးခွဲတိုက်ခိုက်မှုများဖြစ်ပေါ်ပြီး စစ်သား ၁ ဦးသေဆုံး
=====================================
ယနေ့ မတ်လ ၁၄ ရက်နေ့ နံနက်ပိုင်း မန္တလေးမြို့ ၆၂ လမ်းနှင့် သိပ္ပံလမ်းထောင့် မီးပွိုင့်၌ လမ်းသွားလမ်းလာများကို ဖမ်းဆီးငွေညှစ်နေသည့် စစ်ကောင်စီလှည့်ကင်းတပ် ဗုံးဖြင့် တိုက်ခိုက်ခံရပြီး စစ်ကောင်စီတပ်ဖွဲ့ဝင် ၄ ဦး ဒဏ်ရာရရှိသွားကြောင်း၊ Mandalay Black King Scorpion၊ Guerilla Force of Mandalay၊ Mandalay Ranger Force – PDF မဟာမိတ်ညီနောင်သုံးဖွဲ့ ပူးပေါင်း၍ တိုက်ခိုက်ခြင်းဖြစ်ကြောင်း သှိရိရသည်။
ထို့ပြင် Mandalay Black King Scorpion နှင့် Guerilla Force of Mandalay မဟာမိတ်ညီနောင်နှစ်ဖွဲ့ က ၆၂ လမ်းပေါ်ရှိ သူနာပြုတက္ကသိုလ် ဂိတ်ပေါက် လုံခြုံရေးဂိတ်ကို ဗုံးဖြင့် ယနေ့တိုက်ခိုက်ရာ ဂိတ်ပေါက်စောင့် စစ်သားတစ်ဦး သေဆုံးခဲ့ကြောင်း သတင်းထုတ်ပြန်ချက်အရ သိရှိရသည်။
အလားတူ မန္တလေးတိုင်း မြို့သာမြို့ ပေါ်ရှိ လျှပ်စစ်ရုံးကို ယနေ့ည ၇ နာရီခွဲအချိန် လက်ပစ်ဗုံးဖြင့် ပစ်ခတ်တိုက်ခိုက်ခဲ့ကြောင်း သိရှိရသည်။
ဒီပဲယင်း စိုင်ပြင်ရဲစခန်း ရှော့တိုက်ဒုံးဖြင့် အထုခံရ
===========================
စစ်ကိုင်းတိုင်း၊ ဒီပဲယင်းမြို့နယ်၊ စိုင်ပြင်မြို့ရဲစခန်းကို မတ်လ ၁၂ ရက်နေ့ ည ၈ နာရီအချိန် ရှော့တိုက်ဒုံး ၆လုံးဖြင့် ကောင်းကင်၊ စွယ်တော်၊ ဗိုလ်ဇေယျနှင့်နင်ဂျာ(ဘတလင်)တို့က ပစ်ခတ်တိုက်ခိုက်ကြောင်း သိရှိရသည်။
လှိုင်သာယာတွင် ဗုံးပေါက်ကွဲ
==================
ရန်ကုန်တိုင်း၊ လှိုင်သာယာတွင် စစ်တပ်က ပြည်သူများကို ပစ်ခတ်သတ်ဖြတ်မှု တစ်နှစ်ပြည့်အဖြစ် ရန်ကုန်အခြေစိုက်တော်လှန်ရေး ညီနောင်အဖွဲ့များက ယနေ့ ညနေ ၃ နာရီ BOC မှတ်တိုင်နှင့် စနေမ မှတ်တိုင်အကြားတွင် ဗုံးခွဲမှု ပြုလုပ်ကြောင်း သိရှိရသည်။
ဓာတ်ပုံ- တိုက်ပွဲတိုင်း အသေများနေသည့် အကြမ်းဖက်စစ်ကောင်စီတပ်ဖွဲ့ဝင်များ။
