ခင်ဦးတွင် စစ်ကောင်စီတပ်များ တပ်စွဲရာ ရဲစခန်း၊ ဂိတ်များကို ဒရုန်းဖြင့် နေ့စဉ် ရက်ဆက် ဗုံးကျဲတိုက်ခိုက်

ရန်ကုန်၊ မတ် ၂၇

စစ်ကိုင်းတိုင်း၊ ခင်ဦးမြို့နယ်တွင် စစ်ကောင်စီတပ်များ တပ်စွဲရာ ခင်ဦးမြို့မ ရဲစခန်း၊ ဂိတ်များကို မတ်လ ၂၅ ရက်နေ့မှစတင်ပြီး ယနေ့အထိ ဒရုန်းဖြင့် နေ့စဉ်ရက်ဆက် ဗုံးကျဲ တိုက်ခိုက်လျက်ရှိကြောင်း Royal Tiger Guerilla Force မှ တာဝန်ရှိသူတစ်ဦးက ပြောသည်။

“တစ်နေ့က ခင်ဦး ရေဦးလမ်း ကံသစ်တံတားမှာ ဒရုန်းနဲ့ဗုံးကျဲတာ ၄ ကောင်ကျတယ်လို့ သတင်းရတယ်။ ဒီနေ့ဆက်ပြီး ခင်ဦးစခန်းရှေ့ဂိတ်မှာ ထပ်ချခဲ့ပါတယ်။ အကျအဆုံးရှိနိုင်ပါတယ်။မနေ့ကလည်း စခန်းထဲကိုချခဲ့ပါသေးတယ်” ဟု Royal Tiger Guerilla Force မှ တာဝန်ရှိရဲဘော်တစ်ဦးက ပြောဆိုသည်။